ملاك الرحمة

3

... بعد أيام  اني كولش منطوية وابد مسولف مع الولد بس أخواتي عشريات وهيفاء ضلت يمنا من أخر عزومه وتنام ويانا بالغرفه ومدوختني بهذا عباس يكلك الي خلقه ما خلق غيره
هيفاء : هو هجورة رايحه ؟
هاجر : اي والله اليوم ابات برة اشكد اضوج من السهر
هيفاء: ما تعوفين الشغل اشو انت كاعده مدلله بيت خاله شلج بيه
اني: يا اشعندي كاعده ماحب اتعودت على العمل
هيفاء : اي صدوك  حلو الواحد يقتل وقته بيه بس ما كلتي الي الرويتب وين توديه
اني : بيني وبينج اني دا اجمع اريد اسوي تقويم أسنان
هي: ها خوش فكره والله انت تخبلين بس لا زعلين مني أسنانج مأثرات على شكلج لو يتعدلن اصيرين جنج نادين نجيم
اني:😂😂😂😂😂😂 خيالج واسع اشجابني عليه
هي : ولج والله اشبيهه ومن تعدلين أسنانج جمعي واضربي هاي الوحمة الحمره ليزر واخفيه اتصيرين احلى والله
اني :: صدوك اكو هيج شي بالعراق ؟
هي :اي ولج انت مطفيه 😂😂 كولشي اكو
اني :: اي والله حلم عمري
هي : اي وهذا لبسج مال حرك يخرع شدعوه هالعرضه
اني باوعت للمراية شفت شكلي بجبة رصاصية كتله ما بيه شي الستر حلوو ولبست عباتي وطلعت وهي هم طلعت وياي وتحجي على لبسي .
هيفاء: ولج اني مرة رحت للمستشفى الممرضات اشيك من الدكتورات اشكال يلبسن وانت هيج والله اكيد طالعه كسر
اني : ما يحتاج هههههه هو بكل الاحوال اطلع كسر يمهم
هي : هف هههههههه مستقلة بروحج بهذا لبسج جنج نبيل شعيب
اني : يبو ولج شنو اخبل الستر عفه ويه هاي العباره اجانه صوت كال : اي اكيد ويجمل البنت مرحبا بنات اشونكم ؟؟
هيفاء: ارتبكت وبان عليه هلا عباس بعدك اهنا مطلعت ؟
اني: هلا مراحب
هو: لا هسه حروح للعياده
اني : يلا مع السلامه
هو: تعاي اوصلج بطريقي
اني : باوعت لهيفاء
هيفاء عادي ممهتمه الي وكالت ولج روحي توصيله وبلاش😂
اني؛: ماريد ازحمه
هو تعاي هجورة ورحت وياه فتحت الباب الخلفي وكعدت وهو اجه كعد ع كرسي القياده واني جنت مدنكه ع موبايلي بس انتبهت اشو السيارة ما مشت رفعت راسي لكيت عباس الدكتور الطاك يباوع الي وحاط ايده ع خده وكال اي وبعدين ؟
اني انشدهت : ها دكتور !!!!
هو : : ضحك تعاي اكعدي اهنا واشر ع المقعد الي بصفه اني صفنت
هو كمل وكال يمعوده تعاي اهنا هسه عبالهم اني سايق مالتج وضحك ضحكته الشهيره بصوته العذب كاله بطريقه مرحه اني خجلت ونزلت وكعدت بصفه وانطلقنا طول الطريق اني أباوع من الشباك ....
وهو ساكت فجاء حط مناجات باسم واني كولش اعشق باسم وجميع اعماله ..
هو : حلو بابل مو
اني : ماعرف
هو:؟؟؟ نظرة أستفسار
اني : والله اول ما انتقلنا لهنا لهسه من البيت للمستشفى  ومن المستشفى للبيت فمااعرف !!
