أحببتك منذ الصغر

الجزء الأول

زينب .

جنت شابه وحلوه وعيت على زوجي احمد عرفت الحب على ايده جان شخصيه هيبه وجمال وثقافه
كان حلم كل بنت دللني دلال جنت طفلته وزوجته وروحه جان الي اب واهل ودنيا بحالها اكبر مني ب١٦سنه حبيته جنه نطمح نعيش طول العمر نكبر سوه ونشوف احفادنه ونعيش ابيت مستقل كلشي مشفنه ملحگنه نسوي الي نريده بعدني احتاجه وبعدني طفله ياناس طفله اني صح عندي طفلين بس طفله بعدني اهوه دلاله مشبعت منه ولا من حنانه ولا شبعت من حضنه سنيني بعدهن ماوصلن العشرين شلون اتحمل شلون اصبر شلون استمر شابه وأرمله ام تتحمل مسؤلية طفلين وهي بعمر ال١٩
بذاك اليوم جنت اشتغل بالبيت والعائله كلنه موجودين كل وحده تعرف شغلها ونگعد نكمل شغلنه ونگضي يومنه شقه وضحك واطفالنه حالنه حال اغلب البيوت
رن التليفون اني مجاوبت جاوبت ام كرار زوجة حماي احسان .
الووو
الوو
منوو
انت منوو
اني قيس صديق احمد الولد موجودين حسن عمار
لا محد بالبيت الولد بالدوام اكوو شي
الله يصبركم اختي السياره الي بيها احمد سوو حادث واتوفوو الى رحمة الله
اني هنا شفت ام كرار صفنت وهدت السماعه وصاحت يبووووو يبووو ملخت روحها
گلبي انعصر ام كرار داده شصار احجي
گالتلي عزه العزاج صخام بوجهج يمگروده راح ابوو بيتج راح عزج ودلالج اني افترت الدنيا بيه گمت لااسمع ولااشوف ماادري شنوو الصار گتلها شنوو شتحجين گولي گالت احمد مات سوو حادث
اني فقدت گمت أصيح واملخ بروحي شگيت ثوبي
مر عليه شريط حياتي كله يعني صدگ بعد مااشوفه ولا اتلگاه ولااسمع يروحي منه ولا انام بحضنه جهاله منوو يربيهم كمت املخ بروحي وأجيب وأگطع براسي ليش احمد مو تگلي انتي بنيتي انتي مرتي انتي روحي مو رحت انت روحك المن مخليها جهالك منو الهم ابنك شگله بنتك التوها مشت حته ماشافتك ولادللتها وين نروح المن انطي وجهي بعدك
بذاك اليوم صدگ حسيت روحي غريبه لا ام يمي ولااخت اريد وحده تگابلني مگبل حنينات اريدها تحس بيه اريدها تبجي على شبابه وضيمي گابلتني اخته ونسوان حمويني وملخنه ارواحنه وصلوو اخوانه بجوو بره صاحوو اخذوو مستمكاته وراحوو يستلمووه ضليت اگول بلكي جذب بلكي مشتبهين والله صار العصر وجابووه بس شجابووه دنيا شته جانت ومطر طببوو اني بهذا حالي نسيت الدنيا نسيت اليمي جني وحدي بس اني وياه ذبيت روحي ع التابوت وملخت روحي فدوه الطولك الحلوو فدوه الوجهك بعد مااشووفك احمد أحمد اني مرتك وين مخليني بياوكت اغبر منوو الي منوو بحالي منوو الجهالك خل اروح وياك شنوو ضلتي ليش طلعت ليش ماعارضتك ليش ماگتلك لاتروح اريدك احتاجك ابوو علي يروحي يگلبي شنوو عيشتي بدونك
بعدني والله مو مال هالعذاب گابلتني اخته ولطمنه وبجينه واخوته بجيهم وصوتهم بأذني بجينه والبجي شيفيد
ومحمد لو بجينه يرد الأموات
لگعد المگبره بتك عين
شالووه وشالوو روحي وياه راحت احلامي وشبابي ودلالي كلهن انشالن وي التابوت لليل طبن امي وخواتي بعيد الطريق عليهن لليل يلله طبن هنه بمحافضه بعيده طبن شلگني الوجه دم واللثزب مشگوك والشعر منفوش تلگيتهن گتلهن تصخمت واتعزيت راح دلالي الجايني بس ضيم بجن ولطمن وياي وهوسن وگضت ايام العزه هيج بالنهار نگضيها ع هالحال
ويجي الليل واتذكر اتذكر شلون ايام عرسي وياه شلون يقدرني جنت طفله وصبر عليه وعلمني جنت اشوفه كلشي اله حجايته مايعيدها اثنين بعده ممكملها واطبقها
