البارت15 الحياة قسمه ونصيب
أمنيات فتاة القصه واقعيه صاحبتها متابعه ويانه
......
اتوسلت ب امي وبجيت وج يمه عليج الله والله احبه واريده وماكدر بلياه بس وافقي اهلي رفضو
ماكو نتيجه بعد مخابرتنه قلت مو مثل قبل واني ماكدر اكله اهلي رفضوك كلت اخاف يوم من الايام يوافقون
صادف زواج اخويه علي عزمو ما اجه
اهلي اخذو جهاز مني وكالو انتي بنيه ميصير شيلين موبايل
معاد اسمع اخبار كيان لان تلفون ماعندي. ونقطعت اخباره
اني كنت بجي وقهر بعد ما اتحمل ليش ياربي كلما احب شخص متجمعني وياه
ماكو فايده عندي بس شريحه او ضميتها لان خفت من اهلي وماكو جهاز افتح الشريحه بي ضميتها وسلمت امري ال الله بس اني هيج جثه بدون كلب
يوم من الايام صادف رمضان او أحنه برمضان بي ٦ ايام
وره الفطور اجه واحد من كرابتنه بس من بعيد لان من العشيره
فاتح ابويه بل موضوع بئن يريدني ال ابنه ابويه كاله الله كريم الي بي خير الله يقدمه أشير إلى ابنيه اخذ رايها وارجع الك خبر
راح لرجال واجه امي وابويه فتحو الموضوع وياي بأن يريدني اني رفضت وكمت اصيح وابجي والله ماريده والعباس ما اريده عوفووووني الخاطر الله
كالو شنووو سبب ليش ال ولد شاريج وتعوذي من شيطان
كتلهم لو منا لصبح متكدرون تغيرون رائي
اجه الرجال ابويه كاله والله البنيه مترضه وماكو نصيب يمنه
اشو الرجل راح اني ارتاحيت هووووواي وكيفت اشو وره سبوع كتلهم اني موافقه واريد اشوف البيت. بس هذا مو بقناعتي لان السبب جان بموافقتي هو ال اب سوالي عقد السان ف لذلك وافقت
اجه ال ولد شافني وشفته ال ولد حلوو حجه وياي واني هم حجيت وياه وماكو عتراض راح الولد كالو اهلي هاا شنو رئيج كتلهم موافقه ثانيوم ابو ال ولد خابر كال موافق باسم. العريس أن اسمه باسم
كال موافق باسم وانشاء الله نجيب الزلم وفد مره نعقد عقد سيد رحت لصالون شسورت شعري وسوت تسريحه حلوه ومكياج خفيف كلش حلو طلعت
لبست فستان قصير لونه ماروني واسود كلش حلووو
رجعت للبيت اجوي الزلم او عمامي او ولد عمامي وبناتهم وتمت الخطوبه ولبس سيت نوم ابيض وشال ابيض او هيلات جوه الساني
كعدت وره الباب عقدنه وكملنه نسوان هلهلن بس ابد كلبي مفرح صحيح اضحك باس بكلبي ماكو فرحه خلص العقد أو وره شويه راحو الزلم
ثانيوم اجوي ع مود النيشان كالو انتي تجهزين لو أحنه نروح وياكم امي كالتلهم لا انتو ترحون ويانه
والله رحنه اني وامي وابويه او باسم وأبو او مرت اخو أو أخته واخو
اخذنه ذهب كلاده زنجيل مالها امريكي او مداليه هندي او تراجي هنديات او حلقه او محبس اماراتي
او ملابس او مكياج او رجعنه
تفقو نكطع مهر محكمه كطعنه مهر او كملنه او عزمونه ع غده رحنه تغدينه يمهم وكعدنه اني وياه بره ع مرجوحه
كالي اني احبج اموت عليج
اني سكتت مارديت كلت بكلبي ع اساس اني ميته عليك 😂😂
اشو هذا تقرب عليه ديبوسني كتله لا عفيه عوفني كالي ليش كتله شنو ليش عوفوني
كال تره اصيح امج وابويه بس بشقه كالها
كتله اي صيحهم كال مو اكلهم مترضه تبوسني سكتت
عاد باسني من راسي او من ئيدي وعافني
عاد رحت ع اهلي كتلهم يله نريد انروح
كالو يله رجعنه للبيت هو اجه العصر وجايب وياه كيكه او سفن وووووو بيبسي اكلنه وكملنه رحنه للسوك فترينه ورجعنه
هو راح البيت ابو واحنه رجعنه للبيت خلص رمضان وراح حدد يوم العرس
يوم ااحنه 2013/8/26, او الزفه 2013/8/29.
رحت للحفافه حفيت او رحت لصالون سبغت شعري لون عسلي او خصلته ب لوان اصفر ع خضار بس كلش حلووو طلعت لان ستايل جديد اول مره اشوف روحي هيج
بيوم الحنه قبل لا اروح للصالون كعدت تغديت ساعه ب 11. ضهر كعدت كبالي رنا كامت تبجي كالت صدك راح تعوفينه الله وووووو ياج اتمنالج كل الخير ياربي ترتاحين بحياتج أن شاالله ويكدر يعوضج اني بجيت حيل وخنكتني العبره جان اخويه علي يجي يمي كالي شبيها حبيبتي تبجي كعد يمي وباسني اني حضنته وابجي شكد مابيه بجي طلعته حضنت اخويه وابجي و هو هم يبجي باسني من راسي كال فدوه اروحلج خيتي كافي مو شعلتي كلبي التمن عليه بنات خالتي او امي خطيه امي تبجي بس متببن روحها عاد مسحت دموعي لان نتبهت ع امي او ع علي فد مره صارو عليه سكتت كتلهم هيج مابيه شي بس مقهوره شلون راح اعوفكم واني ممتعلمه ع فراكم
كملت او رحت لصالون اني وبنت خالتي
سوتلي تسريحه او مكياج لبناني او بدله لبست لونها بصلي الله تخبل كووووولش حلوووووه طلعت والله
اجه ابن عمت باسم اخذني للبيت لكيت ابو باسم بل باب واكف ينتضرني بوسني وطبيت للبيت دز تلفون بئيد علي كله اخذلها صور لان باسم يريد يشوفها
لان باسم ميجي لان بيتهم بعيد علينه هو بغداد او أحنه بكربلاء
