في مكان اخر....
مروان:.سالم انت وضعك ميطمن يمعود خلي نروح للمستشفى
سالم:.يمعود هي صخونه مابيه شي شويه واصير زين
مروان:.يمعود ورانه سفر ورجعه لبغداد لا تصير مطي وكوم نولي للمستشفى
سالم:.يعني قابل شيسوولي بالمستشفى هي ابره ويطلعوني
مروان:.هي هاي الابره يا اثول تخليك تصير زين بسرعه اذا تتخربط بالطياره وين اولي بيك استر علينه وكوم
سالم:.حاظر ياعمي المستعجل يله جيب حذائي ههههه
مروان:.سليمه تطمك هاك البس يله كوم👞
وراحو مروان وسالم للمستشفى .....
مروان:.السلام عليكم ممكن حجز لدكتور الباطنيه بأسم سالم محمد
السكرتيره:.اوك تم
مروان:.تعال تعال اكعد هنا بين ما يجي سرانه
كعدو الولد ينتظرون سراهم....
سالم:.اكلك مروان شوف شوف
مروان:.ها شبيك شكو
سالم:.شوف هذاك الولد شكد يشبه سيف الله يرحمه
مروان:.سبحان الله صدك يخلق من الشبه اربعين
المجهول:.مدام نضال الدكتور يريدج جوه
السكرتيره:.حاضر جايه
سالم:.لك هذا عراقي ويشتغل منظف هنا
مروان:.اكلك انت تدري سيف شلون مات؟؟
سالم:.اي كالو شهيد كتلو داعش
مروان:. لك لا خطيه سافر سوريا دزوه بشغله الشركه وهناك مات بالقصف وما لكو جثته
سالم:.لا بربك!! خطيه الله يرحمه
مروان:.لك ما لكو جثته واني صار عندي شك هسه
سالم:.شك بشنو
مروان:.هذا الولد يشبهه حيل وهنا بسوريا معقوله يكون هو
سالم:.شكد متأثر بالافلام الهنديه امداك فضحتنه هههههه
مروان :.لك بلا شقه خلي اصيحه بله
سييييف....سيييييف....سييييف
شو هذا ميجاوب
سالم:.لك اسكت عيب شبيك مو كلنه يخلق من الشبه اربعين
مروان:.لا والله كلبي يكول غير شي خلي احجي ويا انتظرني انت هنا
مروان:.مرحبا اخي
المجهول:.اهلا اخي تفضل محتاج مساعده؟؟
مروان:.انت مو سيف؟
المجهول:.يا سيف!!
مروان:.اعتذر حبيبي بس تشبه صديقنه خطيه انفقد هنا واعتبرناه ميت الله يرحمه
المجهول:.ياالله تحجي صدك انت يعني تعرفني واسمي سيف موو!!!
مروان:.ماافتهمتك انت مو تكول مو سيف اسمك
المجهول:.خويه اني اتصوبت وفقدت الذاكره ومااعرف اني منو صدك انت تعرفني اني منو ؟وعندي اهل؟عندي اطفال؟
مروان:.والله كلبي حس الحمدلله من لكيناك خويه الحمدلله ع سلامتك وعندك اهل وعندك زوجه واهلك عبالهم انت ميت خطيه شكد راح يفرحون من يعرفون بيك عايش
المجهول:.الف الحمدلله والشكر زين انتو شوكت ترجعون للعراق
مروان:.والله طالعين باجر الصبح وصديقي اتمرض كلت اجيبه للمستشفى لا يتحربط عليه بالطياره
المجهول:.زين شلون ارجع وياكم لو شسوي لو تكولون لاهلي يجون ياخذوني
مروان:.انت وين مستمسكاتك جوازك هويتك وين
المجهول:.ما لكو شي ويايه من نقلوني للمستشفى لهذا مااعرف اني منو
مروان لعد خويه احنه نسافر ونبلغ اهلك كلشي وهمه يدزولك مستمسكاتك ويبلغون السفاره السوريا الي بالعراق
المجهول:.حبيب كلبي ماانسالك هذا المعروف ابد ورحم الله والديك وهذا رقمي حتى تبلغني كلشي
مروان :.بخدمتك حبيبي ان شالله ابلغك...مع السلامه
المجهول:.مع السلامه
رجعو سالم ومروان للعراق....
واتجه مروان لام سيف...دك الباب وفتحت اخت سيف ام حمودي.
ام حمودي(نور) :.تفضل خويه رايد شي
مروان:.شلونج خويه اني صديق سيف
نور:.اهلا بيك خويه هسه اصيحلك الوالده
مروان:.اي ياريت خيتي
نور:.يمه هذا ولد يصير صديق سيف ماادري شيريد طلعيله
ام سيف:.خير ان شالله
هلا يمه هلا فوت فوت زارتنه البركه تفضل يمه
مروان:.رحم والديج خاله شلونج شلون صحتج
ام سيف:.بعد كلبي يمه الحمدلله عايشه
مروان:.خاله جايبلج خبر يفرحج
ام سيف:.خير يمه
مروان:.خاله جنت بسوريا واليوم الصبح رجعت وهناك صارتلي روحه للمستشفى ولكيت سيف هناك خاله سيف عايش بس فاقد الذاكره
ام سيف:.تحجي صدك خاله يمه كلبي ولج زهرااااء يازهراء البنيه تزوجت قصدي ولج نووووور ولج اخوج عايش والله مااصدك ابجي اهلهل ياربي الحمدلله والشكر الف الحمدلله والشكر
يمه شلونه شلون صحته ليش مااجه وياك
مروان:.خاله الحمدلله هو زين وفرح من عرف عنده اهل خطيه بس مايكدر يجي لان ماعنده اوراق يكول فقدتهن من اتصوبت ويريدكم تحاجون السفاره وتنطوهم مستمسكات تثبت هو ابنكم حتى يدزونه للعراق
ام سيف :.ان شالله خاله خلي اكوم اطلع اوراقه
ابيت ابو ضياء....
زهراء:.لج مريم باركيلي😍
مريم:.هاا ضياء خطب😂😂
زهراء:.ايا حقيره😡
مريم:.ههههه لعد شبيج ع شنو اباركلج
زهراء:.اني حامل😍
مريم:.اللهم صل ع محمد وال محمد ياروحي الف مبروك يارب تكومين بالسلامه وتكحلين عينج بشوفته ويتربه بعز اخويه يارب
زهراء:.ياعمري تسلمين يوم الالج وازفج لاحلى رجال وافرح بيج
مريم:.لا زهراء لا تكولين هيج ادعيلي محد يجيني واكبر ابني وازوجه وافرح بي بعد سيف ما يحلى رجال بعيني اخوج ماجان بس زواج الي لا ..جان امي وابويه واخويه وصديقي جان كلشي الي مافد يوم زعلني بس الدنيا حرمتني منه وان شالله انجمع بي بالاخره
زهراء:.بعد كلبي شكد وفيه يارب تفرحين بحمودي وتشوفين جهال جهاله..
.
.
.
.
