مريم:.ماشي بابا اذا انت اختاريت انو تتزوج ماكو داعي ضياء يتزوج بنت عمي
شاكر:.وليش بله ؟
مريم:.بابا انت تريد تجبر ضياء يتزوجها وهو ميريدها يعني غصب عنه ..والبنيه هم بعدها صغيرة خطية ليش تضلمهاا وياا وهو اصلا مرايدها (طبعا مريم كالت ع بنت عمها خطيه حتى تقنع ابوها مو اكثر)
شاكر:.وشمدرج ميريدها؟!
مريم:.هو اللي كالي
ضياء:.اي يابه اني حجيت لمريم انو اني ما اريدها البنية لأن ما احبهاا ولا حتى اعرف عنهاا شي غير انو هي بنت عمي ..
شاكر:.وعمك شلون اني حجيت ويا وانطيته كلمه
ضياء:.بابا انت تكدر تكوله الولد يريد يكون نفسه حاليا خلي يكون نفسه والله كريم ولمن نتأخر همه راح يملون ومينتضرونه واكيد يزوجون البنيه لغيري ..
شاكر:.اني راح اكوله والله كريم.
مرت ايام...وشاكى ازوج اخت صديقه وحده فايتها القطار وخبيثه كلش وجانت مخليه رقيه تكرب ليل ونهار الها..
مريم:.السلام عليكم شلونج خاله
بلقيس(زوجه شاكر):،هلا بيج الحمدلله انتي شلونج
مريم:.الله يسلمج خاله الحمدلله لعد رقيه وين وضياء
بلقيس:.ضياء ويا ابوج بالشغل ورقيه دتغسل مواعين الريوك
مريم:.مواعين!!خاله رقيه صغيره بعدها امي مجانت تشغلها ابد
بلقيس:.ليش عيني صغيره مره شكبرها وشكدها الي بعمرها كلشي يسون وعوفيها خليها تتعلم باجر عكبه تتزوج شيكولون الناس اخذناها كلشي متعرف
مريم:.لا ميصير هيج يجي بابا واحجي وياه
بلقيس:.هه اي احجي وياه والله يا الله😒
اجه شاكر وضياء وقت الغده....
مريم:.الله يساعدك بابا اريدك بموضوع
شاكر:.خير
مريم:.بابا مرتك دتشغل رقيه بشغل البيت
شاكر:.اي وشنو يعني
مريم:.بابا شنو شنو يعني رقيه طفله وينها وين الشغل ومرتك ذابه شغل البيت كله براسها
شاكر:.انتي ميخصج عليج ابيتج ورجلج بيتي معليج شيصير بي خووش معاجبج الله وياج روحي لبيتج وله كعدي ابيتي بأحترامج بلا حجي زايد ويا خالتج
مريم زعلت من حجي ابوها ورجعت لبيتهم وبعد قررت متروح لبيت اهلها وكلبها يوجعها ع اختها بس ما بديها تسوي شي..
مرت الايام والاشهر واجه لسيف رحله عمل خارج البلاد لمده شهر ..
سيف:.حبيبتي هو بس شهر والله ما اطول عليج
مريم:.سيف تعرف شنو مااكدر ع غيابك
سيف:.حبيبي والله متحسين بالايام بسرعه ارجع ومااكطع منج يوميه اخابرج
مريم:.ما ما مااخليك تروح
سيف:.ههههه فديت الدلوعه مالتي 😘
مريم:.😭
سيف:.هاا شكلتي ام حمودي😍
مريم:.هاي لخاطر حمودي حخليك تروح بس هالمره وبعد ماكو سفر افتهمت لو لا
سيف:.من عيوني هذني الاثنين شعندي غير ام حمودي اني
سافر سيف وبقت مريم وحدها تشتاقله وتخلص نهارها تباوع بصوره سيف وتبجي عليه ومن يخابرها تخلص المكالمه بجي وتتوسل بي يرجع ...
مر ع سفر سيف ١٩ يوم وانكطعت اخباره يدكون عليه ميحصلونه بسبب الاوضاع الي بسوريا وعدم وجود تغطيه خلت الاهل مو بقلق لعلمهم بالوضع هناك وهو جان منطيهم علم بالوضع.....
