دق الباب فى منزل علي....
أشرف بصوت عالى: أيوة جاى....جاى فتح أشرف الباب و....: ايه يابنى .........كل ده خبط؟
لم يجب علي وانما أزاح أشرف من أمامه ودخل الشقة....أما اشرف فقد ظل يراقبه منذ لحظة دخوله وحتى لحظة جلوسه على أحد مقاعد الأنتريه المهترئة
تنحنح أشرف ثم قال بتردد: طيب أنا شكلى كده هانزل أجيب ساندوتشات فول وطعمية..........لأن على ما اعتقد مافيش غدا بره النهاردة
لم يجب علي وانما أعاد راسه الى الوراء لتستقر على ظهر المقعد........
اقترب منه أشرف وهو يقول: فى ايه يا علي؟؟...........انت تعبان؟؟
نظر علي اليه فى هدوء وهو يقول:هو فى حاجة فى البلد دى تريح؟؟........... خلاص...........العيشة كلها بقت تعب فى تعب
أشرف: ايه اليأس ده يا علي؟؟...........كل ده علشان مالقتش شغلانة؟؟
علي بحسرة: المشكلة يا أشرف انى لما دخلت هندسة ميكانيكا قسم سيارات دخلته علشان عرفت انه قسم ليه تقله...........وأن اى شركة بتشتغل فى مجال العربيات تتمنى واحد متخرج من القسم ده............بس اللى لقيته غير كده خالص...........للدرجة دى بقت بلدنا مش بتقدر العلم ولا الشهادة اللى حفيت علشان اوصلها؟؟...........
ربت أشرف على كتفه وهو يقول : ماهى دى بلدنا يا علي...........أنا وأنت عارفين ده كويس...........ايه الجديد يعنى؟؟
علي بأسف: على رأيك ايه الجديد ؟..........
هم أشرف بمعاتبته على تركه لوظيفته...........ولكنه تراجع خوفا من أن يجرح مشاعر صديقه فاكتفى بقول: ان شاء الله خير...........وربنا هيعوضك بشغلانة احسن من اللى كنت فيها وبمرتب اعلى كمان
اومأ علي برأسه وهو يقول: امين...........انا داخل ارتاح بقى علشان أنا من صباحية ربنا بلف على كعب رجلى...........
اشرف: طب مش تاكل حاجة الأول؟؟
علي وقد نهض واتجه الى غرفته: ماليش نفس...........
دخل علي غرفته واغلق الباب........... ليلقى بجسده على الفراش...........وليستعد لفترة طويلة من الراحة
*************
فى الصباح الباكر.........استيقظت شمس واستعدت للذهاب الى كليتها.........شمس وهى تركض على الدرج: صباح الخير يا مامى......... اومال فين بابا؟؟
سوسن بعد ان ارتشفت رشفة قصيرة من كوب القهوة : صباح النور........بابا راح الشغل........مانتى صحيالى متأخر
شمس: اه صح........بس ده يا مامى مالوش علاقة بالاهمال او التأخير........انا محاضراتى الساعة 10 ودلوقتى الساعة 9 ونص........يعنى هلحق
