ملاك الرحمة

14

بس كلام أمير موتني ضحك حتى طلع المريض من العياده وما انتبهت اله
جنت ميته ضحك
وجان أحس صوت عباس صاح عليه بطريقة نهر ونتر ..
اني رأسا  درت وجهي شفته واكف يم الباب ونظراته تموت تجدح نار ماعرف اشبيه وكلي تعاي اريدج جوة
" حاضر دكتور ودخلت وراه
"  كم مرة ضغظ ع زر ورن جرس وما اجيتي
" هاا والله مسمعت
" طبعا اذا حضرت جانبك شابعه ضحك  برة اشون راح اسمعين .جانت نبرة صوته وطريقة كلامه اول مرة اشهده
حتى خفت أرد عليه اكتفيت بالصمت ودنكت راسي
"كمل رجاءا هاجر القبلج طردته لقلة حيائهة ماريد سالفه الضحك والسوالف مع امير هاي تتكرر مفهوم  ..
" ردت ابرر ....
ما انطاني مجال وكمل عليه من كال وبعدين انت طول اليوم نحاول نطلع حضرت جانبج من مود الانزعاج وماكدرنا اضاهر مع امير مودج يتحسن !!!!!

اني ضليت واكفة ومصدومة عزة هذا شنو دا يكول .... والله اني ارتاح لامير وابصراحه نسيت اني عود انثى ولازم اخذ حذر اشو كله تعتبرني اخت ..

ما حجيت شي وطلعت نزعت الصدريه البيضه ولبست عباتي وجنطتي ورحت وهو واجه ورايه وامير بقى يقفل العياده ويطلع جانت الساعه يمكن ب 12 بالليل صعدت بالسيارة بس بالمقعد الوراني الان بصراحه غركت بدموعي وماردته يشوفني ..
" هاي وين تعاي اهنا كاله بصيغة أمر 
"مارديت اصلا جنت ميته من البجي
"هاجر!!!!
مارديت
"لا حول ولا قوة الا بالله العلي العظيم  .. وساق السيارة وصلنا ابسرعه نزلت وهو ورايه .. هو: تعاي ليش هالتصرافات الصبيانية
اني بكلبي الله يخليك.كافي وما حجيت وردت اروح لغرفتي 
" هاجر رجاءا لا تتصرفين مثل الاطفال اعتقدتج واعية اكثر انت بنت خالتي المفروض تتصرفين ع الحساب لانج عرضي لهذا عصبت عليج ..
خرب هذا دا يبرر لنفسه لو دا يزيد الطين بله .
" بعد مكدرت اتحمل أكثر كتله بصوتي الباكي
الله يخليك دكتور شنو اني شنو سويت وليش هذا الكلام لاني وحده مو زينه ولا اني طفلة حتى تصيح عليه وحتى امير سمع صياحك عليه بالعياده وكمت ابجي واشهك وعفته صافن عليه ورحت لغرفتي ركض  ذبيت نفسي ع الفراش وضليت ابجي من هديت رحت سبحت ولبست دشداشه كشمير جان صيف رحت لغرفه سرور هم ماهي وحتى نور توقعت طالعات مع الحب .  رجعت لغرفتي بعدين قريت الرسائل النصية  . شفت نور دازه مسج
"رساله نور .. "حب حب ليش ماتردين احنه طالعين كولنا لكربلاء انتم اضاهر تتأخرون عود ردنا ناخذكم ويانا وها صدك يمكن نتاخر نص الليل الا نرجع وحتى خالتو ويانا ... عرفت كولهم طالعين ومحد بالبيت بس اني وعباس .
لبست شالي حطيته ع راسي ردت اطلع اكل شي متت جوع  واني غده ما كلت بالمطعم فجاء دقت بابي .. 
: هاجر  ممكن دقيقة اريد احجي
مارديت واستغربت
: اعرف بيج كاعده تره ....
اني عدلت شالي وردت اطلع اشوفه شنو يريد فجاء هو فتح الباب ودخل قبل لا اني اكوم كبل وكفت من شفته دخل هيج ..
"هاجر خو مابعدج تبجين  ..
"سكتت ودنكت اذكرت اشون جان يصيح عليه اول مرة اشوفه هيج ..
" والله اسفه هجورة ضغط العمل كله طلعته بيج اعذريني ..
" لا عادي اني اعتبرك مثل أخي الجبير . كبر طمني ابسرعه سامحته . لا وانوب كتله اخوية

