Nakapako na naman sa tv aking tingin
Inaabangan pag tatapos para countdown na ay sabihin,
Malapit na naman ang pasko
Ilan kayang regalo matatanggap ko?
Maging mabuti sa kapwa at maging mabait
Upang regalo mula sa Diyos ay makamit
Regalong ipapaabot nya sa kanyang alagad
Na hindi mo mararamdaman pag 'sya ay naglakad
Mataba't malaki ang hubog ng katawan
Santa Claus nga ang kanyang ngalan
May bitbit na sako,laman ay regalo
Na ipag kakait sa matitigas ang ulo .
Ang gaya kong isa lamang paslit
Nasasabik na pasko na ay sumapit
Masiglang aawit kapag nangaroling
Habang may kinakalampag na tansang ginawang tamboring
Sa kaunting baryang kanilang iaabot
Ngiti ng gaya ko sa langit na ay aabot
Masayang magbibilang,ng baryang naipon
At agad kong ilalagay sa itinatabing garapon
Sa mismong araw nga nitong pasko
Isusuot ko na mga bagong damit ko
Maagang gigising sa araw na ito
Para makapag simba pa kasama si Tito.
Sabi pa nga nya araw ito ng pagbibigayan
Na may kasamang pagmamahalan .
Kaya pala si ninong at si ninang
Sa kanilang bahay ay nag aabang
Magmamano agad ako Gaya ng kinasanayan ko
Hahalik sa pisngi,kasunod ay aginaldo
Itatago kong muli sa bulsa ng aking sando.
Pag tapos nitong araw
Masigla akong dadalaw
Sa kay amang puntod
Ako agad ay luluhod
Bitbit ko'y pumpon ng mga bulaklak
Inipon ko ng patak-patak
Mga napamaskuhan ko't napangarolingan
Bulaklak para kay ama ang pinag ipunan
Pang ilang pasko ko na nga ba sya 'di nakakapiling
Ilang taon na nga ba sya dyan nakalibing
Hindi ko na matandaan,ito ata'y akin ng nakalimutan
Pero ang mag dala ng handog sa kanya'y hindi ko nakaligtaan
Sumapit na naman ang paskong may kalungkutan
Kailan naman kaya ang paskong may kaligayahan
Kailan ako babalikan ni Inay?Na nag tatrabaho sa malayo,kaya nawalay
Ilang pasko pa ba ang papalipasin
Na wala kayong dalawa sa akin ?
Alam ko namang di na tayo mabubuo
Pagkat mangyari ito ay malabo
Nasa langit na nga si ama
At ang panginoon na ang kasama
Si ina naman ay malayo din
Nag papakahirap para sa'kin
Ngayon na nga ang hiling ko
Sa bagong taon si Ina ay makapiling ko
Pagkat ayoko ng umiyak pa pag dating ng putukan
Ang gusto ko naman ako at si ina ay magyakapan .
Kaya bago ko tapusin itong aking tula
Nais kong bitawan ang aking huling talata
Habang andyan pa ang iyong magulang
Mahalin mo sila at igalang
Mag pasalamat kayo dahil inyo silang kasama
Hindi tulad kong mag isang nagdadrama
Maligayang pasko .
Taos pusong bati ko.