راحت مريم لبيت اهلها ولكت اخوانها حالتهم متسولف اختها حابسه نفسها وبس تبجي وتصيح اريد امي جيبوها معليه واخوها واكف بره يم الزلم دينصبون الفاتحه وابوها وبعض ولد الاقارب راحو يجيبون الجنازه من المستشفى..
مريم:.حبيبتي رقيه كافي بجي اني يمج اني اختج وامج كافي كطعتي كلبي
رقيه:.لج مريم امنه راحت تعرفين شنو راحت لج اني المدللة مالتها مااعرف انام بدون ما هي يمي شلون اغفه بعد...مريم هاي امي هاي
مريم:.وينج يمه تعالي شوفي حالنه ضعنه بدونج لج يمه رقيه راح تموت من البجي تعالي من شوكت انتي تشوفينه نبجي وما تجين تمسحين دموعنه وتسكتينه
ووحده حظنت الثانيه وضلن يبجن...
زهراء:.طووط طوووط...وينك ضياء جاوب شلعت كلبي😔
ضياء رفض المكالمه وغلق جهازه....
خلصت الفاتحه وكلمن راح لبيته ..دخل شاكر وضياء للبيت ..ركضن مريم ورقيه حظنن ابوهم ويبجن
رقيه:.بابا فدوه اريد امي مااكدر بدونها بابا مااكدر انام وهي ماكو
شاكر:.كافي بابا ادعيلها بالرحمه واني يمج
مريم:.بابا الله يخليك النه ويطول بعمرك يارب😭😭
ضياء يباوع عليهن وخانكته العبره...صعد لغرفته وقفل الباب وكعد يبجي وحده...
ضياء:،ليش يمه عفتينه ليش والله نضيع بدونج والله البيت ماله طعم وينها الجانت تتلكانه من نرجع من الشغل وتكول هلا الله يساعدكم بدلو الغده حاضر يمه منو تخاف عليه اذا اتأخر بره البيت وتبقه تنتظرني لحد ماارجع اوووف يمه ليش عفتيني
مرت اسابيع ع وفاة خوله ومريم ورقيه وضياء حالتهم متنوصف..
سيف:.حبيبتي كومي اكلي بس شويه
مريم:.سيف والله مااشتهي راسي يوجعني راح انام
سيف:.تره ميصير هيج باليوم تاكلين بس لكمتين وعايشه بس ع المي حرام عليج هاي روح تتحاسبين عليها
مريم:.كتلك مااشتهي خليني انام فدوه
سيف:.ماشي
نروح يم زهراء...
زهراء:.خلي اخابره بلكي يجاوبني هالمره...طوووط طووووط
ضياء:.الوو
زهراء:.اي يا الله هلا ضياء حبيبي شلونك
ضياء:.الحمدلله انتي شلونج
زهراء:.الحمدلله حبيبي زينه بسماع صوتك
ضياء:.زهراء اريد اكلج شي
زهراء:.كول حبيبي
ضياء:،اني مااكدر استمر وياج اعذريني مطايق حتى نفسي شوفي نصيبج يابنت الحلال ولا تنتظريني اني ما من وراي زواج
زهراء:.زين ليش وحبنه البنيناه سوه ووعدك الي اصير ام جهالك
ضياء:.عذريني زهراء والله يستاهلج الاحسن مني اني ما استاهلج
زهراء:.مااعرف شكولك قابل اتوسل بيك..شكراا هواي ع كلشي ومشكور ع وعدك الخلفته وياي ومشكور لانك جنت تلعب بمشاعري
ضياء:.زهراء صدكيني مجنت العب بمشاعرج واحبج والله بس مااكدر اضلمج وياي واوكف بقسمتج حرام عليه
زهراء:.هاهيه كافي اطلع حجج وتبرء بنفسك شكرا مره ثانيه ومع السلامه
ضياء :،مع السلامه
مرت الايام...وطلعت الاربعين مال خوله..
واليوم هو يوم الاربعين والناس ملتمه الاقارب واهل سيف..
