Nerd's Secret

C16: I Love You

RED

Sabado ngayon.

I decided to go home for a while. Kung saan nakatira sila Mom. Nami-miss ko na din kasi doon, tsaka magpapaturo akong magluto para naman maging asawa ako sa paningin ni Jacob. Nakakahiya naman kasi sa dragon na to.

Nasa salas ako at nagsisintas ng sapatos. Di naman ako mahilig sa sandals at dress kaya naka-jeans lang ako at three fourth na damit. Nagpaalam na din ako kay Jacob kagabi. Nag-away pa kami.

•••

"Hayst! Nakakapagod!" Sabi ko at binagsak ang sarili ko sa kama nang makapasok na kami sa kwarto namin.

"Kasalanan mo yan."

Kasalanan ko pang napagod ako? Di naman kasi sana ako pagod kung hindi siya nagpaka-ninja turtle at meron pa siyang pa-kidnap kidnap na nalalaman.

Pero in fairness, sa ginawa niyang yun feeling ko ang ganda ko. Kaso, di ko naman maiaalis yung katotohanang isa lang akong nerd sa paningin niya.

"Ako na naman?" Pagsusunget ko.

Naghubad lang siya ng pang-itaas at tumabi na sakin. Agad ko siyang naitulak.

"Ano ba?!" Iritado niyang sigaw.

"Magdamit ka nga! Babae ang katabi mo! Babae ako!"

"Asawa kita kaya okay lang yan!"

Napabangon ako at umupo sa kama. Tapos sinampal ko siya.

"Bastos ka! Babae pa rin ako. And excuse me, huwag mong sabihin na okay lang yan kasi asawa kita, birhen pa ko!" Galit kong sabi.

Nanahimik naman siya. Lumambot yung itsura niya kaya nakonsensya ako. Parehas lang kaming pagod tapos sinigawan at sinampal ko pa siya. Samantalang nakatabi ko naman na siya nang naka-boxer lang. Di ko na naisip na baka init na init na siya dahil sa ninja turtle suit niya.