ادوور بالوجوه رامي وين گلت بگلبي شووف اني غير غبيه وماخذني الواهس لا وانوب خالي يسميني الثگيله يگل البناته صيرن ثگال مثل ريتاج ميدري ابنت اخته عاشگه وهيه ابطن امها تهي بهي
هسه اني شبيه منوو گال رامي ميت عليه هيه حجايه من جنه اطفال شكوو مجلبه اني ياربي غير يروح من بالي گلتلي عمتي رتوج حبيبتي ليش صافنه غريبه انتي ومتقيده غير بنيتنه غيري وارتاحي نريد نشوفكم
بعدني بگعدتي دخل كرار باركتله وباوسته
هلا بالغوالي توها كملت فرحنه
الله يخليك كرار الف مبروك بالرفاه والبنين
الله يسلم رتوجه ربي يحفظج
صاح وين ابوو حسين وين الضلع
اجاه علي بوسه وتباركله
گعدنه وتغدينه واني بالي مو يم احد بالي يم رامي يربي شبيه اني غير انساه معقوله مامهتم واني فرحتي بجيتي كلها بس علمود اشوفه كملنه غده وكمت اساعدهم حته نتحضر
رامي
اووف اووف من جنت زغير روحي معلگه بعمي احبه اموت عليه افضله حته على والدي جنت مثل ضله
عمي صح استاذ جامعي بس يهتم بأمور العشيره جدي جان هوه الشيخ وبعده استلمها اخوو الي هوه عم والدي عمي دائما يتواصل وياه ويهتم بأمور العشيره جنت اني وياه مثل ضله يسميني زلمتي
بيووم الصارت ريتاج اجه عمي فرحان گال وينه رامي اجتك مريتك اجتك ريتاج بت عمك هذي الك ازفكم بيدي واذا ميت مو تخليها الغيرك بس شرط موافقتها اني طفل عمري عشر سنين من شفتها وخلوها بحضني مثل اللعابه حلوه طفله من تبجي وهم مشغولين عنها تضل ابالي حجايات عمي
ريتاج مريتك اروح اهزها بالكاروك واحاول اسكتها ماسكتت اخليها بحضني اناغيها غير اني زلمتها شلون تبجي غير هيه الي وعمي يگلي بالك عليها
من توفه عمي ريتاج راحت وي امها بس من تجي اني اصيرلها ضل مااخلي احد يجيسها الي احصله من مصرف كله الها اصرف عليها يمكن جنت مكبر نفسي وحاسها مسؤليتي هيه الي يجيسها من الولد بذاك اليوم انتقم منه انتقام
كبرت ريتاج واني كبرت صرت شاب وهيه طفله گمت افكر بيها اكثر احسها بنتي اي بنتي واربيها على ايدي واصير الها اب وحبيب وزوج بس هيه عنيده
واموت على عنادها من اگلها انتي الي تخزرني بطارف عينها تگلي منوو يگول اني ارضا بيك
صح اجاريها بس كلماتها بگلبي معقوله ريتاج ماتصير الي ووعدي وحبي وحجايات عمي الي يرنن براسي شلون متصير الي واني اانتضرها شلون فلاح يناطر گاعه وينتضر يحوي ثمر بستانه معقوله
انگطعت عنه فتره ومااجت ويوميه اني بالي يمها ريتاج اجي ابالها يمعوود شجي شبيك رامي ريتاج طفله شتعرف من الي ابالي اتخيل ملامحها واتخيلها كبرت اني مناسيها وكل ميجي علي اخذ منه وعد رتاج الي يگلي الك شرط رضاها علي صح زغير بالعمر بس واعي وعاقل واخوو اخيته ماينخاف علي من افكر هوه يمها وسندها اگول ماينخاف عليهم
كل ميجينه ويروح اودي هدايه الرتاج اريد اخلي يمها ذكرى الي صار عرس كرار وگالوو علي وريتاج جايين باجر اني گلبي طلع على طاريها وعقلي افتر
شكلها شلون صار يربي باجر تبيين لو هيه كارهتني لو هيه راضيه بيه ودي ماشوفها خاف الأحتمال الي بالي يطلع صدگ وترفضني اريد ابقى على حبها حته لو عمياوي اي گلشي ولا ترفضني روحي معلگه بيها شاب واشوف واطلع ودخلت كليه وبالي مو يم احد بالي يمها طفله وخذت گلبي شلون بيه
من حسيت بيهم راح يطبوون گلت اشغل نفسي احس العالم كلها تدري الي بگلبي كلها تباوعلي بطبتهم طلعت گتله يابه راح نكمل شكم شغله ناقصه نحضرهن گالي گواك الله يابه متقصر يوم النفرح بيك
بگلبي اي يابه هيه تبيين اليوم لو تفرح بيه لو الله اعلم
أنت تقرأ
أحببتك منذ الصغر
Romanceالقصه تتكلم عن بنت يتيمة الأب بعمر العام ونصف تربت بين أخوالها واعمامها تنعم بالدلال من قبل الطرفين لها اخ يكبرها بعامين وامها شابه بعمر الورود ترملت وهي لم تدخل العشرين من عمرها . اسمها ريتاج طفله مشاكسه جميله تحب اخاها كثيرا تخاف عليه من كل شيء...
