الحياة قسمه ونصيب
البارت 4 أمنيات فتاة
...........................
بعدما وصلتني رنا وراحت سئلتني امي كلتلها يم زينب جنت محجت شي لأن تدري ما غلط بشي المهم صار الليل تقريب ب 12بالليل اتصل عليه محمد ظلينه نسولف وكال ماكدر ع زعلج ولج انتي عمري حياتي كلبي سعادتي كلشي حلو بحياتي انتي وبعدها ظلينه نسولف لل 6 الصبح وماحسينه ع الوقت جان يمر بساع ظلينه نسولف ع مستقبلنا وقررنا بالمستقبل نسمي ابنا جهاد وكضيناها كله ضحك وسوالف وشقه
مشت الأيام ومن نفتح سالفة الزواج اي ميخالف محتاج من شغله البيت من هالسوالف جان يكول
........
طولت فترة خطوبتنه والكرايب اكلوووو وجهنا بالحجي والي ميحجي كدامنه صار يحجي ورانه وامي وابوي كامو يضوجون من الوضع وكلام الناس والاكثريه احجي كدامه امي....
......
وكل الي تجي تسئل ليش لهسه مازوجتو شنو كعدتج وطولت خطوبتج والناس الي متعرف مخطوبه يدزون البيتنه يخطبوني ومن يسمعون مخطوبه يرجعون
.......
ظلو كرايبي يسوون مشاكل ونفاق وقيل وقال بس حتى يفرقونه واني صرت بين نارين نار اهلي واقربائي الي ميكعدون راحه ونار محمد وحبي إله تعبت حيل والتفكير شل حالي ماعرف شأتصرف شسوي كثر زعلنه ومشاكلنه والهموم كثرت
......
امي دزت على محمد كلتله عندي كلام وياك لازم تجي صدك ماطول ومحمد يمنه اني كلتله شوف خطوبتكم انت وريحانه طولت والناس كامت تحجي طول عرض والمشاكل كثرت
. .....
جاوبها محمد خاله شنو التردو خيطو واني البس
كلتله خاله ماريد غير ترد كلام العالم وترده بزواجكم
اشو هذا طفر خاله طززز بالعالم واني شنو بيهم اليحجي واليسكت امي قاطعته لو تعوفها لو تزوجها صار سنه واكثر وكلشي ممفتهمين منك شي والبنيه تعبت لو تأخذها لو تتركها كلش .... اشو هذا حتى ماحترم كام وطلع .... اني نقهرت وظليت الوم بنفسي وابجي
بعدها والدي دز على اخوته اجوي كالو الأسبوع اليجي الزواج اني صدك جهزت كلشي وحجزنه بدله وصالون وتعرفون شغلات العرايس بعد تعبت صدك بهالاسبوع وعزمنه العالم تالي اتصل عليه كال ماكدر هسه ازوج شوفيلج صرفه
نصدمت بنات حطو نفسكم بمكاني حجز وعزومه ومن كلشي جاهز حتى الصالون والحفافه والميش ام الصالون كالت تعالي الجمعه احفلج وشعرج نسوي اتصل عليه الخميس بالليل جان يكول ماكو زواج هسه شتردون حالي تعبت والقهر والضيم .....
يتبع
......
