Book of Feelings

Nagbago ka na

Nagbago ka na.
Nang narinig ko ang balita patungkol sa'yo,
Hindi ako makapaniwala;
Akala ko'y walang nagbago, ngunit nagkamali ako.

Anim na taon tayong nagkasama,
Anim na taon tayong nagkuwentuhan;
Anim na taon na ala-ala,
Ngunit masisira ba dahil sa isang kasalanan?

Noong tayo'y nasa elementarya pa lamang,
Hindi pa pumapasok sa isipan ang salitang pagmamahal;
Oo. Dahil hanggang paghanga palang,
Ngunit bakit ngayon, Para bang hindi ka mabubuhay kung wala ang salitang iyan?

Sana'y bumalik ka na sa dati;
Tignan mo sa salamin ang iyong sarili,
Ikaw nga ba ang iyong nakikita?
Ngayon sabihin mo saakin kung ikaw ba ay nagbago na.