Ang Kwintas, Ang Snickers at Si Patrick (Boxyboy) (Completed)

Chapter 21

"Ano?!"

"Nakita ako ni Cheney na inaayos ko ang gown na susuotin niya!"

"Patay nga!! Ano, me ginawa ka bang remedyo?"

"Ah... Oh shit, si Cheney.. Teka, andyan na siya."

Nataranta ako. Hindi ko alam kung anong gagawin. Pucha naman!! Kamalas-malasan!! Bigla kong nilagay agad yung CP ko sa bulsa ko habang kalong-kalong ang damit para sa susuotin mamaya sa JS Prom. Maya-maya ay biglang nag-ring ang CP ko at kaagad ko ito kinuha.

"Hello?!"

"Ah.. Jacob!! Ah.. Ok na.. All systems go na para sa kay Cheney! Buti na lang at nakagawa ako ng dahilan para hindi nya ako mahalata. Maya-maya, papunta na kami, wag kang mawawala Jacob ah.. Wala akong ka-partner!!"

"Oh gosh!! Buti na lang!! Sige gusto mo, dun na rin ako magbihis at mag-ayos para makasiguro kang aattend ako.. Joke lang!! Sige, baka mahalata tayo! Ingat ka lang ha?!"

Agad na nagmadali akong pumunta sa bahay. Nang tinignan ko ang wristwatch ko, napansin kong mag-aalas 5:00 ng hapon na. Alas 7pm mag-uumpisa ang prom kaya medyo binilisan ko na din ang paglalakad.

Ilang minuto pagkatapos, nakarating ako sa bahay. Nakita ko si mommy na nagluluto sa kusina, samantala si daddy ay nanonood ng HBO sa TV. Nagmadali akong pumanik. Nang nakarating sa kwarto ay agad kong sinampay ang susuotin ko sa sampayan sa itaas ng kwarto malapit sa pintuan. Naisipan kong i-text muna si Joseph para magpasalamat at si Lei para hintayin ako sa gate ng school. Pagkatapos i-text ang dalawa ay pumunta ako sa CR para maligo.

30 minutes after nang natapos akong maligo sa CR. Medyo matagal, syempre para kailangang maging presentable at mabango.

Kinukusot ko ang buhok ko gamit ang bimpo habang naglalakad papunta sa kwarto. Nang nakapanik ay kaagad akong nagsimulang mag-ayos.

Sakto at mag-aalas 6:30pm ako natapos. Maganda at presentable ako nung gabing iyon. Ang maputi kong balat ay mas lalong pumuti. Nilagyan ko din ng lip shiner ang mga labi ko para mas lalong kumintab. Hindi na ako nag-lagay ng foundation na tulad ng ginagawa ng iba. Kuntento na ako sa pulbos at pabango para mas natural ang labas ng aking pagkagwapo.

Ginamit ko din ang Bench for men-Hair wax at ikinalat sa buhok. Pagkatapos ay pinaliguan ko ng pabango ang aking katawan gamit ang Booster Lacoste for men, na binili ni kuya sa Dubai.

Nang na-satisfy sa nakita sa salamin ay agad kong hinanap ang sapatos ko at pagkuwa'y sinuot. Tumayo ako at tinignan kung bumagay o hindi. Ok naman!!

Sakto at tapos na akong magbihis. Bumaba ako sa kwarto ko at nakita ako ni mommy at daddy habang kumakain ng hapunan.

"Naks, ang gwapo ng anak ko ah!! Parang artista!! Teka anak, pa-autograph naman ako!!" sigaw ni daddy habang naglalakad ako.

"Tsaka na dad, kapag nag-artista ako!!"

"Teka, anong oras balik mo? Huwag kang magpapaumaga ha?! Kung di ka Uuwi ngayong gabi, i-text mo kami ng daddy mo!!" sabi ni mommy habang kumakain kasama ni daddy.

Kinuha ko ang CP ko sa tabi ng TV at sabay lumabas. Nakakahiyang lumabas, kaya nakisuyo ako kay daddy na tumawag ng taxi sa kanto at sinunod naman niya ako. Buti na lang at tapos na siyang kumain nang humingi ako sa kanya ng suyo. Medyo nagtagal ng konti si daddy sa labas pero ayos naman hanggang sa nakasakay ako at inihatid ng taxi driver sa eskwelahan.

Nang nakapunta ako sa eskwelahan, pansin ko ang pormal na damit ng isang lalaki sa tabi ng gate. Ang gwapo niya. Nakataas ang harapan ng buhok niya at naaninag ang mala-artistahing kulay puti na mamula-mulang balat nito. As in, mukha siyang foreigner!! Mukha siyang prinsipe!! Gusto ko ang style ng pananamit niya. Naka-tuxedo siya na makintab. Hapit ito sa katawan niya at parehas kaming na parang me ribbon sa gitna ng kwelyo nito. Kulay aqua blue ito at talagang nagmukha siyang importanteng tao kung tutuusin.