تذكرت بحملي بعلي شلون فرحانين وشلون يگلي اريدها بنيه تشبهج وحلوه مثلج
واني اگله اريده ولد يشبهلك صار علي نسخه منه وگال هالمره انتي فزتي وانتي سمي وسميته علي صار عمر علي سنتين وحملت بريتاج جان يگلي ياريت هالمره اني افوز وتجي مدللة ابوها وصارت ريتاج وصدگ تشبهني بس عيونها على ابوها لونهن عسلي فاتح وطويلات فرح بيها وسماها ريتاج ناوي يدللها ناوي يحميها جان عنده ولد اخووه احسان متعلق بيهم وعنده واحد حيل يحبه رامي حته اني روحي معلگه بيه من تزوجت جان طفل محبوب من گد مايحبه احمد گمت اموت عليه من صارت ريتاج گال ريتاج الرامي ولو كبروو ازفهم بيدي اذا قبلت رتاج
تذكرته وگلت راحن راح كلشي من احلامنه
خلص العزه ولزمت عده وراها تثاقلت نسوان الحمه يخافن خواتي هنه واموت عليهن بس شفت الخوف بعيونهن اجت امي تشوفني وگتلها خل اخوتي يجون ياخذوني شني ضلتي هنا
اجوو اخوتي واخذوني روحي راحت جنت اشوف ذكرياته بكل زاويه بكل ركن بجيت وبجيت وماعندي غير الدموع التواسيني اهلي يحبوني ودللو جهالي
سنين والعمام ابد ماتركوو جهالهم يودون مصرف وملابس ويسألون واني هم احبهم اخوتي وبيهم ريحت احمد وكمت اخذ الجهال وازورهم وفهمتهن النسوانهم انتن خواتي وهمه اخواني والبالجن ماخاش ابالي ابد .
ضليت يم اهلي واتردد على عيالي يحبوني يحترموني بس الناس متعوف واحد بحاله
هم يوصلهم حجي علي هيج راح وريتاج هيج ومحد مهتم بيهم واني صرتلهم ام وابوو البيدي اسوي اخاف عليهم من الهوه گمت اضييق عليهم من حجي الناس خاف وخاف خاف علي يكبر ويعيرونه بتربات المره ارد اشوفهم المره شتربي .
هنا صار على وفاة ابو علي ٨سنوات اهلي ملوو من الخواطيب وملوو من الحجي والناس ماترحم اني عمري ٢٧گالوو بعد كافي انتي لااول وحده ولا اخر وحده والحياة گدامج تتعذبين هيج محد يرحم الحجي بجها وانتي بجها واعمامهم هم يوميه مطلعين سالفه وبالكم وبالكم لشوكت هيج تبقين
هنا انسدت الدنيا بوجهي گالوو نودي عليهم لو يسكتون لو ترحون يمهم يابه شلون اروح شنوو روحتي بجيت لطمت محد سمع
وصلوو خبر الهم گالوو احنه اخونه مانگدر واحد منه يتزوج مرته كلنه نعرف شنوو علاقتهم جانت روحه من الدنيا هيه شلون النه نفس اني فرحت من سمعت ردهم گالوو اذا تريد خل تزوج بس الخاطرها والخاطر معزة اخونه الها يبقون الجهال يمكم انتوو خوالهم وقريبين عليها بس بيته يمكم وعيشتهم يمككم واحنه متكفلينها
ضليت اماطل بالموضوع الى ان خطبني حمه اختي اقاربنه من بعيد جان مطلگ وماعنده جهال فاتحت جهالي بالموضوع رتاج ماعارضت فرحت وجان عمرها تسع سنوات علي عمره دعش وتوه يحس نفسه كبر ماعارض بس حسيته ضاج وانكسر
گتله من تگلي مموافق ميصير الزواج لو اعرف نعيش بخيمه وياكم كلموه خواله وفهموه وضعي كشابه وارمله والحجي واكثره من الأقارب اقتنع
صار الزواج ورأسا صار هوه عقد هوه حنه شفته رجال اسمر طويل شكله هيبه وشخصيه بس گلبي مو يمه يقبط گلبي يربي شلون اعيش وياه واحمد ماخذ كل فكري تزوجته وگوه اشغل نفسي عن التفكير وگام يموت على جهالي رتاج حبته وتأقلمت وياه بس علي مخلي حاجز اجرلي بيت قريب عليهم ودائما همه يمي
بالعطله يرحون العمامهم بالبصره واني گلبي يلوب وعمامهم هم وره الزواج ضلوو يسمعوهم حجي
بس اني عوضتهم وحاولت ابد مااخليهم يحسون وصاروو عندي تلث ولد وبنيه واخوتهم يموتون عليهم بس بقوو عد خوالهم واني هم مافارگتهم
وللحكايه بقيه