مريم:.صباح الخير يمه
خوله:.صباح الخير هله شعجب كاعده من وكت اليوم
مريم:.ههههه ضوجه اريد اطلع العب ويا استبرق ابوها مشتريلها لعابه تخبل شعرها اصفر 😍
خوله:.ولج عيب لا تشوفج وحده من الجيران وتكول بعدها زعطوطه والنوب محد تخطبج لابنها ..
مريم:يبوو يمه شنو السالفة ويني وين الزواج بعدني صغيره..
خوله:.اي ابقي ابقي الي بكدج ابنها يلعب بالشارع
مريم:😔..
راحت مريم لبيت صديقتها استبرق ولعبت هي وياها وكملوا لعب ورجعت لبيتهم ...صار وكت الغده واجتمعوا العائلة كلهم
شاكر (ابو مريم):وهو يتكلم ويا مريم ويسألها بحده وين جنتي ؟
مريم:ببيت صديقتي 😢
شاكر:.من رجعت للبيت شفتج انتي وياها بالحديقه تلعبين بلعابه لج ما تستحين شكبرج تصيرين
مريم:.😢
خوله:.بعد متعيدها ..مو مريم بعد متعيديها مو يمه ؟؟
مريم:.اااي اي يمه بعد ما العب😢
شاكر:.خلي نشوف
وره فتره.....
ام سيف:.يمه سيوفي لكيتلك مره تخبل وصغيره وبت ناس
سيف:.ها حجيه جنج مليتي مني وتردين تزوجيني
ام سيف:.ابني اني كبرت واريد اشوف جهالك قبل لا اموت
سيف:.اسم الله يمه عمرج طويل ان شاء الله
بيت ابو مريم..
خوله:.ابو ضياء اريد اكلك شي
شاكر:.خير شكو احجي
خوله:.جيرانه ام سيف اجتي طلبت مريم لسيف ابنها شنو رأيك انت
شاكر:.سيف خوش ولد وابوه الله يرحمه جان صديقي واكثر من اخويه اتوكلي ع الله وكوليلهم موافقين
خوله:.ومريم نسألها اول
شاكر :.ومن شوكت احنه ناخذ كلمه بنيه شو انتي متعرفين تحجين
خوله:.لا خلاص خلاص البي خير يقدمه الله راح اكوللهم موافقين
صعدت الام لغرفه بناتها..
خوله:.يمه رقيه نزلي جوه اخاف ابوج يحتاج شي ابقي يمه هسه اجي
رقيه:.اهووو بس اني بالبيت خلي مريم تنزل
خوله:.تكومين لا يجيج نعال تايه
رقيه:.كمت اففف😤
خوله:.يمه مريم اريد اكولج شي
مريم:.كولي يمه شنو بس لا تردين تروحين للسوك وتشترين لرقيه ملابس يمه تره اني طلبت قبلها شنو بس هي😭😭
خوله:.لا اسمعيني كبل طرتي للسوك تلحكين ع السوك
يمه جوارينه ام سيف عدها ولد عمره٢٤ خوش ولد مؤدب وامه طلبتج اله وابوج وافق يمه تره ستر البنيه الزواج وانتي كبرتي ولازم تروحين يم رجال يحبج ويهتم بيج ويصير عندج جهال وتكونين اسره
مريم:.يمه والله بعدني صغيره😭وابويه ينطيني بدوم ميسألني ليش هيج😭
خوله:.يمه والله هناك ترتاحين وراح يدللوج وحتى تجين وره فتره تشكرينه لان وافقنه ع سيف
مريم:.ماشي يمه هاهيه قابل شحجي بعد اني😔
وره فتره ...
اجوي اهل سيف وجابو نيشان مريم ولبسوه الها وحددو الخميس الي يجي دخلتهم
الخميس......
خوله:.يمه رقيه ركضي كعدي اختج وكوليلها يله كومي اجتي المره الي راح تجهزج
رقيه:.ماما خلي هاي المره تسويلي شعري اني هم حبابه😭😭
خوله:.ماشي ماشي بس روحي كعدي اختج
.
رقيه:.مريم مريم مريم
مريم:.ولي عوفيني😪
رقيه:.ولج مريم رجلج مات العريس مااات😱
مريم:.صددددك عزززه😨
رقيه:.هههههه كبر اشاقه يمه شلون وكع كلبها ع رجلها بعدج عيني بعدج هستوج عروسه
مريم:.امشي لج لا ب٤٥👞
رقيه:.اي دضربي وشوفي شسوي المهم كومي امي تصيحج وتكول اجتي المره الي حتسويلج شعرج
مريم:.ماشي كمت كمت
