رامي ..
دخلنه والكل فرحان بذاك اليوم اني اتصرف بطبيعتي خليت كلشي مني تلقائي لاحبيت اتصنع ولاحبيت اخجل ردت أعيش يومي بكل تفاصيله حسيت بنفسي اعيش اليوم وبس وكلشي بخاطري اسوي
دخلت والكل بوجها الفرحه الكل حاس بيه شفتها عيوني منزلت عنها رحتلها ونسيت الخجل بستها براسها وصلت قريب الأذنها وهمستلها بهدوء روح رامي وگلبه أنتي ..شعرج خلي بس اليه مااريد احد يشوفه غطي شفتها ارتبكت باوعتلها واني مبتسم وساعدتها وخليت شالها على شعرها
حسيت الكل انتبهوو وضحكوو
اشرتلها بعيوني بمعنى الخاطري
مر هذا اليوم واتفقنه العصر نشتري الذهب
ورحنه وفهمتها شنوو تريد تاخذ بدون متتردد لحضه
ريتاج ..
من همسلي انوو اغطي شعري حيل ارتبكت بنفس الوقت فرحت حسيته غيران عليه حسيت نفسي بالنسبه اله كنز يحاول يحافض عليه من كلشي اتفقنه نروح العصر وجان كلش مريح فرحان وگلي كلشي بخاطرج اشتري
بعدها رحنه حجزنه بدله
وبعدها رجعنه للبيت
الأهل كلهم فرحانين والكل مجتمعين وجانت اجواء حلوه البنات حيل فرحاناتلي وبنات عموو كلساع يبوسني .
صار الليل واتعشوو والكل نام
رامي.
جنت أحاول اتجنبها ومنتضر العقد بفارغ الصبر
بالليل حسيت الكل ناموو وطلعت ادخن بره واني راجع والمكان جان اضلم وعيني بجهازي انصدمت
من ركزت زين شفتها ريتاج حضنتها حته لتوگع
صار وجها بصدري لزمت راسها ودنگت عليها وصلت شفتي قريب شفتها بعدها دفعتها وگتلها صبرت سنين اصبر اليوم كلشي بالحلال احلى
دخلت وحست نفسي تخربط حسيت بنفسي راغبها
تنفست قوي وخليت ايدي على راسي وابتسمت وتذكرت صورتها وهيه بين احضاني
دزيتلها مسج
..لج شسويتي بيه منين طلعتيلي شلون انام هسه
..حبيبي غمض عيونك وانت تنام
..هنه غير اذا يغمضن عيوني شينومهن والي صار خربط احوالي
..اني نمت تصبح على خير حب
..أشتعل بليسج شعلتيني شعل وتردين تنامين وين اولي بهاليل انه
..ليش شنو سويتبك ياحبيبي
..والله ياروحي كلشي ماسويتي بس حرگتي اهلي حرگ
..هههههههه اسم الله عليك وعلى اهلك يروحي
..أشتعلت روحج السودنتني ريتاج نامي لااسويلي مصيبه بهالليل مو أگلج استخف وياج
..ههههههه يله اني نمت
..جامنوو يحاجيني
..ريتاج نامت هذا قريني يحاجيك
..جا وصي قرينها هم ينام لايجي قريني يخطفها وينهي كلشي الليله
..ههههههه هيج مستعجل
..مستعجل وروحي طافره هههههه حياتي نامي باجر وراج تعب اني اسف يعمري والله من اشوفج كلشي يتخربط رتوجتي بنيتي الله عليج لتزعلين مني
.ياروحي أنت ليضل ابالك
نمنه وصار الصبح والكل انشغل والديجي والرگص والهوسات
أمجد ومهند وياسر وعلي رگصوو رگص مصاير كل هذا والعروس بالصالون والكل فرحان
امجد استغلها وحاول يتقرب الريم وبينلها مشاعره وجان منتضر منها رد وگلها جربي تنطيني فرصه ومراح تخسرين
أنت تقرأ
أحببتك منذ الصغر
Любовные романыالقصه تتكلم عن بنت يتيمة الأب بعمر العام ونصف تربت بين أخوالها واعمامها تنعم بالدلال من قبل الطرفين لها اخ يكبرها بعامين وامها شابه بعمر الورود ترملت وهي لم تدخل العشرين من عمرها . اسمها ريتاج طفله مشاكسه جميله تحب اخاها كثيرا تخاف عليه من كل شيء...
