عنيده وغيرتي تهلك تبيني ؟؟(أجبروني فيك من دون رضاي..)*مكتمله*

~صدمه مؤلمه من أقرب الناس 💔~

في مدرسة الثانويه للبنات .. في إحدى فصول الصف 12 "ثالث ثانوي" .. كانت المعلمه غايبه والبنات نصهم برا الصف ونصهم داخل يلعبون وكأنهم صغار ونصهم يسولفون ونصهم يذاكرون .. وكانت بطلتنا تذاكر للحصه القادمه وأعز صديقاتها جالسه مقابلها وتسولف .. وهي أصلا مو معها أبدا هي كانت في عالم المذاكره .. إلى إن عصبت صديقتها وأخذت الكتاب من قدام ألين ودخلته في درج طاولتها ..
... *بعصبيه *: أنا أسولف وأسولف وانتي شاده حيلش جالسه تذاكري ولا تسمعيني عيل أنا لمن كنت جالسه أسولف للجدار مثلا ؟؟؟😡😡😡
ألين : جود لو سمحتي رجعيلي الكتاب أريد أذاكر انتي تعرفي معلمة الدراسات كيف عصبيه ودايما تخليني أجاوب لذا ما أريد أجاوب خطأ بليييز رجعيلي الكتاب .. 😣😦😟
جود : أصلا يا غبيه الأستاذه غايبه اليوم يعني فاضيين لحد الحصه الأخيره ..😑
ألين : صج ؟؟😰😓 وأنا شاده حيلي ..
جود : إيه صج والحين ممكن تسمعيني ونجلس نسولف ترا والله طفشانه ..
ألين : إنزين إنزين يالله قولي وش عندش ..
وجلسوا يسولفوا مره ومره يروحوا مع الشله يلعبوا صراحه جرائه او لعبة الأسأله وكل مره شي يسوا لحد ما خلص الدوام وكل واحد رجع بيته .. وألين أول ما نزلت من الباص شافت سياره سبورت قدام بيتها ولما إقتربت منها إتضحت إنها "تشارجر" في البدايه ضنت إنها سيارت زوج أختها بس بعد ما قرت الرقم إتضح أنها مو هي .. دخلت البيت وهي مستغربه ..
ألين : مين ممكن انه يجي ؟؟ نحن ما عندنا أقارب .. ما يهم ..😕😞
دخلت للصاله وإنصدمت 😰 بكل أخواتها موجودين مو من عادتهم يجتمعون في الأيام الرسميه .. ونفس الشي لاحظت واحد جالس عالأريكه ومعطنها ظهره وفجأه وقف وسلم على أمها وقال ..
.... : تم لا تحاتي ..
أسيل : أوه ألين جات رح أنزل الشنطه ..
ألين * في نفسها *: شو كانوا ينتظروني وشنطة شو إلي رح تنزلها أصلا من هذا ..

وفجأه لف عليها وإنصدمت من جماله ..
ألين * في نفسها *: الله يا جماله انتوا متأكدين أنه بشر ؟ والله يحمل كل صفات أمير أحلامي ما فيه أي عيب الله من وين طلعلي هذا فجأه ..

أما هو ..
.... * في نفسه *: الله وش ها الجمال وش ها الملاك إلي أشوفها قدامي والله ما تستاهل إلي يصير فيها بس ويش رح نسوي مو بإيدنا كله قضاء وقدر بس هي والله جميله مو مصدق إنها رح تكون ملكي ..

