البارت 19 الحياة قسمه ونصيب
كيان الو ريحانه وينج بالي يمج ليش هيج سويتي بيه شبيج تزوجتي رجلج مات احجي شبيج
ريحانه : اوووف حمل وشاله من صدري من كال تزوجتي اني كمت ابجي كتله كيان احجي ومتزعل كال لا كتله كيان اي زوجت بس هالحجي اني ميته بجي وسولفتله كلشي صار وياي
كيان: وشنو يعني واذا زوجتي وطلكتي شنو قابل حبج راح ينقص بكلبي لا بالعكس صدكي راح اوكف وياج وكفت زلم واطلعج من هالمشكله والايام تثبتلج حسن نيتي كتله صدك يعني متعوفني
.....
كلي عمري كله راح انتضرج اني طرت من الفرح
لزمت محامي او سويتله وكاله أو هو مشه بل معامله او صار تنازل بيناتنه اني اتنازلت ع غايب أو هو اتناز ع حاضر اني والله مو بحاله ميهمني لا ذهبه او لا فلوسه بس اني دمر شبابي او قهروني واريد اقهرهم
رحنه للمحكمة طبينه ع باحث راد او حاول يصالحنه بس رفضت وكتله مو زينين وياي او ذلوني موتوني جوع عيشوني بذل او ماكو احترام افشار يفشرون مو طبيعي مو مستعده اعيش ويه عائله مثلهم كالي الباحث براحتج ما اجبرج بس اني اقدم نصيحه لا اكثر ولا اقل
طبينه للقاضي طلكت وطلعت بس جنت طايره من الفرح نطوني الذهب كله بس اكو نقص المحبس كتلهم المحبس وين جان ابو باسم يكول لا هذا المحبس ام باسم نطتهيا بل عرس هديه.
عاد اني ضحكت كتله بستهزاء كتله لا والله صدك هههههه. هيه نطتني 10 الاف او ابنك عزت نفسه عليهن او اخذهن مو عاد تطيني محبس ذهب كتله هاك ذهب او ما أخذه لحد ماترجعون الذهب كامل ثانيوم دزو الذهب كامل او المحبس وياهن
او نطوني افلوس بمكان الغرفه لان كتلهم ما اريدها او اذا جبتوها اخليها بنص الشارع او ادير عليها نفط واحركها عاد انطوني فلوس بمكانها او المحامي كلهم الصور هم لازم ترجعوهن لان ميصير
عاد دزولي البوم الصور كلش حلو ع شكل خشب مسوي
اول مره اشوف الصور مشايفتهن لان جنه مجايبيهن من المصور واني طلعت من البيت
بس الصراحه كلش حلوات طالعه بصور اني لزمتهن خليت عليهن أزكات ع صور باسم لان ما احب اشوفه غطيتهن كلهن صور باسم بس خليت صوري
رجعت للبيت وره مطلكت
رجعت طايره من الفرح الله رجعت الحياتي رجعت الحريتي رجعت ال اهلي والبيتنه رجعت ال حبيبي اوف ياربي متت فرررررررح اشكرك ربي ع نعمتك وربي
رحنه اني او امي زرت امام العباس او امام الحسين عليهم السلام
او رجعت لزمت عده او جان بوكتها محرم او طلاكي صادف 2013/11/25
او لزمت عده 2014/1/1 ع مود بدايه شهر لزمت عده 3 اشهر او 10 ايام
الحمدلله والشكر خلصت العده ع خير رجعت خابرت كيان لان مده طويله ممخابرته اوووف سمع صوتي طار من الفرحه
بس مدامت الفرحه انقطعت اتصالاتي ويه كيان
لان اخوتي ميرضون اشيل موبايل وضليت حاااايره😥
شلون ياربي شلون راح احجي وياه مادري
رجع ويا بشهر 2014/6. ويه سقوط الموصل
كيف من سمع صوتي بدون مقدمات كال ريحانه لازم اخطبج اهلج يرضون لو لا كولي اذا مرضو والله اخطفج او ما اسئل ع احد لان بعد ماكدر بلياج واني دا احترك حرك من وراج
اني متت ضحك كتله والله مادري بس الله كريم هو داوم ابتكريت بقاعده سبايكر وضل اتصالي وياه مستمر
وره فتره انكطعت اتصالاتي بي. لان انباك جهازي ومتت قهر ليش ياربي كلمى افرح شويه تنباك فرحتي مني وضليت اندعي ياربي حلها انت متقصر ادري بيك ياربي اوكفلي ماعندي غيرك والله كيان نيته نضيفه وياي وماعنده غش ياربي حل المشكله واني ابجي متت قهر وبجي اوف ياربي والله عشت ايام صعبه حيل
طول ع اتصالي بي ماتصلت لحد شهر ال 2014/11 اخوتي سافرو كلهم بقينه بس اني وامي واختي زغيره بل بيت
صار عندي موبايلي وسويت صفحه دخلت ع صفحه كيان شفت صور لاااااااااااااااااا 😨😨 هاااااااااااي شنووووو ياربي
