Kabataan ang pag-asa ng bayan
Tama pa ba ang sinabi ni Rizal?
Sila ba ang babangon sa atin mula sa kahirapan
Ang wawasak sa gapos na sa ati'y sumasakal
Ang mga kabataan ngayon ang dahilan
Kung bakit populasyon ay lumalawak
Suki sila sa mga panganakan
Buhay nila ay unti-unting nawawasak
Namulat sa karahasan mga batang isipan
Pananakit ay hindi na kasamaan
Nawawalan na ng mabuting asal
Hindi nila alam ang pagdarasal
Pinagsasamantalahan ng mga abusado
Sa ilegal na gawain sila ang instrumento
Hagupit ng latigo kanilang nararanasan
Sila ang mga nanlilimos malapit sa simbahan
Ito ang mga kabataan ngayon
Ang sinasabing sa bayan magpapaahon
Sarili nga nila'y hindi mapalamon
Paano nila tutulungan ang bansa bumangon?
Mabuting asal dapat ipakita
Upang ito ang kanilang makuha
Dapat tayo maging halimbawa
Sa kabataang tinuturing na pag-asa
