الحياة قسمه ونصيب
البارت 1
...
مرحبا اول شي اعرفكم بنفسي اني ريحانه مواليد 95 عائلتي عشق أحبهم اسعد شي بالدنيا عندي سعادتهم احنه 7 أفراد ماما وبابا إخوتي توأم أكبر مني همه مواليد 92 علي وحسين واني واخوي اصغر مني مواليد 98 (فضل) واختي 99 (زينه )آخر العنقود ربي يحفظهم الي .....واروحلهم فدوووووه شكد أحبهم واحنه كلنه حلوين بأختصار
مواصفاتي طولي 165 جسمي رشيق ومميز لأن مفصل وزني 55 ....
عيوني كبار ومجرورات جر شعري أسفل ظهري قهوائي لونه عيوني عسليه رموش طوال كل شخص يشرفني ينعجب بيه (انثى بمعنى الكلمة )
.......
ابدأ رحلتي ....ماابالغ بس رحلت معاناتي ابتدأت
اني اقرب شخص الها هي خالتي خالتي ام محمد خالتي واني عمري ساعات اوو يوم بالاكثر كالت الأمي ريحانه متصير الغير ابني وجابتلي زوج تراجي لبستهم الي وجانت وعشت طفولتي بين عائلتي ببساطه وراحة بال مجنت اعرف شنو هم وظلت خالتي كلما تجي تكول ريحانه ل محمد وخالتي ذمة امي وابوي ريحانه متصير لغير محمد (واني طفله ما اعرف شسالفه)
.....
وبعدها خالتي صابتها ذبحه وشأت الأقدار وانتقلت لرحمة الباري وامي اذكر بوقتها حيل تعبت وعانت وشبعت قهر لأن هي اقرب شخص الأمي وعلاقتهم جانت حيل قويه مو بس اخت واختها واحد هاللحظه امي من تذكر خالتي تنقهر وتظل تبجي ....
وكبرت وشبيت والناس صارت تتقدم لي واهلي بكل بساطه يرفضون كل شخص يتقدملي بدون عذر وبدون مقدمات يرفضون بعدها اني فكرت بيني وبين نفسي كلت خل اتجرأ واسئل ماما ليش دائمآ يرفضون الي يتقدمون ومع العلم الاغلبيه حالتهم زينه ومتفهمين والي يوافق على كل شروطنا من رحت سئلتها يووم ممكن سؤال بس اتمنى تجاوببني صراحه ....جاوبت امي كولي حبيبتي شنو عندج ....
اخذت نفس وسئلتها ماما اني كبرت وافهم كلشي جاوبوني امي اي ماما الزبده من الأخير شنو
كلتلها من الأخير ليش كل شخص يتقدملي ترفضو ومن ضمن العالم اقربائنا وخوالي وخربت علاقتج بيهم
ممكن اعرف السبب ؟؟اباوع عليها وعيوني تنتظر اجابه....
وجان تجاوب شوفي بنتي انتي من عمرج ايام وخالتج كالت انتي ل محمد وخالتج راحت وهاي وصيتها
اني هم جاوبتها اسفه ماما خاف ضوجتج واني مجنت اعرف شي وهسه ماكولج غير الي تشوفي مناسب شوي والي يريحج وكمت بيها من رأسها ورحت كملت شغلي
.....
بعدها صرت انتبه على محمد من كالت امي متصيرين الغيره هو صديق إخوتي أكثر من ابن خالتهم دائمآ يجي يم علي وحسين ويشوفنه ويروح كل اسبوع لأن جان دوامه اسبوع بأسبوع ومن يجي صار يجينه المهم صارت بيني وبين محمد نظرات وتأملات اني صرت مااحلم إله اني زوجت محمد ما فكر بغيره بعد هاي قسمتي وتطورت علاقتنه بي
وصرنه واحد يحب الخ وتعلقنه ببعض حييييل منتخبا نفسنه نعيش بعيدين عن بعض
......
بعد فتره سئلني شوكت عيد ميلادج وجاوبته جان محضرلي مفاجئة.....
يتبع انتظروني بتطورات وأحداث جديده
