من التقن عيونه حجن كلشي حجن شوگنه ولهفتنه
حجن كل الكلام الي عجز عنه السانه
ترجمن دگات گلوبنه تحول كلامنه بعيونه كلام العين الي ممفهوم يفهمه بس الي يحس بي
هنا اني من ردت اناوشه الصينيه ارتبكت عثرت بقوالب الثلج الي ملفوفه على جها ردت اوگع وهوه لزمني من لزمني وگعتي صارت بين اديه شگد طويله اني وصلت الصدره گلي اسم الله يروحي
بيج شي اني شنوو الشعور اختلط عندي خجلت من الوگعه يربي ليش الا يم رامي اعثر واحساسي غير حسيت بشي غريب واني بين ايده من سمعت اسم الله يروحي جمدت بمكاني فزيت ودنگت راسي وعدلت خصلة شعري الي نزلت على عيني وگمت عدلت شالي گلي انتبهي على نفسج بنيتي
رفعت حاجبي وخزرته گلي اي بنيتي وروحي
هوه طلع واني جمدت بمكاني رسل گلتلي شبيج يمعوده غير تنتبهين لو هاي حجه ولج خاف انتي متقصده گتلها شوف هاي شنوو تقصدين والله مو منتبها گالت اشاقه يروحي غير الكل يعرف انتي الرامي گتلها اي مو هيه بكيف الكل
گالت لا اكيد بكيفج رغم بالعشاير عدنه تصير ابن عمج يوگفج بس رامي ميسويها يحب سوالف العشاير بس دوم ينتقد هالحاله لتخافين
گتلها منوو يگلج خايفه لو مهتمه ليضل ابالج
گالت يله تركي هالموضوع والله تره اشاقه اني
گتلها اي اعرف .
رحنه كملنه شغلنه واني اتهرب من رامي وعيونه تلاحگني الكل مكان صار العرس وصارت الزفه
والكل تحضر اني طلعت بين مارحت احجي وي علي لگيت الكل صاعدين واني وحدي بالباب بين والولد مجمعه وعشه والكل موجود واني اتلفت اتحيرت ارجع لو اطلع زين علي وين راح ارد اشوفه اصعد وياه عيوني تدور على علي .
ومااحس الا رامي يمي گلي ها ريتاج ليش وحدج هنا واگفه على منوو تدورين گتله علي اخرني وتاليها الكل صعدوو حته هوه تركني گلي تعالي صعدي وياي وامشي تحركي من مكانج الكل عينه عليج ليش مصحتي علي صحتيني
هوه يحجي واني مدنگه خجلانه من رفعت راسي وشفته يخبل يربي شنوو هالجمال گلبي شبيه من اسمع صوته يطلع من مكانه ومن اشوفه اذووب
لابس بنطرون كابوي وبلوز سبعه ومطلع منه ياخة القميص
شنو هالنزاكه گلي يله صعدي صعدت وياه
بالسياره ويانه بت عمتي رنا عمرها خمس سنوات
لگيتها قبلي موجوده من شفتها فرحت همزين احد ويانه
رامي..
تريد السيارات تحرك وع اساس جماعتي يصعدون وياي لمحت ريتاج واگفه بالباب حايره تتلفت شبيها شعدها ليش محد وياها وين تركوها ضجت شنوو واگفه وهاي الشباب اكيد لمحوها كتلها ليش واگفه وحاولت اهدأ وياها لتاخذ كلامي بغير قصد من داخلي فرت تركت جماعتي وگتلها صعدي وياي وحركنه .
بالطريق شغلت اغنيه الها دائما اسمعها احبها احسها تتكلم عنه شغلت
صغيره جنت وانت صغيرون
حبنه كبر بلحضات العيون
گالو تره ذوله يحبون
من الصغر لما يكبرون
رحت بغير عالم ويه الأغنيه حسيتها تكلمت بالنيابه عني تكلمت الكلام الأرد اگوله
ريتاج ..
من صعدت شفته جان عصبي شويه او مزعوج جرله جگاره وشعلها سحبله نفس طبگ الباب تحسر قوي وطفاها وشمرها شغل السياره وشغل اغنيه
الأغنيه اذا أكلكم نشيد اعتبرها الي مو اغنيه اموت عليها احسها مغنيها الي تعبر عن احساسي كل بيت بيها وكل لحن يتكلم عني من شغلها رحت بعالم ثاني
حسيت روحي بمكان هادئ بي كلشي حلوو يمر على بالي باوعتله اعصابه ارتخت واندمج وي الأغنيه
حسيته فاهمني حسيته يحس بأحساسي
گلي ريتاج گتله نعم
گال نعم الله عليج يابت عمي عندي موضوع وياج بس فدوه لتفهميني غلط .
اني حسيت بيه گتله گول بس تره الزفه مشت
خل نلحگ بيها گلي يازفه يمعوده ماتخليهم يرحون اني بحالهم اني وين وانتي وين .
أنت تقرأ
أحببتك منذ الصغر
Romanceالقصه تتكلم عن بنت يتيمة الأب بعمر العام ونصف تربت بين أخوالها واعمامها تنعم بالدلال من قبل الطرفين لها اخ يكبرها بعامين وامها شابه بعمر الورود ترملت وهي لم تدخل العشرين من عمرها . اسمها ريتاج طفله مشاكسه جميله تحب اخاها كثيرا تخاف عليه من كل شيء...