: اعرفج بنت أصول وطيبة جدا ... شكرا هجورة ..
اهنا سمعت صوت جنه صوت نور مدري سرور ما متاكده اصواتهن تتشابه حيل تكول :كافي موتتني لو ادري صاعده مع حازم وخاله وما جايه وياك
:حبابه بس وحده وداعية
هي وخر حباب اخاف احد يشوفنه خل اروح لغرفتي
اني اهنا كمت ارجف عرفت وحده من خواتي اجت (ملاحظه كولهم عدهم سيارات وكلهم راحو بسيارتهم حازم اخذ امه و احمد خطيبته و نور مع حسين وهنا وصلوا سرور واحمد وهاجر عباله نور الي اجت وهي تنام وياهه بنفس الغرفه كامت تبلعم وترجف خافت اتشوف عباس وياهه بالغرفه شتكول عليه  وشسوي وياه بهاي الساعه بغرفته نوووومه !!!!) هاجر فقدت جرت ايد عباس وضلت حاطه الرجال وتفرفر بيه وتكول وين اضمك خنب شتكول عليه هسه اذا شافتك خنب خنب ها خل احطك بالكنتور فتحت الخزانه شافته اصغيره
وهو ما شاء الله اشطوله واشضخمه وهو ضال صافن عليه وامسلم نفسه وشبح ابتسامة ضهرت على وجهه من تصرفات هاجر البريئة

: وين احطك ياربي وين ها جوة السرير ونست انو كف ايده الصغير يحتظنه كف عباس الكبير الرجولي والدافي ..
: لا مو اهنا اخاف تطلع رجليك انت شطولك
: هههه بصوت ناصي
: اش اش
اهنا احمد بعده يحاول يسرق قبلة من محبوبتة وخطيبته سرور الي هي غرفته بصف غرفة هاجر وهي توخر بيه

احمد
: سرور لخاطري ...

اهنا هاجر هدت عرفته مو نور ومراح تدخل عليه
سرور
"ما روح يلا نام

وما تحس سرور غير على احمد هاجم عليه بقبلة هائم ولهااان واهنا صارت هاجر حمرة من سمعت صوت امتطاق الشفاه ودنكت وعباس احب خجلة وهو هم خجل الان الي بره اخو واخته بس ضل يباوع ع هاجر اجت توكع من الخجل ودارت وجهه هنوب كالت سرور حبيبي يلا خل اروح اخاف يجي احد
:بصوت ذايب لا حبي شفت ماكو غير سيارة عباس برة وهسه نايم بسابع نومه
مايدري الاخ اخوه كولشي سمع 😂😂😂😂😂
وهم رجع يقبل خطيبته بحب ..  سرور كافي كافي اخ
هاجر: بهمس بكل براءة عزه شنو دا يظربه ليش؟
اهنا عباس بعد ماكدر هههه هههه وردا يكمل ضحكته الشهيره الي الكل  يعرفه وهي يسمعه ساااابع جاااار كبل كمزت هاجر من مكانه وسد حلكة طبعا هي صعدت ع رجلي وبطراف رجليه ورافعه اديه الا كدرت توصل لحلكه وسده خافت تنفضح وهو صار احمر اختنك الرجال يريد يضحك اشون حتى دمع بعد اكثر راد يضحك  من منظره وهي يكلك تتسلق جبال .. يتبع