رامي ..
جان عندي واجب ومشغول حيل واشوف ريم تتصل گلت أكيد مثل كل مره لو مشتاقتلي وتسأل عني لو رايده مني شي لو تريدني احاجي والدي او والدتي واخليهم يسمحولها تروح الخوالي
هيه من احد يعارض تلجألي كلت هسه مو وكتها تطوش راسي واني مالي خلگ شويه واحاجيها
شفتها لحت ويمي اصدقائي لازمين واجب سوه
رفضتها .
بعدني مداز المسج اجاني مسج منها ومبينه من كلامها مو طبيعيه .
گلت الصديقي ابو علي خويي بعد اخوك غطي عليه دقايق اشوف الأهل اتصالهم قلقني گلي ابو الروم اخذ راكتك وماكو شي ان شاءالله
اتصلت حاجيت ريم .
..الوو
..الوو هلووو رومي شلونك
هلا بيج ريم گولي يروحي شبيج عدكم شي اكو شي صاير احجي
..ها لا ماكو شي رامي يابنت لتخبليني شنوو ماكو شي وانتي حرگتيتي حرگ بالمكالمات
..فدوه الگلبك روم لتعصب والله مجبوره اگلك حته مااخسرك
..لج احجي ريم تره والله قلقتيني الخاطر ربج احجي
من ريم تحجي وياي واني احجي وياها احجي وبالي بي ميت فكره خفت امي صارلها شي والدي بي شي كرار ابنه عائلتنه شكوو شنوو صار اريدها بس تنطق
كلشي اجه على بالي الا الكلام الگالته مااجه لحضه على بالي يمكن تشوفوه اسهل من غيره بس من نطقته ذبحتني حسيت نفسي انتهيت
الح عليها تحجي
..رامي تره عمو اليوم فاتح بابا يريد يخطب ريتاج لمحمد ابنه وابويه معارض وگال الله يوفقهم
..شنوو لج شتحجين انتي شنوو محمد شنوو ريتاج
صدگ تحجين لو مقلب ريم
..والله احجي صدگ
..شنو صدگ منتبها النفسج انتي شنوو محمد ملگوله بنيه غير عافيتي وحق الحق وحق علي داحي باب خيبر احرگهم حرگ أحرگه اليمر صوب ريتاج تسمعين گلي الأمج وابوج يأخرون الموضوع بين مااوصل فهمتي ريم
.اي خويه صار
سدت الخط ريم اني فرت احس ايدي گامت ترعش اريد اثبت ايدي حته اورث الجگاره ماثبتت
مو خايف اني بوكتها ابد مو خايف من اي شي خايف من نفسي حسيت روحي فقدت
گمت ادخن واگول رامي اهدأ اهدأ محد يعرف بيك رايدها حقهم كل بنيه تنخطب
بوكت مااني اخاطب نفسي واني ارجع اعصاب
گلت ماكو ضله الي بعد هسه لازم اوصل البصره مابيها مجال
طلبت اجازه انطوني اجازه ورحت للنهضه شفت تكسيات للبصره گتله اطلع بوجهك تكسي اخذك مااريد نفرات گمت اشرب بشراها ادخن وبالي كله مشغول مخلي ايدي وره راسي واهز برجلي حيل توترت بشكل
الطريق خلصته بألف ياعلي.
وصلنه نص اليل تقريبا فوگ ساعه ثنعش طبيت لگيت الوالد والوالده نايمين والكل گاعد اخوتي وخواتي من طبيت مخبوص وبالي مشغول وهمه بس شافوني عرفوني
كرار گلي شبيك رامي صاير شي وياك بالدوام گتله لا بس اريد امي ابوي هسه اريدهم گلي لك نايمين جاهل انت باجر حاجيهم
گتله كرار مااتحمل مااتحمل الموضوع ميتحمل تأجيل گلي لك شبيك رامي اكو شي
گتله شنوو انت متعرف بالموضوع
گلي ياموضوع هنا الكل واگفين ووسرور زوجة اخوي ورسل وريم گعدن وبقوو كرار ومهند يحاولون يفتهمون لك احجي رامي شبيك
لك كرار عمك عمار يريد يخطب ريتاج لمحمد
اي رامي وين المشكله الله يهنيهم
لك انت شتحجي انت عارف نفسك شتگول يهني منوو وهوه اكو واحد يجيسله طرف منها
والله والله وروح عمي الي يگرب صوب ريتاج احسب الله ماخلقه وابتلي بيه وباليطلع وراه
هنا كرار تنرفز گلي لك شو صاير انت متحترم اني اخوك اكبر منك شنو ترفع صوتك بوجهي گتله كرار اني گوه متجنب نفسي لتطلع طوري الخاطر الاسلام وخر عني تره وصلت حدها
الكل تفاجأ شبيك رامي گول يالله هاي انت العاقل
ريم لأن اني عاقل اني عاقل اتصرف بعقلي وگلبي
الخاطر الله ارحموني وتركوني
كرار گلي لك انت هواي شايف نفسك وصاير مو ادمي شنو انت مسؤل على اعمامك وولدهم جبير العايله انت وبكيفك تهدد وتتوعد مو صوجك انت صوج ابوي واعمامي منطيك اكبر من حجمك خلوك تصدگ نفسك.
