البارت 14 الحياة قسمه ونصيب
كيان ضل دائما يخابرني ويراسلني ويكلي مشتاقلج وكال تصدكين متوقعت حلوه هلكد من شفتج نصدمت اني عمري كله مالحكت بنيه بس انتي اول وحده الحكج ركضت وره كلبي
كال شوفي يابنت الناس والله اني احبج ورايدج ع سنه الله ورسوله بس انتي ليش رافضه كتله رجاءا سد الموضوع هو هم خطيه ميحب يضوجني سكت بس الصراحه اذا يوم من الايام مخابرني احس عندي نقص بحياتي لان مسمعت صوته علمني انام ع صوته واكعد ع صوته
يوم من الايام مخابرني نهار كله ماعرف شصار بيه ضليت بقلق حيل وره المغرب جان يخابرني دك عليه حجه وياي كالي شبيج احسج ممرتاحه وخابرتج
كتله اي والله ممرتاحه انتي شدراك اني ممرتاحه كال والله احس بيج لان احبج
بس والله العظيم ع بالك هاي اول مره يكلي بيها احبج من كالي احبج كلبي نمرد وجسمي كزبر ع بالك مكايلي احبج بعمري كله
كيان كال ها اشو سكتي رياحنه اوف شوكت تريحين كلبي اريد ارتاح اني بساع غيرت الموضوع كتله اي شكو ماكو كال والله بس مشتاقلج
كلت بكلبي خرب بل بليس هذا شحيخلصني منه واني كمت اطلع حجج كتله يله باي اهلي يردوني بعدين اخابر باي
ضليت شهرين واني ماكدر اذا ما اسمع صوته حسيت بروحي ماكدر ع فراكه احبه مادري ليش دخل بكلبي بساع وحبيته
رحت ع رانيه اخذت حجي منها
رانيه طلعت متحبه بس مجرد زميل وبس او هيه تحب واحد المهم فرحت لان متحبه كلت اذا متحبه هيه ماعدها مانع اذا ظهرت عندي علاقه بي ومطلعني خاينه المهم
رجعت للبيت كيان ضل وياي ع اتصال وابد مفاركني كالي ابقه انتضرج لحد متحنين عليه
وره سبوع خابرني كيان كال هاا محسيتي بيه منكسر كلبج عليه اي مو دمرتيني
اني ضحكت
كيان كال هااا ياربي خير انشاء الله. ضحكتج مو خاليه
كتله الله كريم يله باي.
سديته
فتت ع استديو مال صور عندي صوره كلش حلوه كلمه احبك او تلمع بيها فراشات او لونها احمر تخيل دزيتها ال كيان
وره شويه دك كيان
ريحانه...الوو
كيان ...اي مو دمرتيني وشلعتي كلبي وصار اشهر اتمنه اسمع هاي الكلمه .. وممصدك عليج الله كوليها اريد اسمعها من حلكج ال حلو
ريحانه...( والله صراحه ستحيت ضليت ساكته )....
كيان ...ليش ساكته لاىتستحين كوليها الخاطري موو شلعتي كلبي
ريحانه ...احبك
كيان ...واني اموت عليج
ريحانه..صدك
كيان ... اي والله ع بالج اكذب عليج والله نيتي شريفه وياج وماعندي شي وياج بل خباثه انتي روحي او عمري او حياتي وكلشي حلووووو بحياتي صار هيه انتي
ريحانه... واني هم احبك او الله يحفظك إليه
حبيبي اذا اتقدم الج اهلج يوافقون
ريحانه.. والله ماعرف بس اريد افاتح امي بهذا الموضوع واشوفها او الله كريم
....
رحت ع امي حجيت وياها طبعا امي متفهمه او هيه مو بس امي صديقتي هم كلبي بس الها افتحه
كتلها يوم اريد افاتحج بموضوع بس اريدج اسمعيني كالت اي مامه كولي كتلها يوم شخص حاب يتقدملي او هو يحبني .وووووو
سولفت ال امي ال موضوع كله وكالت والله مادري بس الله كريم
سولفت ال كيان أو هو فرح وكال يله الله كريم انشاء الله خير
طبعا كيان يصير صديق ابن عمي اخو رانيه وادئما يروح البيت عمي وحتئ يبات يمهم اخواني طبعا تعرفو عليه صارت شغله عد اخوتي علي خابر كيان وصارت علاقتهم قويه بس ميجينه
صادفت خطوبه اخويه اخويه وعزمو كيان
كيان اجه بليل وبات يمنه يومين بس اني من سمعت كيان راح يجي حتئ اكل ماكدر اكل من فرحتي طبعا بس امي حست بيه ضليت كلش فرحانه
بس من بقه يمنه يومين ابد لا شفته ولا شافني
لان طبعنه منطلع اذا احد غريب اجه علينه ضل يمنه يومين او راح الله وياه
فتحت الموضوع ويه امي ع مود الخطوبه
امي حجت ويه ابويه ابويه رفض او كالت ابوج رفض وما اعتقد اخوتج راح يوافقون سدي الموضوع لان هم غريب ومنعرفه
وللحكايه بقيه
