ملاك الرحمة

13

ضليت واكفه بمكاني طبعا انتم عرفتم شخصيتي واشكد حساسة وخاصه من يتعلق الامر بشكلي ..ومن سمعت كلام حازم انصدمت اكثر عبالي عائلتي
اتشوفني  حلوة من خلال عشرتهم الي اثاري الشكل اهم من كل شي ...
رحت ابسرعه اعتقد خاله وحازم ما لاحظوني طلعت حتى ما تريكت ضليت اتمشى طريق المستوصف 10 دقايق
دموعي بعيوني وضجت من نفسي هسه اني شعلية تقارنوني 😥😥😥
كملت دوام ومزاجي متعكر دا امشي وفجاء توكف سيارة يمي عزه هذا عباس اشعنده هيج وقت هو بالدوام !!!!!
فتح الجامه واشر بمعنى تعاي  اني رحت كعدت يمه
" السلام عليكم !!!!! ونظرات التعجب
" وعليكم السلآم هجورة  أشونج ؟
"بخير!!
هو انطلق ونزلنا يم مطعم كوووولش رااقي عمري ما شايفه منه بالحقيقة ....دخلنا
اول ما وصلنا سحب الي هو كرسي  واني كعدت مثل النبيلات والطبقات الراقية الي بالتلفزيون  اشوفه ؛ للحظه اتخيلت نفسي أمراة  من طبقة مخملية مثل الي برويات عبير  وعباس اللورد فارس أحلامي وأني أخبل واكعد أدلل عليه .... صوت عباس صحاني من أحلام اليقظه ..
" ها هاجر وين سرحتي
" هاا وياك
"انطاني نظرة دا ع عدم الأقتناع وكال الحلوة يوم شنو تريد تتغدة
"اميلي حلوة 😏
"لا تستقلين بروحج أبد مهما سمعتي ومهما كانت نظرة الغير عليج خلي الج نظرة خاصة بنفسج انت شنو أشوفين نفسج؟؟
"ماعرف عادية
"أذن حاولي ثقين بفنسج انت تشوفين نفسج عادية غيرج يحسج تمتلكين صفات محد.يمتلكه ويمكن أجمل مخلوق وغيره يحسج العكس وهكذا الاراء تتضارب اهم شي انت تكونين واثقة من ذاتج .....
" ضليت فاتحه حلكي ومفتونة بكلامة وبطريقته بالكلام فعلا أنسان راقي ومعرفت شنو ارد طبعا فهمت كلااامه شنو معنى وليش اليوم اجة أخذني اكيد حاس بالشفقة علية ويمكن ضميره يأنبة الأن سمعت أخوه ...... وهو أنسان طيب ...
طلبنا الغدة وطول الكعده هو يفتح مواضيع ومواقف ضريفة وصاارت ويضحك من كلبه واني مكدرت حتى أبتسم ماعرف ليش كنت ضايجة حيل وانكسر خاطري على روحي حسيت اني مختلفه عنهم لهذا عباس مهتم بمشاعري وعزمني ؛ بعدين فجاءة كمت اتامل عباس ما شاء الله زينت الشباب هنوب من يحجي يزداد وسامة ومهيوووب بشكل فجاء توقف عن الكلام والابتسامة اختفت نهائيا ونظراته توجهت ع الطاولة المقابلة اني درت وجهي اريد اشوف وين يباوع .. شفته مرة وياهه يمكن زوجه وأثنين اطفال كانت رجعت باوعت ع عباس بعده اشو يباوع الهم كتله: اي دكتور كمل
هو ولا يمي باله ونظره كله ع المرة ... رجعت درت وجهي اريد اشوف شنو ليش يباوع عليه اشبيه هي .. جانت سافرة من غير حجاب شعره مصبوغ اشقر فاتح وبيضة ورشيقه وكيوت حيل لبسه وعيونة خضر تنطي شبة كبير الى اختي غفرااان !!!! رجعت باوعت اله لكيته مدنك راسه ع الاكل بس ما ياكل فجاء سمعت صوته وحده تكول مرحبا عباس اشلونك ؟؟؟
وجان تطلع المرة الشقره
" اها اهلا تيسير اشلونج ..حسيت كوة طلع الكلامه منه
هي بخير سمعت صرت دكتور شاطر ومشهور
"الحمدلله
"تستاهل  كل خير عن اذنك ..
وراحت كعدت ضجت اشو اجاهلتني شنو رجل كرسي انا
ورجعت كعدت باوعت الرجال الي وياهه مجان كاعد وبعدين شفته رجع اضاهر من راح للمغاسل أستغلت الفرصه واجت سلمت ام السحورة ...
اني كبل باوعت عليه كتله يلا خلصت
هو ولايمي وضل كاعد بمكانة
واني بس اريد اطلع الى ان افاق من شروده هاي بعد نص ساعه كمنا ورحناا للعياده ... كان يوم الاثنين يوم العمل المجاني .. كانت العيادة مزدحمة بشكل فضيييع بحيث صاارت الساعه ب٩ونص بالليل وهي مليانه مرضى الله يشفيهم .
اني جبت فنجان القوه طبعا الة صانعة القهوة موجودة بمكتب عباس يعني بس اصبه وأقدمه اله
: كافي رجاءا انت تردين تموتيني
: لعد شنو اسوي اشو شكلك نعسان
: والله حيل مرهق وانت موتيني هذا سابع فنجان اشربه
: حتى اصحصح
هو بيش الساعه
: ب 11 صاارت
: اها بعد كم مريض برة
كتله مدري سأل امير
ضغط ع زر يمه  واجه امير
"كم مريض بقى
" 8 دكتور
: يلا دخل واحد
وراح امير
دخل اخر مريض للطبيب واني طلعت برة يم امير
: ها بشري خو ما توفى الدكتور
كاله وهو يضحك
" عااااا اسم الله بس صدوك تعب
هو: شنو تعب لو بمكانه اني انتحر شنو هالاقبال اليوم مو طبيعي استلك الطبيب
" ههههههههههههه الله يعينه ويأجره على تعبة
هو: والله كله منج ان وجه البلاوي وضحك (قصده هي صاحبة فكره اليومي المجاني)
" هههههههه هههههههههه
"لا وانوب اني اجت اليوم خالتي لان سمعت مني ياخذ مجاني
" شنوووو يا وهو عرفه
"لا والله غلست😂😂 يمعوده اسمنه استحي منه ولا دكتوركم نازك شيكول من يعرف هاي خالتي
اني شكد جنت ضايجه من احداث اليوم
يتبع