صعد عدي الي غرفته و هو غاضب من والدته لانه لا تتحمل اي مسؤولية حتى هو لم تهتم به حتى في صغره تركته لجده و كانت تسافر كثير
ذهب الي الشرفه و اخذ يناجي ربه و اثناء شروده ظهرت صورة نانسي امامه ثم قال بضيق : يا ربي ليه بشوف صورة البتاعه دي بني ادمه متعجرفه
ثم ذهب لكي ينام
************************************
في نفس الوقت كانوا الثلاث فتايات
نانسي و حنان و اسماء يجلسون و يتبادلون الأحاديث
اسماء تكون صديقه نانسي و حنان
تمتلك بشره قمحيه و غمازتين بارزتين و شفاه مليئه
و مرحه و هي اكبر منهما بسنتين
اسماء بهمس : مالها نانسي سرحانه ليه مش متعودة عليها كده
حنان بنفس الصوت : مش عارفة ياختي و الله
ثم قالت بصوت عالي بعض الشي : ناااااانسي هل تسمعيني
افاقت نانسي من شرودها : ايه يا بنتي طرشتيني
قالت اسماء : ده انتي مش معانا خالص مين واخد عقلك
قالت نانسي بمرح : انتي تعرفي عني كده
و قاموا بصنع ( الفشار ) و جلسوا يشاهدون التلفاز
************************************ في الصباح التالي ذهبت الفتاتان الي الجامعه قالت نانسي : احنا النهارده عندنا محاضرة عملي صح
حنان : اه صح يلا نروح
ذهبوا الي غرفة المعمل و قال الدكتور :
كل واحد و واحده فيكوا هيشترك مع حد
قالت واحده بسرعه : خالص انا هشترك مع صحبتي
قال الدكتور : لا انا اللي هختار
ثم قام بالاختيار و وقع الاختيار علي نانسي و عدي و علي حنان و آسر
نانسي بتذمر : لالا انا عاوزه ابقى مع ....
قاطعها الدكتور بحزم : انا مش هغير و المشروع يكون جاهز خلال اسبوعين
ذهبت الفتاتان الي الكافيتريا
اتي آسر و قال : هاى
ردت عليه حنان و قالت : نعم
قال آسر : طب ردي عليه طيب
قالت حنان بضيق : انت مين عشان ارد عليك عاوز ايه ؟
قال آسر بإنزعاج من اسلوبها : طب براحه علي نفسك انا اللي هعمل معاكي المشروع
قال حنان بفهم : اها
قال بإستفسار : طيب هنبدأ امتى
قبل ان تجاوب علي سؤاله أتى عدى و قال : انتي يا انسه انا اللي هعمل معاكي المشروع
اردف تلك الكلمات و هو ينظر الي نانسي
قالت بضيق تحاول إخفاؤه : اها انا
قال بإيجاز : طب هنبدأ امتى عشان هو كبير
قالت : ممكن نبدأ دلوقتي
قال : طيب تعالي نروح مكان تاني عشان ده دوشه
قالت برفض :لا طبعا
قال : ليه يعني مش هخطفك
ردت حنان بدلا منها قائله : لا طبعا عشان حاجتين عشان ديننا ميسمحش بكده و عشان اهلنا مانعينا بكده عاوزين تشتغلوا معانا اشتغلوا هنا مش عاوزين براحتكم
رد عدي بإنزعاج : علي فكره انا بكلمها هي و موجهتش كلام لحضرتك
ردت نانسي : علي فكرة بقا انا و هي واحد و فعلا ده اللي كنت هقولوه
زفر عدي بإنزعاج و جلس هو و آسر
كانت حنان و آسر جالسين بجانب نانسي و عدي و كانت حنان تشرح ما سيفعلونه ثم قال آسر و هو شارد في تلك الفتاه التي تبدو كأنها طفله في برآتها : اومال اسم الجميل ايه
قالت حنان و هي رافعه حاجبها : و ده هيفرق معاك في ايه
افاق آسر من شروده و قال : لأ عادي بس عشان نتعود على بعض اكتر
قالت حنان بضيق : بس يا استاذ انت
قال بسرعه : آسر
نظرت له و كأنها لم تفهم ما يقول
ثم تابع :آسر اسمي آسر
قالت : بص يا استاذ آسر انا قاعده معاك بس بحكم اني لازم انفذ ما حضرتك المشروع
ثم تابعت و هي تقول : ممكن بقا نكمل
****************************
عند عدي و نانسي
كانوا يتحدثون بشأن المشروع الي ان اتى ل نانسي مكالمه قالت نانسي بإستأذان : عن اذنك هرد
اومأ عدى بالموافقه ثم ردت علي اخاها و هي تقول بنبرة سعيدة : ميدو حبيبي عامل ايه وحشتني كده متسألش عليا يا وحش و .....
