عنيده وغيرتي تهلك تبيني ؟؟(أجبروني فيك من دون رضاي..)*مكتمله*

~بعد فرح جميل ألم شديد😭💔~

مشعل : السكوت علامة الرضى ..
مشعل : خلينا نروح للشقه في الشقه ..
مسك يدها وذهبوا للشقه .. بعد ما خلصوا إنحرافهم ناموا وهم يحضنوا بعض .. وفي اليوم التالي الصباح .. إستيقض مشعل على صوت هاتفه وكانت جود ..
جود : مشعل وأخيرا رديت جيب ألين الحين رح يجي الباص ..
مشعل *بصوت ناعس*: ألين مارح تروح المدرسه اليوم ..
جود : هوو لييش ؟
مشعل : بس كذا ما رح تروح ..
جود : عيل أنا بعد مارح أروح ..
مشعل : بكيفش مع السلامه ..
أغلق الهاتف ونظر لألين التي في حضنه وأصبح يتأملها ..
ألين *وهي تفرك عينيها بلطف*: مشعل ..
مشعل : عيونه ..
ألين : صباح الخير ..
مشعل : صباح النور وعلى فكره مارح تروحي المدرسه اليوم ..
ألين : ليش رح يفوتني الدروس..
مشعل : لأني اريدج تضلي معي اليوم لأني أحبك يا بعد روحي ..
ألين *إستحت*: خلاص بس ..
مشعل : هههه فديتك الحين خلينا نروح نتسبح ..
ألين : لا لا أنا أريد أتسبح وحدي ..
  نزلت من السرير بسرعه ودخلت الحمام وقفلت الباب بسرعه ضحك مشعل على حركتها وراح لحمام الغرفه الثانيه و بعدين مشعل خرج من الشقه وترك ألين تستحم لحالها في الحمام وراح بيت عمه عشان يجيب أغراض ألين ويوديهن الشقه راح غرفة جود وحصلها نايمه ففتح الخزانه شوي شوي عشان ما تصحى لكن فشل وصحيت .. ما إهتم وبدأ يحط ملابس وأغراض ألين في الشنطه وجود ساعدته وطبعا ما يخلا من أسإلتها إلي ما تخلص وهو ما يرد عليها وبعد ما خلصوا ..
مشعل : ألين خلاص رح تسكن معي في الشقه وخبري الكل بهالشيء يالله مع السلامه ..
وخرج من الغرفه وصادف صقر شاف عليه بنظره إحتقار وخرج .. وصل الشقه ودخل الغرفه عشان يرتب الأغراض وأول ما دخل شاف ألين تخرج من الحمام بالروب ..
ألين : هذي مو شنطتي ؟
مشعل *كان بادي يحط الملابس في الخزانه*: إيه .. إنتي رح تعيشي معي خلاص مارح تنامي مره ثانيه في هذاك البيت ..
ألين : لييش وش صار ؟؟
مشعل : لا تسألي وش صار أنا مارح أخليش في بيت واحد مع هذاك الكلب ..
ألين : بس لا تنسى إنه يضل أخوك ..
مشعل *شاف عليها وهو معصب*: هذا إلي قاهرني إنه أخوي إلى لطالما عشت معاه أغلب أيامي وأغلب ذكرياتي هو جزء منها بس هو أثبتلي إنه واحد خاين .. أجول بس خلاص سكري على سيرته .. *رجع يرتب الأغراض*
إقتربت منه ألين وحضنته وهو بعد بادلها بيد وحده واليد الثانيه يرتب فيها الأغراض ..
ألين : اوك على راحتك أنا ما رح أجبرك على شي بس أهم شي لا تعصب ..
حضنها مشعل بقوه وهمس في أذنها ..
مشعل *بهمس*: أختارلك لبس تلبسيه لليوم ؟؟
ألين : إيه ..
وبعد عنها شوي وشاف على الخزانه وطلع قميص أبيض طويل ..
ألين : تمزح صح ؟؟
مشعل : لا ما أمزح ..
ألين شافت عليه بنظرت غضب ..
ألين : إختارلي من ملابسي مو من ملابسك أو أجول بعد كذا بعد أنا بنفسي رح أختار ..
