قسمه ونصيب

5

الحياة قسمه ونصيب
البارت 5
من اتصل كلتله راح اروح باجر للصالون كال لتعبين نفسج مراح ينطوني حتى اجازه ومن وكتها صدك كلت اذا ميريدني خل يعوفني بلا هالعذاب شنو مجبور عليه وظليت ابجي وكعدت ع يجاة صلاتي وادعي من رب العالمين يحلها لأن تعبت نفسيتي تعبت ياربي يارب انت حلها من يمك واذا بي صالح إليه حبي واذا لا انت اعرف من كل العارفين
.......
 واجه عيد الأضحى همه قبل العيد بأيام كالو لو اول يوم العيد زواجكم لو بعده بأيام وهم إجه وراح واني انتضر مو مستعجله ع الزواج بس صاروا هواي شملا واهلي كل الي يجي يحجي كدامهم
.....
بعدما خلص العيد اتصل كال مقبلون ينطوي اجازه إله قبل أسبوع جاوبته عاد اخذ من هسه حتى الاسبوع الجاي تأخذها والأسبوع البعده انت عندك سبوع هاي سبوعين كافي ومناك ينطوك اسبوع اجازة زواج
هذا بساع اعترض كال لا ماكو اني بين نفسي كمت اشك  هذا شبي شو يعترض ويوميه مطلع شغله مثل المتوهوه  على زواجنه...جاوبته شو انته صرت تطول وتعرض شنو متريدنه نزوج شنو سالفتك شبيك  شو هذا يلا يلا مع السلامه وسد الخط بوجهي
......
كلت شنو سبب هذا ليش هيج يسوي ياربي صعبه شخص تحبه ويحبك واعيش ويا احلام ورديه تالي يكلب عليك
....
راح للدوام ورجع ماظل على محرم اقل من 10 ايام ....
خابرت زينب اخت محمد سئلتها يحددون موعد الزواج كالت شنو شو اشوفج مستعجله يعني انتي عروس متردين تحطين حمره كحله ملابس ألوان لو عاجبج تلبسين اسود كبل اني هم جاوبتها كلتلها زينب اني مكاتله نفسي ع زواج وعوفي كلام العالم على صفحه ترى طوختوها صار سنه خطوبه  مافكرتو جايين هسه تحجون واخوج من كلشي حرمني ويوميه مشكله وكلت تهون لخاطره  وهسه اطلع اني مو زينه ع هذا كلامكم هي هم محجت سدت الخط وراحت  
......
وره يومين رحت البيت زينب بعدني ما دخلت كلتلها ليش هيج علكتوني شنو جان هامكم بس تنفذون وصية أمكم والضحيه اني  بس فهميني انتو جبرتو عليه  مافكرتو انتو شكد بهذلتوني ....
 بس هالحجي واني ابجي وبلاعيمي يبست من الحركه 
 ....
زينب .. لا هو حبج ورادج اجنه ماجبرنا عليج
قاطعتها صحيح حبيبتي هو لو رايدني ما خلاني معلكه جان من زمان تزوجنه بس ماكو هيج حب !
واني احجي دخل محمد
كلتله شوف انت زودتها وحجي العالم ماكف ياخه عني وكل الي يجي يحجي ع امي ويقرأ برأس اهلي ناس تكول ميريدها شي تكول يشرب شي يكولون يدور بنات وناس اكول يحوز ميصير عنده  اطفال لأن انت مسوي عمليه قبل وحجي الكرايب يكتل أكثر من الغربه
جاوبني باعي معليه بالعالم همه وووو👞 حشه القارئ
صار المغرب واني بعدني مواصله للبيت كال اني اوصلج محمد وعدم وصلني وصلت للبيت وقت فايت بس شافتني امي  ...........
البارت القادم انتظروني
....
 

.....