تقدمت نحوهم وهي بس حاطه عينها على عين هذاك إلي واقف قدامه وهو كذلك ..
ألين :هلا يمه ..
الأم : لا رد ..
ألين : يمه إنتي بخير ؟
الأم : يالله ألين روحي مع زوجك ..
ألين *مو مستوعبه* : أروح مع منو ؟
أسيل *وهي تنزل من الدرج وفي يدها حقيبة ألين* : روحي مع زوجك ألين انتي خلاص تزوجتي وهذا هو زوجك ..
ألين : انتو وش تخرفون انا مو متزوجه انا توني في آخر سنه ثانويه ؟
الأم : بس نحن زوجناك ولا تخافي الدراسه رح تكملينها بس رح تروحي مع زوجك الحين ..
وراحت الأم من دون ما تضيف أي كلمه ثانيه وهذاك الشاب أخذ الشنطه وقبل لا يخرج ألقى كلماته وراح ..
.... : أنتظرك في السياره ..
ألين بس واقفه مكانها ومنصدمه من إلي يصير .. تتقدم نحوها أختها الكبيره "أريج" ومعها بنتها "مي" وتحضنها ..
أريج : الله أختي الصغيره كبرت وصارت عاقله وتزوجت ..
الين *تبعد عنها* : أي عاقله وأي زواج أنا حتى ما أعرف أي شي عن ها الحياه .. توني بس باقلي ترم واحد وأخلص الثانويه وأدخل الجامعه إن شاء الله عن أي زواج انتو تتكلموا أنا ما تزوجت أي أحد ..
أرياف : إيه حتى نحن ما كنا نعرف أي شي عن الزواج ما زواج بس بعدين تعلمنا ..
أساور : يالله ألين زوجك ينتظر في السياره ..
ألين : عن أي زوج تتكلمون انتو انا حتى ما أعرف إسمه ..
أسيل : إسمه مشعل ال..... ..
أريج :حبيبتي لا تخافي رح تعرفي كل شي بعدبن كل شي بوقته حلو ..
ألين : انتي وش تقولين كل شي بوقته حلو وأنتو مزوجيني لواحد حتى ما أعرفه وعمري ما صادفته ؟؟
أسيل : ألين مو وقت الكلام الحين زوجك ينتظرك برا روحي له ..
ألين : بس ..
أرياف *قاطعتها*: من دون بس يالله روحي ..
كانت تدفها عشان تخرج من البيت وأخواتها وراها يشوفون عليها بنظرة حزن وشفقه ..
أساور : مع السلامه ألين يا أحلى أخت بالدنيا ..
ودخلوا داخل وهم يبكون وصكروا الباب في وجه ألين .. إلتفت ألين لمشعل وفي وجهها صدمه واضحه هي ما عارفه ومو فاهمه أي شي من إلي يصير.. كان مشعل فاتح باب السياره وينتظرها تركب .. مشت ألين في التجاهه وهي مو مستوعبه أبدا شو إلي يصير قبل شوي إتخلى عنها أقرب الناس إليها وأعزهم ورموها لشخص عمرها ما صاتفته او سمعت عنه .. ركبت السياره ودموعها على خدها وهو بعد ركب السياره وإنطلق .. طول الطريق كانت تبكي وتندب حظها السيء وهو كان مره يشوف على الطريق ومره عليها وحب يلطف الجو ..
مشعل : خلينا نتعارف أنا مشعل محمد ال..... أصلي من مسندم بس ساكن في الباطنه بسبب الجامعه أنا سنه ثالثه تخصص طيران عندي 5 إخوان و3 إخوات وكلهم في مسندم عايش مع عمي هنا .. وانتي عرفيني بنفسج ..
ألين : لا رد ..
مشعل : تمام مو لازم أنا أصلا أعرف كل شي عنج أوك رح أخبرج شو رح يصير أنتي رح تسكني في بيت عمي لحد ما تخلصي دراسه وعمي عنده بنت في عمرج يعني ممكن انكم تكونوا أصدقاء وأما أنا فأنا إستأجرت شقه قريبه من بيت عمي ورح أنام فيها لحد ما تخلصي دراسه وبعدين نتزوج ونعيش فيها مع بعض ..
ألين *بسخريه*:مو أنت زوجي الحين ؟
مشعل : إيه زوجك بس أنا ما أريد أحرمك من الزفاف والفستان الأبيض وبعدين أنا أريدج تخلصين دراسه وتحققي حلمج عشان كذا ما رح تسكنين من الحين معي ..
ألين *بسخريه*: تقصد انك ما تقدر تلمسني الحين بسبب المدرسه .. زين أمي على الأقل زوجتني بواحد عاقل ويعرف القوانين زين ..
مشعل عصب ووقف السياره على جنب ..
مشعل *بعصبيه*: أسمعي زين أنا تزوجتك صح بس أنا مو أناني عشان أحرمك من حلمك وانتي رح تعيشين في بيت عمي في غرفة بنته إلي في سنج ورح تخلصين دراسه بعدين نسوي حفل زفاف وذيك الحين تروحين معي لبيتنا فاهمه فكري بأي شي تريدينه عني بس أنا مو أناني مثل بعض الريايل ولا عصبي وما يحب الخير للي حوله فاهمه ؟؟
ألين : والحين انت مو معصب يعني ؟تقول انك مو عصبي بس أنا أشوفك إنك معصب الحين ..
مشعل *هدأ شوي *: آسف بس انتي تخليني أفقد أعصابي ..
ألين : أنا مجبوره عليك ؟ تكلم ؟
مشعل : لا مو مجبوره علي أنا أريدج بإرادتي ..
شغل السياره بعد ما ألقى كلماته الخيره بهدوء وضلوا صامتين لحد ما وصلوا لبيت عمه ونزل بس هي ضلت في السياره منصدمه من البيت إلي واقفين قدامه .. جاء صوبها وفتح الباب ..
مشعل : شو ما رح تنزلي ؟
ألين *تبلع ريقها *: بنت عمك تكون جود سليمان ال.... ؟
مسك يدها وخرجها من السياره بهدوء ..
مشعل : إيه وش عرفك ما أذكر أني قلت إسمها قبل ؟
ألين *بخوف *: جود تكون صديقتي الروح بالروح يعني الحين لو عرفت انها انا رح تنتهي صداقتنا ..
مشعل : ما أضن جود مو من ها النوع جود بنت عاقله ومتفهمه وهي أول وحده من العايله تفهمتني لما خبرتهم عنج ..
مسك يدها بيده اليمنى وباليسرى كان يجر الحقيبه ودخل داخل وهي بس حاطه عينها على يده إلي تمسك يدها .. دخلوا وشافوا إنه الكل مجتمع في الصاله ينتظروا وصولهم .. جود أول ما شافت مشعل راحت صوبه عشان ترحب بالعروس الجديده بس إنصدمت لما شافت ألين قدامها وفجأه إرتمت بحضنها وهي تربت على ضهرها ..
جود : مرحبا فيج بعائلتنا ..
ألين *منصدمه *: انتي مو زعلانه ؟
جود : وكيف أقدر أزعل منش ؟. من صديقتي كيف ؟
ألين *بدأت تبكي *: شكرا شكرا جود لأنش ما تخليتي عني مثل ما سوا هما ..
مشعل : أوهوه جود شوفي ويش سويتي خليتي زوجتي تصيح قومي عنها يالله خليها ..
جود *تطلع لسانها*:مارح أخليها .. ألين خلينا نطلع فوق يالله ..
ألين : بس أنا ما سلمت عليهم بعدني ..
أبو مشعل : بنت أصول .. كيفج بنتي أنا أبو مشعل ..
ألين : هلا عمي ..
وكذا تعرفت ألين على الكل ومشعل كان بس يشوف عليها وهو مبتسم .. راحت ألين مع جود عشان ترتب أغراضها في الغرفه وترتاح شوي ..