مهند.
كملنه غده وشربت جاي
وگلت اروح اصعد فوگ اريح واني صاعد سمعت صوت رامي يصيح ليش ليش
قريب مااوصل الغرفته طلعت منه ريم
الصراحه بالي راح لبعيد وشفتها مرتبكه والدمعه بطارف عينها من شفتها بهالحال وأعرف برامي شنوو علاقته بيها وشكد قريبه اله گلت هاي ماكو غير مسويتلها مصيبه وهزت مكانتها عنده
من لاگتني رفعت حاجبي الها وحركت راسي اريد افتهم گلتلي ماكو شي هيج جريتها من ايدها حيل ولويتها ودخلتها الغرفتي احجي لج شبي رامي شمسويه وهيج صاح بوجهج
گلتلي شبيك مهند والله مويمي السالفه
لج احجي جايم امي غير انتي يمه جنتي
مهند رامي يحب ريتاج ورايدها اله مثل ماتعرف
اي عرفت وريتاج شجابها
يمعود بس اترك ايدي
لج احجي بسرعه
كلي راح اخطبها واني گتله اتركها افضل لأن متريدك
لج بكيفج انتي ادب سز ليش هيج گتيله
والله اني سألتها وهيه گالت
تركتها وگتلها فهميني شگلتي
گالت البارحه گلت اجس نبضها وگتلها اذا خطبناج ال رامي توافين گالت لا من سألتها ليش گالت ارد ادرس
..وانتي گتيله گالت ارد ادرس لو بس الرفض بلغتي
..لا ماگتله لأن ماسأل ليش رفضت گبل اتعصب وكسر الاستكان بيده وايده نجرحت وكلي اطلعي وخفت وانت لاگيتني
..لج هي ثوله وغبره شلون وحدج تتصرفين البنيه يجوز كلمه گالتها
..والله اني علموده خاف يتعلق بيها اكثر
..ع اساس هوه ممتعلق انتي شفتي شكله البارحه شلون جان روحي يله خل اشوفه
طلعت دخلت على رامي لگيت ايده وملابسه غرگانه بالدم وهوه عيونه دم صايرات ومبين علي نار صاير
گتله رامي شجاي تسوي بنفسك الخاطر الله
لك وين عقلك انت
رفع عينه عليه وگلي مهند اتركني واطلع
اجيته وگتله هاي اختك ثوله وحدها تحجي
گوم گوم هاي ايدك مال خياط شبيك انت عقلك مايشتغل من تسوي هيج شنوو تستفاد من اذيت نفسك .
گوم الخاطر الخوه تره والله الي ابالك صح ريتاج تبادلك الحب صدگني .
رامي .
شويه وأجاني مهند وايدي جانت فايضه بالدم بس بالي مو يمها من گلي اختك وحدها تحجي عرفت ريم حاجيتله ضجت حيل واعصابي تلفت ودلي اطلع بالسياره بس بهاي ايدي مااكدر الزم سويج مو انوب اسوق
ضل يحجي وبالي مو يمه من سمعت حجايته هاي شويه صار عندي امل من گلي متأكد تبادلك گلت شمعرفه لا يجوز يجاملني بهاي
گلت اگوم اخيط ايدي واني اشوفلي حل لوين هالعذاب يوميه اني متعذب لازم اذبحها على قبله
طلعت وياه وگتله مهند اخذ السويج وسوق بس اطلع من باب الخطار لتشوفنه امي ووصي اختك
تلزم السانها
حاجاها مهند بالتليفون وطلعنه
من طلعنه واني گلبي مقبوض انتهيت اريد مكان فارغ واضل اصيح بي اصيح محبوبتي الغاليه انتضرج سنين ليش هيج
گتله مهند تعبت بعد مابيه
گلي خويه شبيك انت معضمها والله
ريتاج اني شاك بيها حابتك لأن من اجيب طاريك اشوفها تتخربط واني احاجيها بس انت غلطان شنوو رايدها وشنوو مجافيها
..مهند شنوو مجافيها اكو يوم هيه ماتمر ابالي والله مثل النفس تصعد وتنزل وي النفس
