ملاك الرحمة

11

عباس صورته الفوووك

ب3 الضهر اجه عباس اتغدة وغير ملابسة واني جهزت روحي وانطلقا سوة للعياده طبعا اني مو اول مرة اصعد وياه عادي دوم يوصلني وعلاقتي بي مثل علاقه أي اخت صغيره بأخوهه مابيه تكلفه من جهته اما من جهتي لا كنت حذره لانه اكبر مني ...

وصلنا لمنطقة مليئة بالمباني الفخمة والعمارات ماليته لافتات واسماء الاطباء .. اول ما دخلنا للعمارة حسيت نفسي داخلته من قبل! صعدنا للطابق الثالث دخلنا لصاله الانتظار كانت مليئة بالناس شكل الكراسي وترتيبهم ذكرني بمدرجات الملعب . كانت كبيرة بشكل واكو كراسي فارغات يم باب غرفة الطبيب اكو مكتب صغير وكاعد عليه شاب يطلع من عمري او اكبر بشويه من دخل عباس سلم والكل رد والموظف استقبله بأبتسامه
عباس:: اشونك اموري
امير السكرتير : اهلا دكتور بخير
: اعرفك على مساعدتي الجديدة هاجر
: اهلا وسهلا
دخلنا الى غرفه بيه مكتب صغير ونازك وبيه بابين باب كال هال تواليت الج وهم زرقين بيه ابر للمريضات ان أستوجب . والباب الثاني فتحه يطل الى غرفته هو
كانت جميله بشكل يعني المريض اذا يدخل اله يصحى بمجرد التمعن بيه
: وهاي عيادتي المتواضعه 
ولف ايده حوله يأشر عليه
: كولش حلوة دل على رقي صاحبة
: هاجر
: نعم دكتور
: احتاجج اكثر شي مع المريضات وانشالله يكون العمل معي سلسل ومو متعب
كتله: لا تخاف دكتور اني متعوده ترة ..

مرت أيام واني كولش مرتاحه بعملي الجديد كل يوم يجي عباس من الدوام يصلي ويتغده ونورح للعياده العصر ..

كنت كاعده بمكتبي وعباس عند حاله فجاءة

اسمع صوت مرة تتوسل وتترجى ب امير وهو يكول اله اتعذريني هاي القوانين مو بيدي

هي ضلت تتوسل وامير يجاوب بنفس الجواب
اني متحملت كمت من مكتبي ورحت ع أمير افهم السالفه لكيت مرة تطلع بالعقد الرابع من عمره و وياه ولد يطلع ب 12 عام عمره ح شكلهم يوضح حالتهم الماديه حتى وجوهم محتركه ومصبغه من الشمس وعباته تلفانه يكلك صارله عمر عده

المرة : فدوة اوليدي والله بيتنا بعيد وتعنينا اهنا لان خوش دكتور ماعندي والله هي 20 عشره كشفه والثانيه بالكت تكفي علاج
اني صفنت يا علاج هو اقل علاج او وصفه تصير ب 30 الف
امير غلس بعد ما يجاوب عليه واجو مراجعين غيره يسجلون طبعا كانت العياده مزدحمه بشكل رغم وسع المكان وكثره المقاعد الا أن اكو ناس واكفين المرة عافت امير والدمعه بعينه لان اجاهله اني متحملت رحت عليه سالته
هي ما صدكت عباله هم طبيبه الان لابسه مريلة بيضه فوك ملابسي
كالت : والله ماعندي وابني حالته فد مرة يخاله
كتله بسيطه رحت طلعت من جنطتي 25 ورجعت اله حطيته بيده وكتله سدي النقص والباقي اشتري بيه الوصفه المرة دمعته نزلت وكالت والله مو مجدية اني بس الوكت ذلني
أني ضحكت كتله خاله والله مااعتبرتج هيج اني عندي وانت ماعندج ليش ما نساعد بعضنا وهذا اخويه يا خاله لا ترديني اهنا ما يخالفون القوانين لهذا يخاله روحي لحكي احجزي . صدك حجزت واني رجعت لشغلي تعبت بيومه حيل صارت ب 10 بالليل ساعدت اخر مريضه على لبس ملابسه وطلعت واني كعدت
ع الكرسي المقابل لكرسي عباس

فجاء عباس كال
"تذكرين من اول مرة كعدتي اهنا!!!!!
اني بستغراب :هااا
هو:كمل وهو يباوع الي بنظرااات ماعرف شنو معناهه احترام ود. ماعرف شنو بعد وكال
: من عرفت سبب انيهارج على هذا الكرسي حيل ابهرتيني وعرفت منه انج مو بنت عادية لا خلف هذا الجسد روح طيبة جدا وفاتنة بأخلاقه هاجر
اني :: فتحت حلكي سبع امتااااار وباوعت بغباء اله يااارب هذا يجي يوم واموت ع ايده شنو دا يكول عن منو يحجي ؟!!!!!
هو كبل طلع من جيب بنطرونه محفظته الخاصه وسحب من 25 الف ومد ايده عليه
اني صفنت
"هاي شنووو الفلوس
: احنه هم نحب نساعد هجورة يالله شكد حلو دلع اسمي بصوت يخبل اول مرة احسه هيج حلوو رغم هو دوم هيج يصيحني .
: وين رحتي هااجر
: دكتور شنو هاي الفلوس مافهمت
: هاجر !!!!؟؟؟؟؟
: فهمت شنو قصده دكتور مااخذه اني انطيته اله من باب الرحمة الان هي اصلا ماعده مو الان كشفتك غاليه
: يعني كشفتي غاليه؟؟
: عد ناس ماتسوة شي بس عند ناس مثل هاي المرة الالف تفرق عده
: صحيح والله كلامك
: دكتور انت ماكو منك واني اسمع دوم عن تساهلاتك مع المرضى وحتى بالعمليات لهذا اني تعلمت منك المساعده ....
:حك لحيته وباوع عليه تعلمتي مني؟؟
:بخجل بصراحه انت قدوتي بالحياة
: ههه هههه ههههههههههههههههههه ضحك ضحكته الشهيره واخذ وياهه روحي

يتبع