ضحك محمد بشده علي طريقتها ثم اردف مقاطعا كلامها : اهدي اهدي يا مجنونه عشروميت كلمه في الثانيه
قالت بحزن مصطنع : يعني متسألش عليا و تقولي مجنونة و كمان مجبتليش هديه في الفالنتين
قال محمد محاولا ارضاءها : كلها كام يوم يا حبيبتي و اجي و اجبلك كل اللي انتي عاوزاه
* كان شقيق نانسي يعمل مترجما في احدى الشركات العالميه لذلك كان يضطر أحياناً في السفر الي الخارج *
كان عدى يستمع الي حديثها و يقول و هو يلوى فمه: ما هي بتكلم صبيان اهو اومال عاملالي فيها ست خضرة الشريفة ليه
انهت نانسي مكالمتها مع شقيقها ثم نظرت الي عدى و قالت : انا خلصت ممكن نكمل
قال بإستفسار : هو انتي اسمك ايه
قالت و هي تلوى فمها : يهمك في حاجه و لا هينجز المشروع بسرعه
قال و هو يرفع حاجبه : مانتي كنتي بتكلمي صبيان و لا جت عليا و عملالي في شريفه
قالت نانسي بغضب شديد : انا شريفه غصب عنك و عن مليون واحد زيك انا اساسا غلطانه اني كنت فكراك بني ادم ينفع يتعمل معاك المشروع
ثم قامت من مكانها و قالت بسخريه : عن اذنك يا محترم
ثم مشيت و هي غاضبة جدا لاحظت حنان الحوار الذي حدث بينهم ثم اخذت تنادي علي نانسي لكن نانسي كانت غاضبه و مشيت
قالت حنان بغضب ل عدى : علي فكرة بقا انت ملكش دعوة تكلم مين و متكلمش مين
قال عدى بسخريه : ما هي ماشيه تتسرمح ....
قاطعته حنان : اخرس الجامعه كلها عارفه أخلاقنا كويس اوي و لمعلومات حضرتك نانسي كانت بتكلم اخوها
اردفت تلك الكلمات ثم غادرت
كان عدى في حاله صدمه لقد ظلمها
قال آسر بنبرة عتاب : مكنش ينفع اللي عملته ده يا عدي
قال عدي بشرود : اسمها حلو اوي
آسر بغضب : اسم مين اللي حلو انا بكلمك يا عدي
عدي : .........................................
آسر و هو يرفع حاجبه :ده انت مش معانا خالص
عدى : عاوز ايه يا عم الفصيل
آسر بحنق : بقالي ساعه بكلم سيادتك و انت في ملكوت تاني
عدي بتفكير : تفتكر انا غلطت
آسر و هو يلوي فمه : غلطت بس ده لو واحده بدلها كانت بهدلت امك
عدي : اومال كده عملت ايه يعني بقولك اي سيبك من الكلام ده تعالى نمشي
************************************
في مكان آخر تجلس رانيا ( والده عدي ) و هي شبه عاريه مع عشيقها سمير و إبن عم محمد التي كانت تحبه قبل ان تتزوج من والد عدى ( محمد) الذي دفعها سمير لكي تتزوجه من اجل الاموال
سمير كان لا يحب رانيا بتاتا لكن كان يستخدمها كوسيله ليحصل علي الاموال و لكي يمارس المحرمات معها
رانيا بإنزعاج : الواد ابن محمد ده كل شويه يسألني رايحه فين و جايه منين لحد ما خنقني
سمير بسخريه : ابن محمد عاوزاه يبقى ايه و كمان ما هو لازم يكون كده مش ابوه كتبله كل الميراث
#flash_back
كان قد مر علي وفاه محمد المصري عده ايام و جاء موعد فتح الوصايا
عمر ( محامي العيله ) : بسم الله الرحمن الرحيم وصيه محمد باشا المصري رحمه الله تقول ان جميع الاموال و الشركات تذهب الي الباشا الصغير عدي
و اخته الانسه شروق
كانت تلك الكلمات كاصاعقه علي رانيا و سمير
رانيا بإعتراض : لا طبعا ايه الهبل ده المفروض يتوزع حسب شرع ربنا
رد عليها الجد عادل بسخريه : المفروض عند المكوجي يا روني هانم و بعدين انتي تعرفي شرع و لا دين ربنا عشان تتكلمي عنه
ردت رانيا بضيق : في ايه يا أنكل هو حضرتك هتكفرني مثلا
قال بنفس نبرة السخريه : لا لسمح الله ده انتي مبتسبيش فرض
غضبت رانيا من تلك الكلمات ثم اتمت بكلمات غير مفهومه
#back
قال سمير بخبث : سيبك بقا من كل ده و تعالي اقولك حاجه في ودنك
ثم جلسوا لينهمكوا في فعل ما حرمه الله
******************************
أنت تقرأ
معشوقي
Romanceالحب ، ما هو الحب؟ ، الحب هو التفكير في من تحبه قبل نفسك ، هو الذي تحس معه انه الحاضر والمستقبل، هو الذي يجعلك تبكي او تفرح ، هو الذي مستحيل تؤذيه ، الحب هو علاقه بين اثنين بنيت على الثقه ، لكن للاسف فنحن ندرك اننا نحب بعد فوات الأوان
