الحلقه 13
وائل :ملك ملك فوقي ارجوكي
بدات ملك في انها تحرك راسها وجفونها بالفوقان وفعلا فتحت عينيها
ملك :انت جيت امتي وليه
وائل :جيت لقدري ونصيبي المهم انتي كويسه
ملك :الحمد لله انا كويسه شكرا بجد علي كل حاجه
وائل :شكرا علي ايه يا ملك ده انا عايز اتاسفلك اني ادخلت بينك وبين جوزك لكن مقدرتش اسمعك تستغيثي ومساعدكيش
ضحكه ملك بسخريه علي.كلام وائل وبداات تعدل نفسها في قعدتها وتغطي نفسها اكتر
وائل: يلا بقي اتفضلي غيري هدومك علشان اصالحك علي حازم واتاسفله
ملك :اقعد يا وائل انت مش فاهم اي حاجه وجه الوقت اني افهمك بس استناني شويه اغير هدومي ونقعد نتكلم في البلكونه وفعلا خرج وائل للبلكونه والفضول كان بيزداد عنده اكتر واكتر دخلت ملك علي وائل وبدات تتكلم
ملك :انا عارفه انك عندك فضول تفهم وتعرف ايه الي حصل وانا هحكيلك علي كل حاجه حصلت
انا حبيت حازم جداا ولما جه اتقدملي كنت حاسه اني لقيت حلمي واني اسعد ؤاحده في العالم لغايه ما جت ليلة فرحي وده كانت اسوء يوم في حياتي بمعني الكلمه لان حازم صارحني انه متجوزني علشان يسكت اهله ويحاول لانه فشل باقنعاهم انه يتجوز واحده بيحبها ؤكنت انا كبش الفدا في حياه حازم وهو الي طلب مني اننا نعيش لمدة سنه مع بعض وبعدها نرجع مصر ونتطلق
وائل :ايه الكلام الي انتي بتقوليه ده ازي توافقي علي عرض زي كده انتي مغلطييش علشان تحطي نفسك في الوضع ده
بدات دموع ملك تنزل وانهيارها يزيد كان لازم اوافق لان احنا في مجتمع مش بيشوف غير ان الست هي الي غلطانه وان العيب دايما من الست مهما كان الراجل غلطان انا وافقت لان غصب عني لازم افكر في ابويا المريض وامي وصدمتهم لما يعرفؤا خيبه بنتهم الي رجعالهم بعد اسابيع ودموعها علي خدها وورقة طلاقها في ايديها مكنش ينفع ابقي انانيه وافكر في مصلحتي بس
وائل :طيب ممكن تهدي انتي بتعيطي ليه دلوقتي .........اسكتي بقي يا ملك يا اما والله هعيط معاكي
ملك :ابتسمت ابتسامه خفيفه طيب وانت هتعيط ليه بقي انا بعيط عشان الي بيحصلي
وائل :هعيط لان اممم ايوه انا اتخنقت مرتين انهاردة بسبب حضرتك واخدت ضرب يخليني سوسن بالضبط
ملك : مقدرتش تتمالك نفسها الا وانها فضلت تضحك هو حد قالك اتخانق علشان خاطري اصلا انت الي بتحب الخناقات
وائل :لا والله بقيت انا الي وحش في الاخر
ملك :صحيح انت ليه جتلي الاوضه انت معملتهاش طول الشهور الي فاتت ايه الي جابك لقدرك
وائل:الجاكت حضرتك انتي نسيتي انك اخدتي مني الجاكت وكان جواه كل حاجه مفتاح الغرفه بتاعتي والفلوس وحتي التلفون
ملك :يا لهوي ده انا رميت الجاكيت في الماية في البانيو. وبصوا لبعض هما الاتنين وطلعوا يجروا علي الحمام وطبعا اول حاجه شافوها الفلوس ومفتاح الغرفه والتلفؤن ؤهو عايم علي وش المايه
وائل :يادي النيله يعني اضربت وفلوسي اتبلت وتلفوني باظ وانتي واقفة حاطه ايدك علي بوقك علشان تداري ضحكتك لا كملي الليله واضحكي بقي
وفعلا انطلقت ملك من كتر الضحك علي منظر وائل
..........................................................نرجع لحازم في اوضته
دخل حازم اوضته وهو في حالة زعل وانهيار اكتر من الي ملك كانت فيها واول حاجه عملها انه دخل تحت الدوش بهدومه واول ما بدا يفوق ويفتكر الي عمله لملك فضل يعيط زي الاطفال وافتكر ملك وانها لما كانت مخنوقه وعايزه تعيط كانت بتقوم تصلي وتناجي ربنا وفعلا لقي نفسه تلقائيا بيتوضي ودخل علي سجادة الصلاة وكانه مقدرش يتمالك نفسه من العياط وسجد وفضل يقول لربنا سامحني واغفرلي يا رب انا مش عارف انا عملت ايه وكنت بعمل اية سامحني يا رب وقربني منك اكتر يا رب.انا اتغيرت وهتغير وهبقي احسن قويني وقربيني ليك اكتر يا رب
وخلص اليوم وحازم لاول مره يلمس التغيير في نفسه
وملك حاولت تنسي همومها بكلامها وفضفضتها مع وائل لانها حست انها ولاول مره بتفضفض.وبتحكي سرها الي كاتماه لشهووور لحد
دخلت ملك الموقع وخلصت المتبقي من تصوير وقالت لكل العاملين انا قدمت الحجز وكلنا هنسافر باليل والمتبقي من شغل المونتاج يخلص هناك يا ريت تجهزوا.نفسكم كان حازم كل دقيقه بيحاول يقرب منها ويتكلم معاها ولكن هي مدتهوش اي فرصه نهائي وركبوا فعلا الطيارة واول ما قرب من كرسي ملك لقي وائل قغد جنبيها وقالها انا حجزت المكان دة رايح راجع ولا انا منفعش غير في الخناقات
وضحكت ملك ،وقالتله الطياره كلها مللكك يا استاذ
ملك :انا فعلا مش عارفه اشكرك ازي يا وائل علي كل حاجه وعلي الشغل وعلي مساعدتي ودعمي علي مستوي حياتي الشخصيه انت فعلا ساعدتني ووقفت جنبي
وائل :يا ملك دة واجبي ولو اي حد في مكاني كان لازم يعمل كده
ملك :تحب اقدم طلب وتيجي معانا في فرع الشركه بشكل كلي
وائل :معنديش اي مانع بس لازم ارجع اصفي حساباتي وبعدين اكون جاهز اني ارؤح اي فرع تحبيه
