الحلقه الاخيره
بص حازم فى الارض من كسفته ومكنش عارف يقول ايه او يعمل ايه
وائل :طيب يا جماعه احنا هنقوم بقى نمشي علشان الوقت مياخرش اكتر من كده
ملك :ليه يا جماعه خليكم شويه احنا لسه ملحقناش نقعد سوا
رحاب :مره تانيه باذن الله هنتقابل كتير وهنقعد اكتر سلام يا حببتى وحضنتها وفعلا اخدها وائل ومشيوا
ملك :نعم يا حازم اكيد جاى عايز حاجه
حازم : بصراحه انا مش عارف انا جاى ليه
ملك : متاكد انك مش عارف
حازم :ملك انا اسف ......اسف على كل حاجه على انى جرحتك وعلى الخيانه وعلى اى دقيقه سببتلك فيها الم من فضلك سامحينى سامحينى يا ملك
اتفاجاءت ملك من كلام حازم الغير متوقع لانها مكنتش متوقعه ابدا انه يتكلم بالطريقه ده لانها عارفه ان من الصعب جدا ان حازم يعتذر
ملك وبعد فتره سكوت كبيره وكانها بتعيد حسابتها
ملك : وانا سامحتك يا حازم واسفك مقبول وهعتبر ان الى حصل ده كله كان من الماضى ومن انهارده احنا صحاب
فرح حازم جدا من ردة فعل وكلام ملك ولكن اتصدم من كماله الجمله
ملك: وحتى بعد ما نطلق هتفضل علاقتنا كويسه ان شاء الله
حس حازم بخيبه امل وكانه معلمش حاجه مش عارف يجيبها ازى
حازم : طيب بعد اذنك انا هروح بقى عايزة منى حاجه
ملك : لا متشكره اوووووى
ونزل حازم ومع نزوله ابتدت المطره فتح حازم العربيه وبدا يدورها وهو عقله وتفكيره مشتت ازى اقرب ملك منى كمان مره ولكن قطع تفكيره ان العربيه مش بدور
حازم : يادى القرف انا شكلى نسيت احط بنزين يا ربى وكمان الكوتش نايم وكده مفيش قدامى غير التاكسي
كانت ملك واقفه فى البلكونه وده لانها بتحب المطر جداااا ولكن كانت متابعه تعثر حازم فى نفس الوقت وقف حازم اكتر من نص ساعه ولكن مفيش تاكسي راضى يقف ونزلت ملك لحازم
ملك : مش هينفع تفضل قاعد فى الشارع كده كتير تعال نام عندى انهارده
حازم : بس ممكن اضايقك يعنى
ملك : ههههههههههههههه لا مفهاش مضايقه اهى فرصه كويسه نستفيد من عقد الجواز والفرح والحجات الى فيها فلوس ده
وضحك حازم على كلام ملك وطلعوا الشقه
ملك : دقيقه واحده هجيبلك حاجه تلبسها
حازم : هههههههه لا استنى هنا انا بطلت البس الحريمى
ملك : انت عايز تفضل قاعد مبلول كده
حازم :انا عندى اقعد عريان بس ملبسش لبس حريمى
ضحكت ملك ضحكتها الى مليانه حيويه ولكن دخلت الاوضه وجابت علبه هديه وملفوفه لفه شيك جدا وقدمتها لحازم
حازم : وايه ده بقى ان شاء الله
ملك : افتحها وانت تشوف
وفعلا فتحها حازم ولقى فيها بيجامه بلونه المفضل ومقاسه كمان
حازم :وده جبتيها امتى وليه ؟
ملك : جبتها معايا من مصر امممم ده كانت ليك من الاول كنت هديهالك يوم فرحنا بس انت عملت الواجب وسبقتنى بهديتك
دخلت ملك المطبخ علشان تحضر عشا وغير حازم هدومه وخرج بالبيجامه
حازم : متشكر اوووى يا ملك على البيجامه
