ملاك الرحمة

5

رحنا لغرفتنا وهيفاء ولج كتلني الفضول اول مرة اشوف عباس هيج يضحك والله يخبل
اني اي والله حتى احمد ترة كولش روحه طيبه
.....
الصبح كعدت رحت للمطبخ شفت سرور تسولف وتضحك ويه احمد ههههه وتكول ماكو شي بينا

:سرور والله اشبيك ما غششته ههههه
: تعاي شوفي اختج اتغشش  طالباته
ا : ههههه صدوك سورة
هو:شنو شنو
سرور : اش مااا كالت شي
هو" ههههههه حلووو هذا اللقب يخبل
اني" مو لقب هذا دلع بابا الله يرحمه جان يصيحه سورة
هو" الله يرحمه .

رحت الصبح للدوام اجت حالة ولادة مرة بالعقد الثالث تبين بس شكله مو طبيعي استلمته الدكتور وكالت بعد ع ولادته
امه المرة كالت امروتج لا ترجعينا والله عده ثلاث اصابع توسع وتعبانه من الوجع ليله ما تنامه
الدكتور نترت بالمرة خطيه بعمر امه وما احترمت شيبته
وكالت يلا كومي من السدية وكومته راحت الحامل هي وامه شفته كعدت ع احد السديات تلوج من الالم تكول لامه ماكدر يمه مارجع اني حموت جيبوني هسه امه ضلت تلكف بديه و تكول والله يمه ما بيدي شي والله لو عندي فلوس جان وديتج ع حسابي ..
اني اجيت يمهم ها خاله اشبيه بنتج
هي : والله مثل ما اشوفين دكتورة امروتج ساعدينا عباله طبيبه  اني
انكسر خاطري كتله تعاي ع هاي السديه وفحصته صدك المرة مستحقه ولاده رحت اخذت ابرة اتسهل وتفول اله صدوك ورة اشويه جاهه الطلوك  ووديته لصالة الولاده وصلته بنفسي وردت اروح هي لزمت ايدي وكالت ضلي وياي حبابه انت وجهج خير
كتله مكدر اهنا مو اني اناوب
هي الله يخليج بس اريد امي اهنا تحجي وتتالم كتله والله ممنوع بس انت تولدين بالسلامه واطلعين
هي باوعوت لأمه بنظره ماعرفت شنو معناهه وانوب باوعت الي وكالت لامه يمه ما وصيج بابني علي كالت اله امه يمه شجاج انت اطلعين وادراين جهالج
وضلت اتباوع النا الى ان دخلت
اني رجعت للمرضى البقية وبعد ساعه اذكرته مادري ليش شكله انطبع بالي ورحت اركض لردهه الولادة شفت امه لازمه كماط ومحضره  شغلات بته واكفه تنتظر بته اني استغربت صار اله ساعه من دخلت وهي مفوله وجاهزة بربع ساعه تجيب راس الطفل طالع من وديته .  رجعت لشغلي واني افتر بالردهات اسمع صوت نياح رحت اركض  ع صوت لانه صوت العجوز ام المرة تلطم والممرضات حوله يمه بتي يمه بتي اني سالت اشبيه المرة وحده جاوبت كالت توفاة بته اثناء الولادة اني انصدمت المرة من وديته ما بيه شي خطر وجاهزة للولاده رحت ركض ما مصدكه شفتهم مغطين وجه وويردون يحولوهه رحت ضليت اتسال كالو ارتفع ضغطه وماتت؟؟؟
وكفت حارنه واذكر نظراته لامه والي اجت اسيل صديقتي هم ممرضه كالت ولج والله هاي الدكتور وفاء كتلته اني باوعت اله بستفسار 
وهي كملت كالت ولج المرة جاهزة وهي رجعته تلوج لغرفه الطلوك وبعده كولش تخربطت وارتفع ظغطه وتوفت اني صدك انهاريت رحت ركض ادور ع هاي وفاء كدام المرضى والممرضات
