أحببتك منذ الصغر

١٠

جد رامي وعمامه حيل قلقوو علي
وابو كرار من خوفه ضل واگف بالباب صوجي اني عفته يروح انوب هوه وابن اخوي وهاي ضلم الوكت لاتليفون ولا جيه منهم ماكو غير حل شباب حضروو سلاحكم منا النص ساعه اذا مااجوو احنه نروح ونشووف خاف كتلوو ولدنه .
الديوان انخبص وكل اثنين يحجون سوه الشباب فار دمها وگاموو يتهددون ويتوعدون مهند بصفحه وامجد ولد عمهم الوضع حيل تأزم وگالو لو معارضينهم ومامخلينهم يرحون احسن
هنا الجد بصوته الجهوور وشخصيته المهيبه
صاح بيهم صوت
..سكتووو رامي ماينخاف علي لاتتسرعون خل نفتهم

كل هذا وام رامي والبيت ميعرفون عبالهم ابيت جدهم وبس

ام رامي ..
ربي فدوه اروحلك هيج وأشوف رامي عريس
وياخذ الرايدها وياهي انوب رتوجه بنت احمد الغالي
والله فرحتي محد حاس بيها بس هوه مو گال اليوم يحاجي ابوو شو ماكوو همه التهوو يم ابوي اكيد
شويه واتصلت ام امجد مرت عمهم
ريم ..الوو هلا عمه شلونج
..هلا بيج يمه امج وين
..گاعده على السجاده منتضره الصلاه
..انطينياها اسألها
هنا ام امجد بالها ع الولد وعبالها ام كرار تعرف بالصار
..ها خيه ام كرار بشري مااجوو رامي وياسر سوده بوجهي گلبي نار والله شلون يخلونه يروح
..ام امجد شنوو خيه مافهمتج رامي وياسر وين وشبيهم احجي
..ياسوده بوجهي ع هالعمله ماتدرين فلك طرني جفصت بالسالفه
..خيه احجي انشلع گلبي شني عندج
سولفتلها السالفه وام كرار گلبها فرفح على ابنها وشبعت بجي وگالت هسه تخابرلي ابوجن اريد ابني
وضلت تدعي ربي رده اليه سالم فدوه رحتلك يمه رامي وضلت تبجي وتدعي

وبيت الجد والعمام مخبوصين هنوب ام رامي ماخلت واحد مااتصلت بي اتصلت بأبو كرار وبأخوانها واحتاروو شيگلولها الوضع حيل تخربط
وانقلقوو كلش
شويه وطبگت سيارة رامي ونزلوو الشباب
تفاجأوو بالتجمع والسلاح
والجد حضن رامي والأبو باسه وگلوله بشر
گلهم الطلابه انحلت وگاعكم الكم وبلغتهم الكل معزومين باجر بعد اذن جدي معزومين بديوانه والعزيمه عليه
وليمة صلح
هنا الكل فرحوو برامي وجده گله اني افتخر بيك
ابوه واخوانه بوسوه وراحوو للبيت
لگو ام رامي حيل متخربطه وتبجي
فدوه يمه فدوه الطولك ليش تذب نفسك بتهلكه
..اني اروح فدوه لدموعج يمه ليش تبجين وعلي هلاكي ذني دموعج يالغاليه ماكوو شي والله
كلشي طبيعي والسويته بصالح الكل
..الله يحفظك يمه والله لو صاير عليك شي اموت بمكاني
..اسم الله عليج يمه عمرج طويل

ابو كرار..

روح يابه روح ارتاح 

رامي ..
ريمه بعد اخوج كوب جاي واريدج بشغله الحگيني بين ماافوت اسبح
..حبيبي من عيوني الغالي تدلل

ياسر..

ولكم شنوو رامي والله ولاواحد يگدرله بالحجي
ويحجي وكله ثقه حته اني صفنت علي وشلون يحرك بيده وگاعد بنصهم ومرتاح
حته جبيرهم تعجب علي وگله هنيال حمولتك بيك
كرار..الله يحفظه رامي يستاهل
..مهند ولكم شصار بيه ميت فكره اجت بالي
من بطيتوو علينه بعلي گلت اذا واحد طخ رامي أكلب عربهم گلاب اخلي واطيها عاليها
..لا والله الناس اقتنعوو لأن حاجاهم بأسلوب لو مهدد ومتوعد هم مايسكتون بس حاجاهم بأدب وفرض نفسه عليهم
..والله يستاهل من سماه ابوي ابو صگر
عيونه تخلي الگباله يهاب خزرتهن