لك اني مايوم شفت بنيه ورف گلبي على وحده والله حته من اشوف بنيه تعجب يجوز يعجبني شكلها يعجبني اسلوب بس ولايوم تمنيت غيرها
..رامي ادري والله شمعرفها هيه اذا اني اخوك والبارحه يله دريت بيك رايدها انت لازم تحاجيها وتفتهم منها تره ريم بنيه ولأن اختك يجوز تكابر يمها وبعدين احتمال اخذت الموضوع مو جدي
..مهند لاتنطيني امل
وصلنه المستشفى واني دزيت مسج مناك امجد وياسر وگتلهم تعالوو رامي مصاب ردت اطلع رامي من هالمود وردت انصب عليهم
خطيه لگيتهم واصلين گبلنه من شافوو الدم الي بملابس رامي تلگونه بخوف
ورامي رأسا خزرني گلي لك انت شمسوي ذوله شجابهم ضحكت وگتله غير اخوانك يمك جانخليك وحدك تدخل صالت العمليات
..اشتعلن صفاح اهلك وين موديني العمليات القلب هنه خيطين كلاوجي ناوي تنصب عليه ارجع واعلمك
..هههههههههه ولكم تعالوو رامي ايده ماتشتغل اذا ضلينه بس اني وياه يشغل راسه ويستخدم اسلوب الكله
امجد وياسر ههههههههه
امجد ..لك هاي شبيها ايده
مهند ..والله اخونه ضاج وكسر الأستكان بأيده
ياسر ..شعنده ابن كوسوفي
امجد ومهند ..ههههههه
رامي..تأدبوو لااشغل رجلي وراسي والنبي ماطايقكم خايبين الكم واهس وگلوبكم صاحيه تولون مني لابعلي حته ايدي ماخيطها وخلقكم مااريد اشوفها
ياسر ..گول ياالله ابو صگير شعندك الله عليك مساع جنك العافيه شنوو الخلاك هيج تسوي بيدك
..خايبين دمي صفه لعنه اعله اهلكم
الله بلاني بگلب مالوم من الزغر وبلاني بربع وخوان مثلكم هذا وكته حجيكم
.ههههههههه فوت فوت خويه
خيطو ايد رامي بدون تخدير
مهند ..رامي خويه خو ماتتأذه ادري مستشفى مابيها تخدير موضعي صدگ جذب
رامي ..لك تخديريش هنه خيطين
ياسر..غمز المهند وهز راسه شبيه رامي
..غمزله مهند وأشرله اسكت بعدين نسولف
امجد ..لكم شكوو
اجلوو الموضوع وضلوو ساكتين عرفوو الوضع مايتحمل شقه اقوى.
هنا من طلع رامي گل المهند رجعني للبيت
لحوو عليه ولد عمه وگلوله ابو صگر بخوتنه وغلاتنه عندك مامتعودين عليك هيج شجاك ابقه ويانه ونشوفلك حل بس نعرف طلابتك
رامي
..اخواني والله وتاج راسي بس تعذروني ارد ارتاح عقلي جييم اريد افكر مااعرف خلوني وحدي واشوف حل ونسولف بعدين تعرفون
هنا مهند وأمجد كلوله براحتك بس ياسر گله والله ازعل وياك اذا مااجيت وياي اليوم محد عدنه ابوي تعرفه هسه نايم واهلي عد خوالي الضهريه تگضيها يمي ونشوف الحل اني وياك رامي انت مايوم عفتنه تريدنه نعوفك شلون يصير
بعد حجي ياسر اقتنع وطلع وي ياسر ومهند وأمجد
رجعوو للبيت
أنت تقرأ
أحببتك منذ الصغر
Romanceالقصه تتكلم عن بنت يتيمة الأب بعمر العام ونصف تربت بين أخوالها واعمامها تنعم بالدلال من قبل الطرفين لها اخ يكبرها بعامين وامها شابه بعمر الورود ترملت وهي لم تدخل العشرين من عمرها . اسمها ريتاج طفله مشاكسه جميله تحب اخاها كثيرا تخاف عليه من كل شيء...