"انت كتلتيه راح اشتكي عليج واجيب حقه وجه وفاء صار ينطي الوان وضلت تصيح عليه وتتهم بيه اني عفته وطلعت منهارة وابجي لان الكل وكف وياهه ولا واحد عنده انسانية نصفني و صورة المرة ماتغيب عني وخاصه من ترجتني ادخل اوف لو داخله وياه اني السبب لو مولدته اني جان هسه هي حاظنه طفله وضليت ابجي سمعت موبايلي يدك فتحت خط حتى مشفت منو المتصل جان صوت خالتي هايمه اشوكت تجين ؟،
اني خاله كتلوهه للمرة
خاله انفزعت كالت اسم الله يمه اشبيج
واني ابجيي بصوت وبحركه وهي ع الخط وكالت يمه  انت وين
كتله يعني وين بجهنم اني بالمستشفى
و سديت الخط وضليت كاعده بالممر ونوح مادري اشبيه مليت من الحياة  بالعراق الانسانية انعدمت لا من مسؤؤل سياسي ولامن الدكاترة ماكو رحمه حسيت بضييق بالنفس والجاي والرايح يتفرج عليه
مادري اشكد مر الوقت واحس واحد حط ايده ع متني وكال هاجر اشبيج صوته بيه خوف فضيع
اني درت وجهي وجان اشوف عباس ما  كمت و بعلوو صوتي كتله  اشبيه ها انتم كاعدين وتركصون ع اوجاع الناس اشبيه وودموعي غركانات وهو ضل يتلفت الناس ضلت تباوع علينا
هو : هاجر!!
اني :موتونا  عود انتم اهل الانسانية ماعدكم ذره رحمه وعفته ركضت لغرفه الممرضات لكفت عباتي وطلعت من المستشفى وهو ورايه يمشي بسرعته كله
" يلا هاجر تعاي
واشر على سيارته
اني عفته ومشيت ما سمعت كلامه كنت بحالة يرثى لها ما إطايقه أي طبيب
ضل يمشي خلفي بصبر..
غوشن اعيوني على نظري كعدت على الرصيف.. 
وكف عباس واهنا نفذ صبرة لزمه من ذراعه وسحبه ..   وصعده بالسياره...
ما كنت احكي ولا هو نزلنا من السيارة
بمطنقه اول مرة اشوفه وكف يمي واشر بيده للامام ومشيت كدامه وهو خلفي 
وكفت بزهق
" وين جايبني رحمه للعباس عوفني عوفني
"اضاهر لهسه ما هديتي
حسيت رجليه ما شايلاتني ردت اكعد على الرصيف
هو سحبني
و دخلني للعمارة ومن دخلنا ترك يدي الان اكو ناس .. اشرلي ع المصعد واني وراه امشي صعدنا للطابق الثالث نزلنا واني الدنيا تفتر بيه ومختنكه عيوني جانت مغوشه ماركزت بالمكان بس هو كأنه عياده!!
دخلنا لغرفه جنه مكتب وبيه باب فتحه هم بيه مكتب جبير حيل ومن الاجهزة والأثاث عرفته غرفة عيادة طبيب جان الطابق خالي من البشر كانت الساعه حوالي ب 1 الضهر ... كعدني ع احد المقاعد وكعد كبالي صافن وحاط ايده ع خده بطريقه رجولية ... ما سأل ولا نطق بشي الى ان شافني سكتت
عباس : ها هاجر هسه تكدرين اشرحين الي مشكلتج؟؟
اني: مابي شي!! ليش جبتني اهنا؟؟

هو:ماحبيت والدتي اتشوفج بهذا المنظر استرخي واهدي الا نروح ..
اني:: هديت يلا حباب خل نروح
هو: قبل لا اعرف اشبيج واطمن ماكو طلعه منا .
سكتت
" زين ليش جنتي تلومين بيه وليش كاعده بالممر شنو الي صار
"هاي عيادتك اجهالت أسألته بسؤال  !!
هو: اي
" واشكد تاخذ كشفيه؟؟؟؟
" بستغراب 15 الف
" وبالمستشفى العام اشكد تاخذ من المرضى ؟؟

رجع للكرسي لورة وضل يفرك بلحيتيه من يم فكه السفلي اخذ نفس من سؤالي الغريب وكال: ما اخذ اجر راتب من الدولة
اني: ادري بس الرشوة مالتك شكد الا تسهل امورهم؟؟
هو: شنو ؟؟؟؟؟؟؟
اني : يلا وديني للبيت
هو : هاجر!
ما جاوبت

هو: هاجر!!!!!!!!

