أبي أنام بحضنك وأصحيك بنص الليل و أقول ما كفاني حضنك ضمني لك حيل/مكتملة ازهار

البارت ١٢

البارت الثاني عشر

ما ابيك بالقوهـ ..

و لا ابيك بالطيب ..

ابيك من كيفك تحس بحنيني وتجيني ..

ما ابيك تقبل باخر العمر وتغيب ..

ابيك دايم بين رمشي وعيني ..

خذني وغربني عن الناس تغريب ..

ما ابي اشوف انسان غيرك بعيني ..

انت وحدك قربك يكفيني ..

‎قطعت عليهم ام فيصل الكلام ومعها وحدة كبيرة وبنتها

‎ام فيصل : ميهاف ابي اعرفك على ام راكان وبنتها سعاد

‎ام راكان بنظرة متفحصة لم تفت ميهاف : هلا بميهاف حرم فيصل ( ام راكان تشتغل دكتورة في جامعة الاميرة نوره مع ام فيصل محافظة على اناقتها وشكلها وعيونها سوداء ولونها قمحي)

‎سعاد بنظرة متفحصة حاقدة : هلا ( سعاد عمرها 24 متوسطة الطول وقمحية وشعرها بني لين كتفها وعيونها سودا وباين عليها الاناقة)

‎ميهاف : هلا بيكم واتشرفت بمعرفتكم

‎ام راكان : الف مبروك الزواج واخيرا فيصل اقتنع انه يتزوج ويوم تزوج اخذك على انه كان رافض الزواج ..بعد ما انفكت خطبته من اماني بنت اختي قلت انه تعقد