ملك : ههههههههه لا العفو انا الى لازم اشكرك لانى اكيد مكنتش هلبس بيجامه رجالى بطلتها من زمان
يلا بقى اتفضل العشا
حازم : انتى مش هتاكلى معايا
ملك : لا للاسف عندى شغل ولازم اخلصه
حازم : طيب ناكل ونعمل الشغل سوا ايه رايك
قعدت ملك مع حازم وافتكرت اخر مره قعدوا كلوا فيها سوا كان اثناء فتره الخطوبه واتفكرت لما كان بياكلها بايده وافتكرت قد ايه كانت سعيده وفرحانه فى الوقت ده
حازم : انتى روحتى فين حاسس انك مش معايا
ملك : لا ابدا يا حازم انا معاك اهو بس عندى شغل كتير ولازم فعلا اخلصه
حازم : طيب لما اشوف الشغل الكتير ده وقرب حازم على الاب توب وشاف خلفيه الشاشه صورته
وشاف ملف تانى مكتوب عليه زكريات خطوبتى انا وحبيبي
وطلعت تجرى ملك علشان تدارى موقفها من حازم وقالتله اا اسفه اوى انا نسيت احذف الصورة ده من هنا
حازم :طيب وبتتاسفى ليه ده حاجه تفرحنى لانى حسيت نفسي كانى توم كروز والمشجعين حطين صورى
ضحكت ملك وحازم وكان السكون التام والهدوء الى فى البيت بيجبر عنيهم انها تتلاقى ولفترات طويله بيفضلوا باصين لبعض
وقطع هدوئهم حازم وهو بيقولها
حازم : ملك الساعه عدت واحده تحبى نصلى قيام ليل سوا انا اتعودت اصلى قيام ليل فى الوقت ده
ملك : بجد يا حازم انت بقيت منتظم فى الصلاه
حازم : والله يا ملك انا فعلا اتغيرت واتغيرت فيا كل حاجه انا اكتشفت انى بهرب من نفسي واكتشفت ان ده الحياه الصح الى بجد بتدينا السعاده
ملك : انت مش متخيل الكلام الى بتقوله ده فرحنى قد ايه انا حالا هدخل اتوضى والبس الاسدال
اتوضت ملك وحمدت ربنا انه حققلها حلمها فى انها تصلى ورا حازم وتسمع صوته وهو بيقرا القران
خلصت الصلاه وكانت ملك حاسه انها من امتع اللحظات الى قضتها فى حياتها وحست ان حازم جواه مشاعر عايز يقولها
ولكن رجعت كدبت نفسها بسرعه وقالت لنفسها اوعى تضحكى على نفسك تانى ابدااااا لو جواه مشاعر نحيتك كان قالها بالعكس اسبقيه بخطوة يمكن بيعمل كل ده علشان يتاكد منك بخطوه الطلاق
وفى نفس الوقت كان حازم بيكلم نفسه وبيقول لنفسه ده الوقت المناسب انك تتكلم عن مشاعرك وتحكى كل حاجه جواك وقطعت سرحانه صوت ملك وهى بتقول انا عايزة اقولك حاجه
حازم: بصلها باهتمام وقلها وانا كمان عايز اقول حاجه بس قولى انتى الاولى
ملك : لا عادى قلت انت الاول
حازم : ههههههههه لا طبعا الاتيكيت بيقول ان انتى الاول
ملك : طيب انا كنت عايزة اعرف احنا هنقول ايه لاهلنا فى وقت الطلاق بس عشان نكون متفقين وميحصلش اى غلط
اتصدم حازم من كلام ملك وكانه كان منتظر حاجه تانيه
حازم : انتى خلصتى العرض الى هتعرضيه بكره صح
ملك : اه خلصته
حازم : طيب ادخلى نامى دلوقتى ونتكلم بعدين فى اى حاجه
ملك : طيب انت كنت عايز تقول حاجه صح
حازم :لا بعدين بقى يا ملك ادخلى نامى انتى انا هنام هنا فى الصلاه تصبحى على خير