اني اخذت نفس واذكرت اشون وفاء الطبيبه ذبت التهمه عليه لان انطيت ابرة وبررت المريضه مو موعد ولادته جائز كلامه صحيح بس راس الطفل كان يطلع ويدخل وماي الراس ع وشك الانتهاء يعني ولادته لازم اليوم وهاي الحاله عاديه دوم ننطي ابر تسريع مو اول حالة وفاة اشهده بس مادري ليش احساسي احنه سرعنة بموته و وصيته لأمه ونظراته النا بترجي وودااع اجت ع بالي ورجعت لنفس الحاله مال البجي والنواح ما حس غير ايد حنونه تمسح دموعي بكلنس باوعت لكيت عباس كاعد ع ركبه يمي متقرب وايده تمسح بدموعي الي مثل النهر
هو:: اترجاج كاافي هاجر دموعج ماتهون  عليه
ما سكتت
هو:: لا تكولين اشبيج ولا تحجين بس اهدي لخاطري!!!!!
كلماته كانت تطلع من قلبة بصوت مليئ بالحنان واللطف هداني اشويه من كال
:هاجر اعرفج اقوة من هيج يلا امسحي هاي الدموع وخل نطلع منا
وانطاني كلنس مسحته اشرلي  وكال ادخلي للحمام غسلي وجهج دخلت وباوعت بالمرايه شفت وجهي يخرع وربي يخرع صاير خريطه وجهي شاحب وانتبهت حتى انفي يسيل من المخاط ... خرب هذا الوجه غير ملائم ل لطف عباس غسلت وطلعت هو من شافني انطاني منشفه صغيره بيضه نشفت وطلعنا ما صعدنا بسيارته ضلينا تنمشى وهو ساكت دخلني الى كوفي شوب مدري مطعم مدري جنه المكان عمري ما احلم ادخله اساسا مكان عيادته كوله فخم المنطقه تخبل ومحلاته كشخه .. جرلي الكرسي وكعدني وكعد.كبالي يباوع بوجهي الحسن خرب دير وجهك لخاطر الله وجهي مال حرك واني واسنوني
اجه النادل مدري الصبي ماعرف انتم شنو اصيحوه اخذ الطلبات وراح
عباس: ها هسه اشونج صوت جان عذب واهتمامه كولش اثر بيه الصراحه محد يحاجيني هيج من أسلوبه اللطيفه مادري ليش رجعتلي نوبة البكاء الغير مبرر بنسبة لعباس .  كمت ابجي بدون صوت وانطي دفعات بصوتي مثل الموبايل الرجاج من يدك وهو سايلنت

هو : ها هجورة رجعنا
اني ؛::م م ممم مكدر مو بيدي اريد اسكت مكدر ..
هو: لا اسكتين طلعي كل الي جواج هجورة
اني ::لا لا ماريد افضحك
اهنا اجه الولد حط الطلبات كان طالب الي عصير ليمون . من راح الولد
كال اشربي هجورة
اني :" لا م م مم ماريد مشتهي
هو : لخاطر عباس اشربي
اني بكلبي  خنب لخاطر عباس اشرب شط العرب بحاله
صدوك عود كوة جبرت نفسي على ان اخذ رشفه واحده منه اوك رشفه واحد صدك شلته جان كلاص حجمه شكبره وبيه كصبه اخذت منه رشفه والله اشو الرشفه صارت شفطه هنوب الكصبه بعد متسحب الشويه البقت اني طلعت الكعصبه ذبيته وصكيت الكلاص صك . نسيت هناك عيون رقيقه تتابعيني مندهشه