دفعت مشعل ووقفت أمام الخزانه وبدأت تدور في ملابسها .. جا مشعل وحضنها من الخلف وحط راسه في كتفها ..
مشعل : فديت المعصب أنا ..
ألين : بعد ..
مشعل : مارح أبعد شو رح تسوي يعني أصلا انتي ما تقدري علي ..
تركته ألين وراحت الحمام لبست ملابسها وخرجت راحت المطبخ .. وتبعها ..
ألين : وش تريد على الفطور ..
مشعل : كل ما تصنعه زوجتي العزيزه سآكله ..
ألين : ههه الله يصبرني عليك كذا إنت أكبر مني ..
مشعل : ههههههه ..
ومضوا يومهم وهم مبسوطين .. في اليوم الثاني مشعل راح للجامعه وألين للمدرسه .. وصقر راح لجامعه مشعل يريد يعتذر منه .. وكان ينتظر خروج مشعل من القاعه .. ولما خرج سحبه من يده ووداه مكان منعزل في الجامعه ..
مشعل *بعصبيه*: وش تريد ؟
صقر : عصب على كيفك بس أنا جيت هنا عشان أعتذر منك عن تصرفي مع زوجتك أنا إنسحرت بجمالها وما عرفت ويش أسوي بعدها أنا عن جد آسف يا أخوي سامحني أرجوك ..
مشعل : وش إلي يثبتلي إنك صادق في كلامك ؟
صقر : إني رح أرجع لمسندم بكره العصر بس أنا ما حبيت إني أرجع وأنت ما خذ في خاطرك علي وزعلان ..
مشعل : أنا مسامحك ياخوي بس لو سمحت لا تعيدها مره ثانيه والله آنت بتصرفك هذاك كسرت قلبي يا خوي ودمرته ..
صقر : آسف والله موبقصدي آسف أرجوك سامحني ..
مشعل : مسامحك مسامحك ..
بعد ما خلصت الإختبارات النهائيه للثانويه بدأت ألإختبارات النهائيه لطلاب الجامعه وفي هذاك اليوم كانت ألين تطبخ الغداء في المطبخ ومشعل جالس في الصاله يذاكر .. فجأه رن فون مشعل وكان في المطبخ وراحت ألين تشوف من المتصل وكان "حماتي" إستغربت ألين من حماتي هذي راحت وعطت الفون لمشعل وأول ما قرأء الإسم شاف على ألين بصدمه وبعدين رد على الإتصال ودخل الغرفه يتكلم .. أما ألين فرجعت للمطبخ .. وفجأه يخرج مشعل من الغرفه وهو يسرع ويخرج من الشقه بأكملها من دون أي كلمه .. وفي اليل كانت ألين تحاتيه وسهرانه عشان تنتظره يرجع .. ورج في الساعه 1 فجر وشاف ألين نايمه على الكنبه في الصاله فراح تأملها في البداية وبعدين حملها ووداها الغرفه وحطها عل السرير ونام جنبها وهو حاضنها .. في الصباح نهظت ألين وشافت إنه مشعل مو موجود وكاتب لها رساله كان محتواها " ألين أنا طلعت وما رح أرجع إلى في اليل آنتبهي على نفسش " إستغربت ألين بس بعدين قالت إنه يمكن عنده شغل مع أصدقائه وشغل مهم .. مر اليوم ورجع مشعل على نفس الساعه وشاف ألين إنها نامت مره ثانيه على الكنبه .. واليوم الثاني كذلك لكن وصل لألين إتصال من صديقتها ( إختصار صد ) ..
صد : هلا ألين أحسن الله عزاكم إسمحيلي لأني ما حضرت العزاء لأني والله في البلد وما فيه أحد ممكن يجيبني مسقط ..
ألين : عن أي عزاء تتكلمين ؟؟
صد : أعرف يا ألين إنه فقدان الأم صعب بس لازم تقبلي بقضاء الله وقدره ..
ألين : وش فقدان أم وعزاء وش تقولين أنتي أمي ما ماتت ..
صد : ألين إهدأي والله عارفه وجعك ما لازم تسوي كذا ..
ألين سكرت التلفون في وجهها وراحت على طول بيت عم مشعل ..