ملاك الرحمة

9

خالة جرت نور من ايده وراحت لغرفته (غرفة خالة)
" هايمة شنو هذا الحجي الي سمعتة ؟؟
"والله خالة ما مسوية شي غلط
"لعد؟؟؟
" الخط اليوم ما اجة علينا وزميل النا وصلنا اني واربع بنات لبيوتنا
" اها
" اي والله خالة
دخل حسين بدون أذن
حسين : يمة شفته كاعدة بالصدر وية هذا الساقط وتتمضحك صدك ردت اكتله أبن القندرة ماخذ راحته
"بتهجم " لا خاله والله مووصح
الام جرت حسين وطلعته لغرفته الي هي بصف غرفته ومااعرف شنو حاجته وطلعت
...

بعده رجعت لنور

ام عباس:: يمة نور روحي لغرفتج وانسي الي صار واذا تكرر وياج هذا الموقف خابريني واني ادزلج واحد من الولد ياخذج لا تجين ويه الغرب يمة
" اشمعنا يعني اني اجي ويه سايق اشو ماتكولون شي
"بنتي روحي لغرفتج اعصابج تلفانه هسه ..

نور راحت وهي تذمر

ومن هذا الموقف ضلو نور وحسين مثل توم وجيري ودائما على خلاف على أبسط الامور ....

...... دا انضف بالبيت جان يوم جمعة ومحد بالبيت خواتي راحن لبيت ام جاسم خالتي ووصلهم حازم واحمد نايم وحسين مدري وينه المهم اني مارحت لأن اريد العصر خالتي تأخذني ونزور شريفه عليها السلام هي تروح مع صديقاتها واني لطشت روحي وياه احب الزيارات ....

اكو ممر ماعرف شنو تسموه كلدورة او منور مثل الصاله الصغيره تفصل بين الاستقبال وغرفة المعيشه يعني البيبان تطل منه وباب الكلدورة هم يطل منه هذا تارسي تحفيات كبار و موبيليات انتيكة تخبل دا امسح بيه واسمع خالتي تسولف بالأستقبال مع واحد
" ولك يمة البنية لقطة تخبل اخاف منا من كلبك يحن عليه و توافق البنية اطير من نصيبك
"الله يوفقه
عرفته عباس من صوته بس خالتي ع منو تقصد ع هيفاء 🤔 لو غفران لو وحده غير معلومة؟؟؟
هي: يا يمة اريد افرح بيك وهي كلشي ما ناقصه وانت هم جاهز
: يمة رجاءا هذا الموضوع ما تملين منه
: لا ما مل طول ما اني بيه نفس انت كبرت يمة الي بعمرك جهالهم بطولهم !!
: يمة الله يخليج من تستطرق الفكرة براسي اني اجي واطلب منج أساعديني هسه عندي الف شغلة بالي
: الى ان يجي ذاك اليوم لني ميته يا يمة
: الله يطول بعمرج يمة ..

اني كمت اتفه بالمسح حتى اسمع اكثر بلكي اعرف منو المقصودة الفضول غريزة متواجده بأي أنثى وغزتني بهذاك الوقت .. 😊
سكتوا ورة اشوية امه قطعت الصمت : زين يمة بس احجزه الك
: لا يمة
: ليش
: ماريد امله بشي وهم اقطع بنصيبه
: يعني انت تضحك عليه مانوي اصلا تفكر بالموضوع
: هو يمة هي صدك خوش ابنيه بس لو تكون اخر وحده ما فكر بيه !!!!!!!!!
هي: يا ليش
هو : لأسباب بالي يمة لا اظغطين علية ..
هي : خوش راح اسكت بس خليه بالك راح اضل طول عمري قلقة عليك ...
حسيت صوته وصل يمي يعني هي وواكفه تحجي كبل رحت للصالة ....
ماعرف ليش كلامهم شغل بالي ومنو هاي الي خالة تريده وهو ما راغب بيه بس لا اني
بس هي كالت جمال اني لا يمكن اكون مقصودة بهاي النقطه بس خاله حبابه اجوز اني بنظره اخبل ؛ خرب يارب ما اطلع اني . اساسا اني هم ماريد هو مثل اخي الكبير الله عوضني بيهم ...
جائز هيفاء يبووو هاي طفلة وعقليته فارغة اكيد هي لان هي حلوة وتلح ع خالتي تختطبه لعباس من دون اخوته؟؟
ضليت اني بحيرة من امري ومر شهر شهرين ثلاثه وعلاقة عباس بغفران رسمية وهي كولش معجبة بيه بس هو ابد مو يمة الى أن اجه هذا اليوم علينا جنا كولنا كاعدات كل وحده لازمه موبايله ومكنكه فجاء دك موبايل غفرااان
طفرت ::بنات هذا عباس يتصل بيه؟؟؟!!!!!!!!
اني فرحت كتله ردي ردي ابسرعه
وكولنا وكفنا نصنت
هو: مرحبا غفران
هي ؛:مرااحب بنبرة صوته الي ذوب الحجر
هو : اريدج بموضوع اذا اجي ب 11 اليوم كاعده؟؟
احنه كلنا صفناااااا
هي: اي اني اسهر اصلا خير؟؟
هو: هسه مشغول من اجي اخبرج
هي: ع راحتك
مع السلامه
الله وياك
كمزت سرور بعد ثلاث ساعات ع الموعد زين انلحك نلطخج عدل
يتبع