لستُ مجرّد سراب

البارت الثامن

.
أحمد : زين وشنو اهي عملية التوافق؟
نواف: هذي العملية اهي الي يسمونها
المتخلفين بعملية التحول الجنسي.
أحمد: يعني مثل كاتولينا وحمود؟
نواف: لا! كاتولينا و حمود بس سووا عملية تجميل خارجية.
أحمد: شلون عيل شكلهم بنات؟
نواف: في عمليات اي بنت او اي
صبي يقدرون يسوونها، من غير تقرير
طبي يثبت انهم يحتاجونها مثل عمليات
الخشم، الشفايف، الفك، نفخ الصدر ....الخ
أحمد: يعني اهم بس مسوين جذي؟
نواف: اي شرايك!
أحمد: يعني نص بنات و نص صبيان؟
نواف: -ضحك- بس تجميل، لازالوا صبيان.
أحمد: واللي مسوي نفسهم بس
يقول انه بنت ويبيهم يكلمونه كبنت؟
نواف: هذول عندهم اختلاف بهويتهم
الجنسية، بس مو ترانسكشوال نفسنا.
أحمد: شلون يعني؟
نواف: يعني مو احنا صار لنا خلل
ببطن امنا وصارت هويتنا الجنسية ذكرية
كاملة وجسمنا انثوي كامل؟
أحمد: اي؟
نواف: نصهم صار لهم نفس هذا الخلل
بس هويتهم الجنسية صارت نص ذكرية
ونص انثوية، او ما صار لهم اي هوية.
يعني لا ذكرية ولا انثوية. بس جسمهم نفسنا،
كامل. واغلبهم ما ياخذون تقارير طبية.
أحمد: والباقي شنو فيهم؟
نواف: الباقي، اغلبهم ..
فيهم مرض نفسي مشابه للحالة.
بحيث يتخيلون انهم ترانسكشوال
او ترانسجندر او اي حالة ثانية.
أحمد: وشلون يعرفون؟
نواف: يروحون عند دكتور نفسي
واهو يعطيهم جلسات ويعرف شغله.
أحمد: انت رحت؟
نواف: تقدر تقول اي.
أحمد: شلون يعني؟
نواف: انا كنت اخذ جلسات عند دكتور متخلف،
وفوق تخلفه كان يبتزني ويتحرش فيني جنسياً.
أحمد: اوووفف !! شلون دكتور نفسي
ويتحرش و يسوي جذي!!
نواف: -ضحك- المشكلة مو هني ..
أحمد: عيل؟
نواف: المشكلة ان اغلب ربعنا صارت فيهم.
أحمد: شوف هذا الفيديو، قبل شوي شفته انا.
هذا دكتور يتكلم عن قضيتنا روح عنده...
نواف: -ضحك ضحكة تمت ٦ سطور-
والله انك ضحكتني !!
أحمد: شنو شفيك؟
نواف: هذا الي اروح عنده !!
تعامله مو شي، وفوق كل هذا؟
له مقابلات يأيد الموضوع ومقابلات ضد الموضوع!!
وبعد ازيدك !! يتكلم عن الحالة بس عشان ينشهر!!
أحمد: والله ما توقعتها منه!
نواف: اهلاً بمجتمع الترانس، كل يوم بتنصدم اكثر!
#بقلمي ، #ستان_ابراهيم !
➖➖➖➖➖➖➖➖➖