البارت 18 الحياة قسمه ونصيب
......
جابولي ريوك او راحو نزلت بدشداشتي او حتئ كحله مخليت ابد رغم هذا حلو مو بالي ولا بمزاجي اخلي لا مكياج ولا ابدل لان ما احبه
نزلت اتريك اني وباسم اشو هاي ام باسم ممخليه ريوك مقسمتهن ال ابنها او بنتها ع بالك جابو ريوك الها او ال بنتها وابنها ههههه والله مخليتنه ريوك اصلا ميشبعنه
اكلت نص صونه وكمت صعدت فوك الغرفتي
ضليت افكر ب اهلي وابجي باسم مسح دموعي او بجه وياي كال يله اني عندج لا تبجين لا تهتمين امشي ازورج امام الكاضم سلام الله عليه رحنه زرنه او رحنه البيت جده سلمنه ع خاله وحده ورجعنه بليل بس صراحه حاولت انسه او احبه او اعيش وياه بس مكدرت أو هو هم ما حاول يخليني احبه لان تصرفه ميعجب ناس فكر مع علم همه عدهم فلوس والحمد لله حالتهم زينه بس فكر ابد ميسوكون ولا يفكرون اكو احد بل بيت باسم يروح الساعه ب 3, العصر للشغل ميرجع لحد ساعه ب 1, بليل ميفكر بيه اكلت لا. انام ع لحم بطني ما اكل اموت جوع واكول ميخالف
اجوي امي وخالي زوروني وغدوني ونطوني فلوس او راحو ضليت ابجي وراهم او باسم بل كذب ما كلهم تفضلو لبيتنه ابد خطيه همه هم راحو واحنه رجعنه حتئ تكسي ماصعدني رجعني مشي تعبت ومن الحر متت صرت حمره دم ولا اهتم بيه
رحت صعدت الغرفه نمت وكعدت لكيته رايح الشغل واني كعدت رتبت غراضي
رجع بليل لف راسه ونام ولا فكر بيه اكلت شربت ماكو ميسئل عفته ونمت
ثانيوم اخويه خابر باسم كاله باسم ريحانه اجتي واني فتشت جنطتهى بدون علمها لو ربع دينار مابيها ليش هيج باسم كله مادري او هيه متكلي كله حتئ لو متكلك اختي واعرفهى تستحي ومتكول كله يله انطيها مرت الخ كله اخويه بل يوم تطيها 5 الاف كاله باسم الله كريم
هذا اول يوم نطاني 1000 دينار راح شغل ورجع كال هاااا شسويتي بل 1000 دينار كتله رحت بيها لصالون رتبت روحي وشتريت بيت او سياره ...😂😂😂. كتله باسم هو 1000. دينار مو مليار حتئ تسئلني تريده أخذه هذاك بعده ع مكانه ولا شلته ماريده اني مو بحاجته تره عندي اهلي الحمدلله والشكر ممقصرين وياي
كال لا مو قصدي شي بس حبيت اسئل
ضل ع هذا ال اروتين يروح العصر او يجي تالي اليل
النوب المصيبه اني او مرت حمايه بس وحدنه بل بيت زوجي وحمايه يروحون لشغل
او ابن خالهم يجي ع زوجي وميلكاه ويضل يمنه من العصر التالي اليل اني خفت عفتهم وصعدت فوك وقفلت الباب عليه
نت تصرفهم ميعجب ابد النوب هاي اشو أخته جسره تغلط او تفشر وامها تفشر الفشار مو طبيعي نصدمت😨😨 هاااااااي شنووووو ياااااربي اااني وين عمررررري كله مسامعه هيج فشاااار صعدت الغرفه وضليت ابجي صعد باسم كتله باسم هاااااي شنووووو امك واختك ميحترومن يفشرون عليه وكدامك وانت محجيت شي ليش اشو هذا يكلي قابل شسوي يعني كليلي عفته وسكتت بيانه هذا خركه امه واخته
هو راح الشغل واني كعدت بل غرفه ااجه لكاني مريضه سني يوجعني كال شبيج كتله مابيه بس سني يوجعني كال هاا يله راح لا نام عافني ونام حتئ ماسئلني شلونج شسويتي ورايه عافني ونام اني طولت يله نمت من الوجع
صبح الصبح اجتي امي دشوفني لكتني مريضه فد مره كالتله خاله راح اخذ رياحنه وياي او اخوها يجيبها كال لا متروح
كالتله لعد خلي نوديها طبيب لان مريضه مدشوفها بعينك
كال لا ما اوديها او منا عود للعيد الجبير اجيبها عليكم بس مو اول يوم العيد لو ثالث يوم لو وره العيد لان اروح البيت جدي او البيت خالاتي او عود افكر لو اجيبها عليكم لو ما اجيبها.
امي نقهرت هذا شديحجي صار صياح بيناتهم اجه جرني من ايدي وكالي امشي لمي ملابسج وروحي
صعدت اخذ ملابسي كال باعي راح اخيرج بيني و بين امج اذا اختاريتيني تره عمرج كله متشوفين اهلج او خصوصي امج كتله لا والله اني وياك و اهلي موجودين وانت هيج اذا اختارك واعوف اهلي لا اموت ومحد يدري بيه اروح ال اهلي اختارهم احسن لان اهلي هذوله وميتخلون عني
كال اوكي روحي ال اهلج بس طيني ذهبي كتله ذهبج شنو ماعندك ذهب يمي. اشو هذا رئسا ضربني راجدي😨😨😥😥
كتله ماشي هاك ذهبك واتواجه وياك بل محكمه
رجعت ال اهلي الله طايره من الفرح بس من طلعت من يمهم بجيت ونقهرت بس يله ميخالف
اشو يوم بعد يوم صحتي دهورت اشو كمت اكوم او اوكع معاد احمل روحي احس روحي تريد تطلع ودوني المستشفى شافني دكتور كال احجيلي شنو صاير وياج .... سولفت لدكتور ع كلشي من يوم الي زوجت لحد ما طلعت من يمهم كال والله هو هسه انتي جنج كمر لعد من زوجتي شلون طلعتي امي كالتله والله اخذوها وناس كلها تعجبت بيها تالي حسبي الله ونعم الوكيل عليهم دمروها. كال الدكتور بيها جفاف عام او نقص املاح لو باقيه ومملحكه المستشفى جان البنيه ماتت
لان بقيت 15, يوم ما اكل اكلي قليل مع علم بقيت يم بيت زوجي بس 15 يوم لا غيرهن اويلي من عمري راحن هذني
دزو علينه شيوخ او كرايبهم وكرايبنه بس اني رفضت ما ارجع قررت اطلك منهم
بيوم كأعده دك تلفوني المتصل كيان
ريحانه... الو
كيان...الووووو ريحانه وينج بالي يمج ...
