لستُ مجرّد سراب

البارت التاسع

.  أحمد: زين بسألك؟
نواف: اسأل خيي.
أحمد: شنو فايدة التقرير؟
نواف: عشان يثبت حالتك.
وهالشي راح يفيدك ويفيد غيرك.
وعشان تقدر تسوي من خلاله العملية.
وعشان تقدر تصرف الهرمون.
وله اكثر من فايدة ذاكرتي ما تساعدني
حالياً بكتابتها كلها..
أحمد: اذا واحد ما عنده تقرير وسوا العملية؟
نواف: ما يصير واحد ما عنده تقرير و يسوي العملية،
قبل ما يدخل الشخص غرفة العمليات لازم يكون معطي
الدكتور اثباته..
ولو تخيبث وقدر يسوي العملية، راح يحس انه ما ينتمي
للجسم اليديد، فنهايته غالباً تكون الانتحار.
أحمد: مشكور خيي افدتني وايد !!
نواف: مابينا وأي معلومة تبي تعرف عنها انا موجود.
.
.
-بالمدرسة-
الاء: انتي شمسوية بالحفلة !!
حنان: شنو؟
الاء: المفروض تضبطينها تهاوشتي معاها !!
حنان: تهاوشت مع منو؟
الاء: -تقلد صوتها- تهاوشت مع منو!!؟
حنان: شفيج انتي !!
الاء: سمعتج خلاااص سلمي عليها !!
حنان: نعم ؟؟ شسالفة؟
الاء: شوفي البنات شقاعدين يقولون؟؟
حنان: وشقاعدين يقولون؟
خلصيني قولي السالفة اسحب حجي انا!
الاء: منار مجمعة البنات وقاعدة تقول لهم
ان عندج اكاونت صبي وانتي متوهمة !!
حنان: نعم؟ وهذي من وين تييب معلوماتها الغبية؟
الاء: روحي ردي عليها موجودة بالساحة!
حنان:~تفكر~ شسوي الحين !!
ماكو الا اني اجذب واسوي فيها واثق !!
-راحت لها وصرخت- منو انتي عشان تتكلمين عني !!
منار: -ضحكت- هاا احمد شلونك؟
حنان: شفيها هذي؟ -يطالع البنات-
منار: شلون محبوب الجماهير ؟؟
حنان: قصدج الي حاولت فيني امس واندقرت؟
منار: -تفشلت وبترقع- لاا اقصد احمد؟
حنان: ما اعتقد اني قلت لج اي اسم امس!
وانتي الي قعدتي تكلميني بهالصيغة من نفسج!
منار: -تفشلت اكثر- عيل شنو هذاك الاكاونت؟
حنان: اي اكاونت؟
منار: الي مكتوب ان اسمه احمد ؟؟
حنان: انتي يا انج حلمانه او تتوهمين؟ شسالفة؟
منار: امس دشيت عليج وقلت لج اسمج ؟
#بقلمي ، #ستان_ابراهيم !
➖➖➖➖➖➖➖➖➖