صعدت ام سيف لغرفه مريم وسيف...
ام سيف:.يمه مريم كومي كعدي كافي نوم
مريم:.هاا اي اي كايمه ..صباح الخير خاله
ام سيف:.صباح النور يمه ...يمه اكلج شي راح تجي امج تجيب الريوك مال العرسان وراح تسألج دخلتو كوليلها انتي البارحه اتخربطتي وصخنتي وماكدر يسويلج شي رجلج
مريم:.ماشي خاله التردينه يصير
ام سيف:.عفيه ببنيتي وهسه ابقي بفراشج ع اساس مريضه ومن تجي امج اخليها تصعدلج وما اوصيج يمه شنو تكوليلها
مريم:.صار خاله.
مريم كيفت بيها نوم بعد ههههه رجعت كملت نومتها
وره شويه اجتي امها وصعدتلها وسألتها ومريم حجت مثل ما وصتها عمتها
خوله:.يا يمه سوده عليه هاي من الخوف هيج صار بيج يله الحمدلله عدت ع خير
اني خلي اروح لعد هم يله اسوي غده قبل لا يرجع ابوج واخوج من الشغل ..دير بالج ع نفسج يمه واذا تحتاجين شي كولي لرجلج لا تستحين منه واني هم اجيج ان شالله
مريم:.ماشي يمه
خوله:.يله مع السلامه
مريم:.الله وياج يمه
صعد سيف للغرفه وشاف مريم نايمه بالفراش.
سيف:.خير مريم شبيج يوجعج شي😳
مريم:.لا ما بيه شي بس امك كالت اسوي هيج وحجتله كلشي...
سيف:.ههههههه والله يا يمه عليج سوالف
خوش لعد اني طالع محتاجه شي؟
مريم:.بخجل سلامتك😓
سيف:.يله مع السلامه لعد
مريم:.الله وياك
نزلت مريم جوه يم اهل زوجها رادت تساعدهم بشغل البيت..
ام سيف:.لا يمه ميصير بعدج عروسه ...لج زهراء تعالي وينج اخذي مرت اخوج يمج بالغرفه وكعدن سولفن
زهراء:.اجيت يمه...يله مرت الاخو عدل وكبل لغرفتي هههههه اليوم شيخلصج من سوالفي اليوم اخليهم ينقلوج للطوراىء😂
مريم:.ههههه حبيبتي لا عادي امشينه
راحن زهراء ومريم للغرقه وزهراء طلعت البوم الصور لمريم تتفرج ع صورهم من جانو صغار شكلهم يضحك وتضحك عليهم
مريم:.هذا سيف هههههه شوفي بلا ملابس يا الله شكله يضحك هههههه
زهراء:.اي ههههه وهسه صاير شخصيه وشيك وشايف نفسه علينه😂
مريم:.ههههه لج تره صار رجلي
زهراء:.هههه اي عيني ليش لا
فجأة دك موبايل زهراء....
زهراء:.احم هاي مو وكتها ختولي ...ورفضته
مريم:.لا عيب جاوبيها خاف تريد شي مهم
زهراء:.لا ختولي هاي لزكه قبل شويه جانت تحجي وياي كومه تلغي اذا انفتحت بعد ما تنسد هههه
مريم:.هههههه ماشي
ام سيف:.لج زهراااااء تعالي بسرعه
زهراء :.خرب متكدر متكدر هالمره اذا تشوفني كاعده يصير عدها وهواس اله تكومني ..جايه جايه يمه
مريم:.هههههه
نزلت زهراء لامها..
رجع دك الموبايل...
مريم باوعت ع الموبايل الرقم مكتوب عليه ضلعتي شافته وضحكت هههه سكت وبعدين هم رجع دك باوعت عليه مريم الرقم يشبه رقم اخوها ضياء
مريم:.معقوله !!لا اكيد بس الرقم يشبها بله خلي اتاكد طلعت موبايلها وشافت الرقم صدك نفسه اتعجبت هاي شنو ضياء شعنده يخابر زهراء😨
اجتي زهراء...
زهراء:.مو كتلج متكدر اذا متكومني رادتني انصي النار جوه الجدوره
مريم:،ههههه ميخالف غير بتها الصغيره
