First Kiss - LEGACY 5 (AWESOMELY COMPLETED)

Bikini

WAKAS

Chos lang. Haha

13

Huminto iyong itim na Audi A6 ni Ashton sa isang tagong resort sa Bulacan. Pinagbuksan niya ako at dumiretsyo naman ako palabas.

"Why are we here bansot?" tanong ko. Ngumuso lamang siya habang inilalabas ang mga maleta ko. Kinuha niya iyong dalawa kong luggage para hilahin habang iyong bag ko ay inilagay niya sa kanyang balikat. Gusto ko sanang mapahagikhik dahil mukha siyang alalay pero masyado kasi siyang gwapo para magmukhang inutil.

Sumandal ako sa kotse habang pinapaikot ko sa mga daliri ko ang susi niya.

"Ito ang Headquarters namin Ma'am kong pinakamaganda sa lahat. May meeting kami at magtatagal iyon hanggang bukas. Hindi naman kita pwedeng iwanan sa Maynila kasama lang sina Leroy kaya isinama na kita." Parang bata niyang sabi habang ngumunguso pa. Kumunot lamang ang noo ko para pigilin iyong ngiti kong nagpupumilit na lumabas.

Naglakad na kami papasok. Iilang beses na may sumaludo kay Ashton habang iyong iba ay binabati siya. May mga iba naman na nilalampasan siya at hindi pinapansin.

"Lahat ba ng nandito bansot ay sundalo rin?" tanong ko. Nilingon ako ni Ashton bago umiling.

"Hindi. Iyong iba ay mga kliyente na itinago rito pansamantala." Paliwanag niya. Tumango na lamang ako at umagapay sa paglalakad niya.

Tatlong binatilyo ang sumaludo muli sa kanya bago kami nilampasan. Nilingon ko ulit si Ashton sa aking tabi bago ako mas dumikit sa kanya. Iniyakap ko ang braso ko sa balikat niya bago siya nginitian. Niyuko rin naman niya ako habang napapailing na lamang.

Mabilis lamang kaming nakarating sa villa namin. Pumasok kami roon at inihatid niya ako sa kwarto ko.

"Pupuntahan ko muna si Commander. Ayos ka lang bang mag isa ha?" aniya habang tinatanggal ang pagkakabutones ng kaniyang puting polo. Napalunok ako habang sinusundan ko iyong unti unting pagpapakita niya ng katawan.

"Serise." Tawag niya muli sa akin. Tiningala ko siya.

"Huh?"

Napangisi na lamang siya. "Aalis na ako. Ayos ka lang bang mag isa?" aniya. Pinalobo ko na lamang ang pisngi ko at tumango.

"May pool doon. Can I swim?" sabi ko noong maalala ko iyong bean shaped pool malapit sa mga sunflower. Oh! And may matandang mukhang naliligo naman na nagtitinda ng ice cream. Perfect!

Kumunot ang noo niya. "What will you wear? Marami akong tshirt diyan." Aniya pa. Nanlaki naman ang mata ko.

"Shirt? No. Yuck!" anong gagawin ko sa shirt? Duh. Di naman ako three years old. Bwisit na bansot ito.