لستُ مجرّد سراب

البارت السابع

‎-نواف دش على أحمد-
نواف : مالك شغل هذول ناس ترانسفوبك متخلفي !!
‎أحمد : شنو يعني ترانسفوبك؟
‎نواف : احنا اسمنا ترانس يعني
ترانسكشوال. والناس الي يكرهون
الترانس بدون سبب او عشان التخلف
اسمهم ترانسفوبك.
‎أحمد :  واضطراب الهوية الجنسية شنو؟
‎نواف: اضطراب الهوية الجنسية اهو مصطلح
قديم ما قاموا يستخدمونه الدول المتطورة والعلم
الحديث.
‎أحمد : شنو معناه؟
‎نواف: كانوا يقولون ان هذا اضطراب نفسي،
وسببه التربية وغيره من الأشياء المتخلفة،
وبعد فترة قصيرة يا العلم واكتشف ان
الترانس صار ترانس بسبب الطبيعة.
‎أحمد : شلون بسبب الطبيعة؟
‎نواف: مع التطورات الي قاعدة اتصير،
والعيوب الخلقية الكثيرة سواء كانت
ظاهرة أو باطنة. سواء كانت ترى بالعين
المجردة أو تحتاج اساليب وطرق وتقنيات
كثيرة، ظهر أحد انواع العيوب الخلقية
الي يخلي عقل الشخص ما يتطابق
مع جسمه لو شنو يصير الا بعملية التوافق.
‎أحمد: شلون يعني؟
‎نواف: يعني قبل كانوا يخلون الواحد
ياخذ جلسات نفسية و يدّعون ان قاعد
ينفع معاهم، وأحياناً يصعقونهم بالكهربا
عشان ينسون نفسهم لفترة معينة من الزمن.
‎أحمد: لي الحين في جلسات كهربا !!!!
‎نواف: لا لا هههههههههههه
‎أحمد: عيل !!
‎نواف: هذا قبل، وفي فلم وثّق هذه الاشياء اسمه
The Danish Girl شوفه اذا فضيت.