البارت 21 الحياة قسمه ونصيب
بتنه يمهم او ثاني يوم رحنه زرنه واخذنه ذهب وبل امام لبسنه ال حلقات ورجعنه للبيت بتنه يمهم لان تمرضت وبادره الدنيه بتنه يمهم صبح الصبح رجعنه للبيت
خطوبتنه طولت
زواجنه صادف يوم ال ثنين 2015/4/19,. صار هو عرس هو حنه رحنه الصبح ودانه البيت ام مرت اخو ال كيان تغدينه ورحنه للصالون حفتلي وميشتلي وسوت تسريحه او مكياج ولبست البدله طلعت كلش حلووو طبعا كيان كاعد ع نار بس يريد يشوفني كال راح اموت اريد اشوفج يمعوده كتله اصبر يمعود
سوينه الحنه ولزفه بنفس اليوم لبست بدله بيضه مال عرس ما سؤيت حنه
رحنه البيت ام مرت حمايه
جنت كلش فرحانه وابد ما بجيت لان اخذت ال انسان الي احبه اجتي الزفه أو هو اجه كعد يمي وباسني من راسي وكالي ،راح اكلج اليوم
اني متت ضحك
اوف ياربي اشكر معقوله راح اصير زوجه كيان ممصدكه ربي احمدك واشكرك
اخذنه صور وكملنه اجتي أخته دتلبسني ال برنص واني ابجي ومدنكه لان امي وابويه كبالي صارو متت قهر
جان حماتي دكلي ياحلو كافي المكياج راح يخرب وتضحك بيه كوه ضحكت
طلعنه وطريق كله يبوس بيه يبوووو فشلني والله هههههه
رجعنه للبيت أو هو هم رجع للبيت سوو حنه وكملو واجه عليه واخذني للفندق
طبينه للغرفه كالي معقوله صرتي مرتي مدصدك.
هااا شكتلج مو كتلج ال ايام راح تثبتلج او هسه ثبتتلج ال ايام الحمدلله والشكر ربي الي وفيت بوعدي
كتله حبيبي اسفه لان عفتك جان يخلي إصبعه ع حلكي وكالي اششش كافي ما اريد اسمع شي هذا كله من يهمني الي يهمني بئن اني اخذتج وهسه انتي يمي واحمد الله واشكره 1000 مره
باسني وحضني وكالي اوف ياريحت هلي وكل ناسي
كالي يله لازم انحضر النيشان سحب من أيده وخلاه بل قماش وضميناه
كتله عليك الله انت خمو مقهور كال لا والله عادي مهامني ال هامني انتي وبس كالي ماريدج تعيدين هاي سوالف تره والله ازعل عليج كتله هاهيه كلشي ما احجي بهذا الموضوع
ضلينه نضحك ونسولف ونشاقه وووو......😍😘
كال والله شايل هم شلون باجر اهلج يرحون وشايل هم لا تنقهرين وتبجين والله انقهر عليج اني كمت ابجي لان شلون يرحون وما اشوفهم عاد سكتني وحضني مسح دومعي كال اني اهلج وكرايبج وكلشي صرت الج اني لو ابو بيتج و ابو اطفالج ضحكت اني كتله ونعم منك ياا ابو بيتي او ابو اطفالي
ضلينه لحد 5 صبح كاعدين نمنه او بل 6 كعدت كلبي مثل النار افكر ب اهلي وابجي خابرت ع اهلي كالو أحنه هسه بطريق اني كمت ابجي امي كالت لا تبجين كافي واحنه مو بعيدين عليج من نشتاقلج نجي عليج
عاد كعد كيان شافني ابجي كال ها حبيبي ليش تبجين اني ماريدج تبجين لان حتئ امج وصتني كالت لا تخليها تبجي لان مره ضلت تبجي او تالي شصار وياها او هسه هم تبجي ماريدها تبجي واني كتلها خاله ما زال اني وياها ما اخلي دمعه تنزل من عيونها ...
عاد حضني ونمنه
الحمدلله والشكر مكيفه عايشه ويه ال احبه ميهمني شي صحيح الفراك صعب بس لازم اتعلم لان هاي حياتي ولازم اعيشها
وره3 ايام رجعنه للبيت وبدت ال معاناة اوف ياربي
امه شدت وياي ع اكل او نوم وسبح. وتلفزين ماكو يبوووو حرمتني من كلشي وطبه وطلعه او ع كلشي تدخل وره سبوعين اقل طلعنه لان صارت مشاكل أو هو عاف امه ورحنه يم حمايه
كعدنه او هم سوو مشاكل أو يوم يم زوجي او شهر يم اهلي وصرت حامل وضليت اهنا وهنا
اهلي نطوني افلوس او بيت إليه بس نرتبه
والحمدلله والشكر الله عوضني صار عندي ولد او هسه ابني 9 اشهر والحمدلله والشكر ربي زوجي يموت عليه ومرتاحه وياه واموت عليه وعاف أهله ونسوان احمويني ضلن يسون مشاكل ونفاق لحد ما طلعت منهم
الحمدلله والشكر ربي الله مينسه عبده
او بل مناسبه زمن زوجت او هسه عدها ابنيه طبت بل سنه 4.
او محمد لا مزوج ولا راح يزوج
واني ريحانه هاي قصتي
تحياتي لكم ريحانه فدوه اروحلكم لان تابعتو قصتي واشكر الي انقهر عليه
ياربي اجمع بين الحبيبين بل حلال ولا تفرقهم
اصبرو فأن الله مع الصابرين مندري يا يوم الفرح يدك
بابنه
احترامي أمنيات فتاة😍😍😍😍
