البارت 20 الحياة قسمه ونصيب
تخبلت من شفت الصور. متت قهر وبجي كلبي نمرد
مصوب ونايم مستشفى ديسون عمليه دزيتله رساله بس ماكو رد ضل سبوع او رد ماكو ليش ياربي
دخلت ع اخو حجيت ويا كلي انتي منو كتله ريحانه حبيبت كيان
او أريد احجي وياه بس ميرد عليه
كال كيان تصوب اجته طلقه او شضايه جوه صدره والحمدلله واشكر كام بسلامه هسه اخابره او ارجعلج خبر
وره دقايق دزلي رساله كال هذا رقم وخابري بسرعه لان كتله ريحانه تريد رقمك وكال بساع خلي تخابرني
تصلت ع كيان
كيان ..😨 حبيبتي ليش هيج موتيني كافي تعذبيني
ريحانه... والله اني مو بئيدي لان جهازي ضاع واني مو بئيدي. او هسه اخوتي سافرو وشتريت موبايل
كيان... ريحانه اريد اخطبج اني اهلج يرضون. تره والله اذا مرضو اخطفج والله وميهمني كلشي الي يهمني انتي وياي
ريحانه... خلي احجي ويه امي او اردلك خبر
كيان .... اوكي انتضرج
رحت حجيت ويه امي
يوم اريد احجي وياج
كيان يريد يخطبني شتكولين كالتلي لا وانسي مننطي
كتلها يومه ليش هيج تحرميني من الي احبه مو كافي الي سويتو بيه من ابن اختج ال باسم او هسه كيان
يوم زوجتوني مو برضاتي او دمرت او رجعت او هسه اريد اخذ الي احبه او نيته شريفه وياي او رايدني ع سنه الله ورسوله وانتو ترفضون والله حرام عليكم كافي
كالت اوكي براحتح الي تردي يجرالج
اني طرت من الفرح
تصلت ب كيان
ريحانه... الو و. حبيبي ابشرك واخيرا مي وافقت
كيان ... صدك والله. يله لعد ال اربعين مال الامام الحسين عليه السلام بعد ايام تعالو امي راح تسوي قرايه او ع مود تتعرفون ع خواتي واهلي هم يتعرفون عليكم ع مود اخطبج
ريحانه... الله كريم اشوف امي واردلك خبر
حجيت ويه امي كالت الله كريم
رحنه عليهم اول مره اشوفه بعد هذا الغياب كله ممصدكه دخت وممصدكه هو هم ضل مكابلني وكاعد اكبالي ويحجي وياي ع مازنجر
يكلي هاااا اميرتي عجبج البيت لو لا كتله اي حلوو كال بس مو احلا منج هو هذا الحجي كله يحجي وكاعد كبالي ويراسلني كال احبج موت ويباوع عليه متت خجل ودنكت راسي لان والله استحيت منه اول مره اكعد كباله ويحجي وياي
اجني خواته وشافني وشفتهن كالن والله كيان عرف يختار كال كيان اي لعد شعبالكم اخوكم مو هين هههههه خمو مثل اخوتكم ال باقين اني خجلت ودنكت
تفقنه وره ال اربعين نخطب
اجتي زياره رحنه زرنه ورجعنه
وره ال اربعين خطبوني وكالو نعقد عقد سيد بيت كيان رحنه البيتهم صادف يوم خميس 2015/1/10 عقد سيد
لبست فستان احمر او بي ابيض كلش حلو او جابولي سيت نوم او شال ابيض او مرايه
اخته سوتلي شعري شسوار او مكياج خفيف كلش حلو او لبست سيت نوم او شال وجابو انجانه بيها ماي حار او ياس او خلوها جوه رجليه او خلو امرايه كدامي وشلت قراءن او بين أصابعي هيل وكعدت وره الباب اوف ياربي متصورون شلون ال وحده من تفرح وتأخذ الي تحبه وتكول نعم وانت وكيلي الله ماعرف شعور مينوصف ياربي كل وحده تحب واحد يزوجون انشاء الله
دمعتي طكت من عقد سيد ماعرف شصار بيه واخيرا صرت ال كيان أو هو هم اوف ياربي اشكرك والله ماعرف شلون اجازيك ياربي
رحت غيرت ملابسي ولبست ال فستان او شغلو ديجي وركص او اجوي اخوان كيان وضلووو يركصون. اجه كيان انصدم من شافني متوقع هيج اطلع بعد احلا كعد وياي واخذنه صور او باسني من راسي وفرحنه فرحه مصايره خلصت الحفله وال كل راح البيته
حجيت ويه كيان كتله كيان اهلك ميدرن بخصوص زواجي. كال شوفي يا بت الناس اني اخذتج ع ارادتي او محد جبرني عليج واحنه بعائلتنه مناخذ رأئي اخوتي لو امي كل واحد ياخذ الي يريده واني لمن كتلج يشوفوج اهلي تعالي ع مود تتعرفون ناس ع ناس تره مو ع مود اخذ رأيهم بأن اخذها لو لا لان ميهمني رأيهم الي يهمني رائي او رأئيج
وبالنسبه بخصوص زواجج ميحتاج انكلهم لان انتي تدرين ماكو بيت او مابي شاكل واني ما اريد اكلهم بخصوص زواجج مو خوفن لا بس شنو باجر عكبه تصير مشاكل راح يسمعنج ويقهرنج واني ما اريد تنقهرين بسببهن لان أريد راحتج والله العظيم
واذا تردين هسه نكلهم بس ع مودج اني كتله هاهيه براحتك
كال هذا الموضوع مات اهنا وندفن اهنا ماريده ينفتح مره ثانيه كتله هاهيه الي تريده ايصير ان شاء الله. كال أن شأ الله