مريم:.اكلج زهراء ضل بيض اريد اتريك
زهراء:.اي حبي اكو اباب الثلاجه بقن اثنين اذا ميكفنج دزي حمودي ابن نور للمحل يجيب
مريم:.لا شعندي يكفن وزايد
راحت مريم دتسوي بيض الها وكامت تتقيىء وركضت للحمام كملت تقيئها ..
زهراء:.خير حبي شبيج ليش هالزواع
مريم:.مااتحملت ريحه البيض خرب خاف البيض خربان
زهراء:.لا يمعوده ما بي شي اتريكنه بي قبل شويه
ولج خاف حامل😱
مريم:.هاا صدك يا الله شلون شسوي
زهراء :.راح ادز احميد ابن نور للصيدليه يجيب اختبار حمل ونشوف
مريم:.اي عفيه يله
.
.
.
زهراء:.ها بشري شطلع خط لو خطين
مريم:.هاج شوفي اخاف اشوف😭
زهراء:.ههههه جيبي....عاااا خطين مبروووك ولج حامل
مريم:.اللهم صل ع محمد وال محمد الحمدلله والشكر يارب الله يبارك بيج حبيبتي يارب شكد راح يفرح سيف بهذا الخبر يارب رجعه بالسلامه خلي يفرح بأبنه
.
.
.
مر ع غياب سيف شهرين وماكو عنه اي خبر.
.
.
.
مريم:.يارب فدوه لاسمك طمني ع سيف واحميه يارب فدوه لاسمك لا تحرمني منه مثل ما حرمتني من امي يارب انت اعلم شنو بكلبي
.
.
.
.
كبرت بطن مريم ودخلت بشهرها وسيف لهسه ماكو عنه اي خبر حارو اهلها شيسون حتى يسمعون عنه خبر والشركه الي يشتغل بيها يكولون جان ويانه اخر اتصال وره ١٥ يوم من سفره وبعد انكطع عنه خبر والشركه المموله الهم بسوريا انغلقت بسبب سقوط مدينه حلب بيد داعش..
.
.
.
مريم:.خرب هذا ولا يكعد راحه بس يدفر طبعا ابن سيف بعد ههههه
اخ ولك ع كيفك ابن الاوادم اخ ااااااخ بطني خاله بطني موتتني وينج خاااااله زهراء اخ اخ زهراااااااء يممممممه لحكيلي
ام سيف:.ها ها يمه شبيج
مريم:.خاله راح اجيب الحكيلي
ام سيف:.ولج زهراء جيبي عبايني ولبسي مرت اخوج عبايه بين مااجيب تكسي بسرعه
زهراء :.ماشي ماشي😭
.
.
.
واخذو مريم للمستشفى وجابت بسلامه ولد يشبه سيف وسموه حمودي..
مريم:.وينك حبيبي تجي تشوف ابنك وتكحل عينك بي وينك سيف تره طولت عليه مو وعدتني تره بسرعه ليش خلفت بوعدك ترضه اول واحد يشيل حمودي مو انت😭
.
.
.
مرت الايام والاشهر وحمودي كام يزحف واي خبر عن سيف ماكو وبعدين اعتبرو سيف شهيد مات بقصف داعش لحلب وسووله فاتحه وصارت مريم مرت الشهيد وحمودي ابن الشهيد الي كل القريه تنقهر عليهم بعدها طفله وابنها صغير واترملت...
.
.
.
وبيوم قررت مريم ترجع لبيت اهلها بأعتبارها اترملت وعيب تبقه ابيت العيال بعد..
ام سيف:.يمه هذا بيتج وين تردين تحرمينه من حمودي هو بس هذا ضلنه من ريحه الغالي
مريم:.خاله والله صعبه ومترهم كمت اسمع حجي من الجيران انو ميصير وعيب اضل هنا😔
ام سيف:.هي الناس شعليها بكلشي حاطه خشمه بس ع راحتج يمه .ولا تنسين يمه حمودي يوميه دزيه النه تره هو المعيشني ومصبرني ع فراك سيف
مريم:.من عيوني خاله يوميه اجيبه الصبح ويخلص النهار كله يمج واخذه بليل
ام سيف:.فدوه لكلبج بنيتي