هو : غريبه ليش ابد مطلعتوه ؟
اني تعجبت من اهتمامه وكتله لا والله بس اثار بابل شايفته بالتلفزيون 😂😂😂
هو: لا لازم نخصص وقت واخذكم بجوله سياحية انت والبنات
اني : رحمة الله والديك
سكتت ووصلت ونزلت وعفته جان اكو فراش دا ينضف بره شايب حتى اخجل من نفسي من اشوفه ينضف اتقربت منه وحطيت ابيده هالقاسمه الله  ورحت وقبل لا ادخل من المدخل شفت عباس بعده واكف من شافني انطلق وراح .  ..
مر اليوم عادي ومثل كل ليلة اباته بره اقضيه بين الحوامل الي يولدن  .
...
رجعت للبيت الصبح الساعه ب 7 ونص جان البيت هاديه كولت اكيد كولهم نيام  بدلت ورحت للمطبخ  جنت ميته من الجوع الان محب اكل المستشفيات كليت بيض وبصل 😁😁 وكعدت دا اكل وجان يجي عباس
صباح الخيراات
اني : صباح النور
هو: ها رجعتي
اني : اي والله
هو : هم طلع بيض وراد يكلي اني ابسرعه اخذت منه البيض
اني : دكتور اكعد اهنا اكل هذا واني اسوي لروحي
هو : لا ماريد اتعبج
اني : لا يا تعب اتفضل
وكليت واشوفه ياكل بنهم وخلصت وكعدت كباله دا اريد اكل ريوكي وهو كال عاشت اديج انت شنو تحطين للاكل ليش هيج طيب رغم اني ماحب البصل واكلت!
اني : ها الف عافيه 😊😊😊
اهنا دخلت غفران جانت لابسه صايه اشويه مجسمه وحاطه شال لافته بطريقه تخبل وهي اصلا تخبل صبحت علينا وكالت عفيه هجورة سويلي ريوك
اني : امري حبي وكمت
عباس مثل الي ضاج لان جنت توني دا اريد اكل وهم قاطعتني بس اني عادي كتله اكلي مالتي واكلي لروحي  😂
هي :: اي عباس اشوكت تناقش رسالتك
هو : بعده الوقت غير معلوم
هي انشالله نهاية هاي السنه تكمل طبعا غفران صوته يخبل ومن تحجي تنطي جماليه للكلام بلكنته يعني ما الوم أي شخص يعجب بيه
هو: انشالله ولو ما اعتقد
طبعا اني مثل الاطرش بالزفه يا رساله وشنو يناقش هو مو دكتور ودا يشتغل بعد شنو؟؟
هي ": اليوم اكيد عندك عمليات ؟؟
هو : لا معاينة فقطهو : لا معاينة فقط ؟؟
هي : اها مو تعب عليك ادوام بثلاث اماكن بالعامه وبالخاصه وبالعياده
هو: لا مدام انام ست ساعات كافيه لستمد منه طاقتي يلا اني اترخص وراح
حسيت غفران بس تريد تطول وياه وهو اجوبته مختصره اله وحتى ما يباوع عليه عكسي اني ياخذ راحته ويطلع مواضيع  هو . حقه لان جمال غفران اخاذ اكيد يخجل يباوع اله واني يعتبرني اخو الصغير😂😂😂😂
غفران : هجورة هذا عباس والله يخبل
اني : اي وطاك 😂😂
غفران : ولج امنين اجيبين هاي الالفاظ شنو معناهه
اني : لا بالة طاك يعني زنكيل وحلو 😎😂
هي:😂😂😂😂😂اي يخبول
سرور: هاولجن بيمن تتحارشن
احنه: هلا هلا صباحو
غفران : بعباس
سرور: اشوه عبالي بأحمد😂😂😂
اني😂😂😂😂لا عفناه الج عيني
سرور : انجبي لج هو لازك الي اصلا
غفران : هههههههه
اني : اي والبارحه لكفتج تقدمين اله من كيكتي الككويه واشون تتماوع وياه😂😂😂
سرور : انجبي انجبي ودارت وجه خجلت من غفران
اني هم ما سكتت هاي فرصتي كتله اي اشوكت العرس
غفران فتحت حلكه
سرور : ولج اش
اني كمت من الطاولة وكولت هههاي عبالج محد حاس بيج لا عيني كوله تدري سرور تحب احمد ويه هاي العبارة دخل أحمد من سوء حظي وحظ سرور يتبع ....