ملاك الرحمة

7

ثاني يوم كعدت ع صياح سرور على نور حتى تكوم تنظف كان يوم جمعة وعطله عدهم نسيت اذكر سرور باشرت بالدوام بمدرسة أهلية ...
سرور: ولج كووومي كافي نوم فشلتينا
نور: والله تعبانه 😥😥😥
كامت وادردم مثل العجوز..
اني محد اجه يمي ولا كعدوني طلعن وسدن الباب عبالهن بعدني نايمه
بعد ساعه اني كمت غسلت وجهي ونزلت لكيت منظر يموت ضحك اشوفلك احمد مصرفن بجامته وصاعد ع السكله وبيده منفضه  الغبار وينضف السكف من العناكب وحسين هم مصرفن ويمسح بالثريات وسرور تنضف الجام ونور كاعده وعود تمسح السيراميك وشكلهم يموت ضحك 😂😂😂
اني صبحت عليهم من شافوني كولهم انتبهو عليه ردوا واجت هيفاء من ورايه وكالت
هيفاء: هلا بالكمر تعاي قلب ؛ عبوسي جايب كيمر عرب يخبل تعاي اكلي منه يحبي وجرتني وكعدتني ع احد الكراسي ضليت صافنه ع المطبخ متنعثر تنعثر كوله مواد تنضيف وحازم ينضف بالشافطة وهيفاء جانت تجلف بالسيراميك
اني:  شنو يوم التنضيف العالمي عدكم؟ ؟
هي : اي ههههههه
كتله وين غفران
كالت : هي وعباس يغسلون السجاد  😏 كالته بغيره
: عاا ليش ما يدوه للغسل
: خالتج ما تقبل
: بس حلوة كولهم يساعدون
: اي خاله معودتهم من صغرهم هيج حتى من جانت نرجس موجوده
: اها خوش والله
تريكت وسط الفوضى وكمت طلعت للكراج شفت عباس شايل الزولية وحطه ع صفحه تذب مايه وغفران واكفه تفرش بالثانيه تحضره للغسل طبعا عدهم ادوات غسل كامله حالهم حال محلات الغسل .
اني تقربت كعدت ع المرجوحه جوة يم المشجر وضليت اتمرجح
شافتني غفران
غفران :: اهااا هجورة كعدتي ؟
: لا بعدني بالفراش
: صباح الخير
اني بخجل
:صباح النور
ورجعوا كملو غسل مدري شصار بينهم جنت ما منتبه الهم .. واشوفهم ميتين ضحك
غفران : ههههههههههه صدك ضحكتني
عباس : والله مادري سبحان الله
خنب ع شنو يحجون ؟؟؟😑😑😑
غفران: يلا رايحة بس حباب مو تعيده ههههههه ترة خرعتني راحت ورة اشويه رجعت وبيده علبت منظف
هو :ها جبتي
هي : تفضل . 
وضلو ينظفون طلعت خالتي للحديقة شافتهم سوة يغسلون ومندمجين أبتسمت ورجعت دخلت
ورة اشوية ازحلكت غفران وردات توكع ابسرعه اتقرب عليه عباس راد يلزمه هو زلك ووكع اشكبر اتخيلو رجال مشورب ويوكع اني مادري اشبيه من شفت المنظر طكيت من الضحك بصوووت
وغفران هم ضحكت بس ابسرعه سكتت وكام وهو خربان ضحك ع روحه ههههههههههه باوعلي شافني ميته ضحك اني خجلت من نفسي وسديت حلكي اكيد طالعه اخرع
هو مدري شكال بهمس لغفران وهي طكت ضحك عليه وهو هم ضحك اني سكتت وضلو عيني مدري شنو يحجون جانو بعيدين عليه وصوت مطور الغسل عالي ما اسمعهم حيل ونسوني عيني راحوا بعالم ثاني ..
مادري ليش ضجت بس اكيد لان عباس اخذ اهتمام غفران مني وغرت عليه منه  الان اخذ اختي مني
رجعت للمطبخ كولت خل اساعد ما قبلت هيفاء طردتني رحت للهول وجان الكف سرور واحمد يتهامسون عيني مو بيت خاله هذا صار بيت الحبجيه صعدت لغرفتي لكيت نور شارده منهم ولازمه فونه وتتمضحك تقربت عليه من وره وجان اشوفه تحجي مع شاب ع الماسنجر
اني:: مديت راسي بوشوشه شنو دا اتسوين🤔🤔
هي اخترعت
"ييييييمه ولج فززتيني
اني : ولج منو هذا ايمن
ردت بتلعثم
" زميلي
اني: زميلج اشعنده بالخاص
هي: هيج دا يريد يسالني عن محاضره واخذتنا السوالف
اني : بعدم اقتناع هااا وعوجت حلكي وكلت لن يتزوجكي ورحت
هي
' انجبي ام البواجي
اني  باوعت اله صفح ورحت تعير بيه الان البارحه اجيتهم غركانه بدموعي...
الضهر اني كاعده ع النت صاحوني ع الغده نزلت لكيتهم مخلصين تنضيف وكاعدين يردون ياكلون خاله وحسين والبنات اني كعدت يم هيفاء انوب اجه احمد وراه حازم وعباس كعدو جان الاكل جاهز الان مملحكين يطبخون
احمد: اي اشونه اليوم ملاك الرحمة
اني ولا منتبه عليه صافنه ع صحني وشارده
هو:: بهمس مع عباس اضاهر بعده مستويه عمي هاي مو شكول تمريض وحالات
عباس هو ويكل
  "اش
 
هيفاء : ههههههههه صدك البارحه هاجر وكعت من السرير مرتين
خاله: يااا سوده عليه
غفران : يا هعههههه هاي لان تنامن سوة
نور: اي وكلساع اسمع دبة اختي اتكسرت من وره هاي هيفاء نومه عبث
حسين وحازم ؛ ههههههههههههههه
هيفاء باوعت بحقد اخر شي تتمنى عباس يسمعه هو هذا
هذا كلة واني ما منتبه الهم شارده البال
فجاء سمعت أحد يكولي هجورة اكلي ترة اتصير عندج مضاعفات
اني: انتبهت عليه وبديت اكل من صحني جان دجاج شوي
هو: طبعا اقصد عباس ؛
: انطيني اوراقج راح احولج ع المستوصف التابع للحي اهنا هم قريب وهم مو متعب
اني : كتله صدددددك
هو: اي
اني فرحت حيل لان جنت مقررة استقيل عن الدوام كرهت المشافي
بس هو فرحني
اني: بس اشون اني اشكد ردت بس مكدرت حتى بغداد
هو : ما عليج خليه عليه
اني : تتوسط الي مو ؟؟؟
هو : استغرب من لهجت كلامي
كلت شكرا الك .. الحمدلله شبعت
وكمت اصلا مكلت شي
أحمد  : هاي البنية راح تخبلني الناس تتمنى الواسطة وهي ضاجت
سرور : اختي عايشه بغير دنيا وطيبة حيل
هيفاء عكت بالكلام  من كالت
"بت اخره هاي مو بت دنيا
خالتي: يمة اسم الله عليه اسكتو كافي ..

عباس ما نطق شي بس الانزعاج بان ع وجهه لان عرف هاجر حساسه حيل وتمر بمرحله صعبة يمكن تبالغ بس هو لازم يسترد  ثقته مايعرف ليش هو اصلا مهتم كلش وياهه ...