Ax cînar ax
tu nizanî
Bayê şeva Stenbolê
li berbanê de
bêhna te dize
Wê gavê
ez, cigara xwe û şeva tarî
di nav guftugoyêdane
Guftugoya me
di qala te de ye
Şev,
tu jî dizanî hevalek başe ji bo evîndaran
Şev,
min û bêçarîya min dibîne
Û bêhna te diyarî min dike
Li wê gavê
ez kêfan ve dibim çûk
Cigara min jî pelê xwe geş dike û wekî sterkê di biriqe
Û ez difirim têm li ser berbana te
Bêhna te her diçe pêhtir min gêj dike
Ez carek din jî
li ber çelengiya te
evindare te dibim Cînar
Tu nizanî