اني لزمت ايدي كورتها حيل واعصابي تهسترت باوعت المهند گتله مهند طلع اخوك من يمي لا وروح عمي افلش وجها هسه وخره لا افقد اعصابي
هنا كرار هم گام يصيح ويغلط لك منوو يفلش انت صدگت نفسك جبير علينه خاف شفت نفسك تماشي ابوي وجدي وعبالك كلشي بيدك اصحه يولد اصحه
لزمت راسي حيل وصحت بأعلى صوتي كرار لاتخليني اتجاوز عليك بعلي اصگطك لاتخليني اتجاوز عليك مهند الخاطر الله طلع اخوك
جره مهند والبنات شفتهن يبجن بقيت وحدي شكوو تحفيه بالصاله كسرتها .
أجه والدي شكوو شبيكم شكوو شنوو صاير تخبلتووابويه من شافني اتفاجأ خير يابه رامي من شوكت اجيت اني بگلبي عبره شكبرها ومااريد اضعف گدام احد حته والدي العبره مو من شي العبره من اخوي الي احبه واحترمه اخوي الي افكر بي واعينه بدون ميدري احسه يتحسس مني بس ممتصوره هيج شايل بگلبه عليه يارب اني كافي عليه همي كرار منين طلعلي وسمني سم بحجاياته
دنگت حيل وحطيت ايدي على وجهي فركت وجهي حبل وعدلت شعري وتنفست قوي رامي هدي الي گبالك ابوك گمت گتله ياله اني اسف گعدناك من نومك ماكو شي ليضل بالك بس اني ايدي ترجف اول مره ماأكدر اباوس والدي واحضنه حسيت اذ ا طخني انفجر .ليش هيج كرار مو طبيعي وياي حسيت تصرفه اكبر من الموضوع المفروض هوه يساعدني يگلي احنه وياك اقلها يشجعني ليش نبرته بيها حقد
گلت اني الگلبي علي يوم الي احسه محتاج مصرف مااخلي يطلبني انطي گبل لايطلب واحسسه جني مااعرف اخليهن على الميز وأكل الأمي ذني الكرار بلغيه بمكانهن يوم الي اشوف ابنه مريض ماانتضر واگول ابوه يجي اني بيدي اخذه واجيبه شنوو تقصيري وي كرار وكارهني وهوه روحي من الدنيا
ابوي يمي واني مخلي ايدي على راسي وأفكر
سمعته يصيح رامي رامي ابوو صگر شبيك يابه شنوو بينك وبين اخوك اخوه انتوو مو عيب عليكم صوتك يطلع .
گتله لاتسألني يابه اسأله هوه خل يجاوبك مو هذا موضوعي اني وكرار اخوه تنحل مشكلتنه موضوعي غير
گلي خير يابه شبيك ترجف ليش متوتر اذا على الصار مااعتقد اكو شي يسوه يخلي اصوات الأخوان يعله ابويه انت العاقل من ولدي الي اعتمد عليك وتعرف كلش زين الزعل والغلط يخشن الگلوب كرار اخوك الجبير اعتذر منه وخلاص
گتله فدوه اروح لتراب رجلك يابه موضوعي والله مويم كرار هوه مااعرف شجراله اني الخاطر الگلته ولو مو عاقل واحترم جان مردته مرد والله انت متعرف شلون اتصرف اسأل مهند واسأله وانت هم ليضل بالك احنه اخوه ماكوو شي ابوي انت اغلى من روحي التأمر بيه يصير بس اني لو غلطان اعتذر اخلي الصوره گبتلك وأنت احكم .
گلي شنوو الموضوع گلي بعدين انت مو اجازتك بعد يومين شنزلك بهاليل والطريق يخوف يايابه شنو هالوزه شكم مره محذرك لتجي باليل
گتله يابه انت عودتني ماالف وادور وأطگها طگ السالفه البگلبي عوفنه من دوامي وجيت اليل
تحسرت قوي وگتله يابه ريتاج من جبت اسمها بدون مااحس حجيت اسمها بهدؤ وصوتي نصه
گلي ريتاج گتله اي ريتاج يابه ريتاج لو متصير الغيري الا اني مدفون بالنجف يله تفكرون تنطوها الغيري ابوي اتفاجأ
سكت شويه وگلي انت رايدها گتله يابه روحي من الدنيا هيه جبت عمري كله احلم بيها تصير ام بيتي
گلي والله يابه أنت فرحتني والله بودي تصير الك بس امك گلتلي حسيته باله مو يمها
گتله يابه انت تعرف عوائلنه وتعرف الحجي اني من اگول رايدها ميت حجايه تطلع ومواضيع تنبني عليها حبها ضميته بگلبي خفت عليها حته من نفسي ريم بس الي تدري بهذا البيت وهي الي بلغتني
گلي هذا الموضوع الزاعجك وداعة غلاتك عندي محد يگرب صوبها غيرك بس شرط موافقتها اني بنت اخوي مااجبرها
گتله يابه يشهد عليه الله ومحمد رسول الله وامامي ابو الحسنين اذا البنيه ماراغبتني مااجبرها ولااجيس شعره منها
باسني ابوي من راسي واني حبيت ايده
گلي يابه روح ارتاح وريح بالك لو مخاويني مثل مامخاويك اني ماوصلت الهالحاله گتله ابوي وتاج راسي اروح الطولك فدوه والله انت نعم الأب ونعم الصديق .
هنا اني ارتاحيت ارتاحيت بس بگلبي غصه ضلن حجايات كرار ابالي يرنن
صاح ابوي رسل گلها تعالي نضفي الخطار وريم بنيتي حضري الحمام الأخوج تعبان وخلي يريح
بوستهن وگتلهن يروح تخيجن عذرني ودموعجن مااريد اشوفهن ماتبجن بس على يومي گالن اسم الله عليك اخوي وزادن نحيبهن حضنتهن حيل وگتلهن الخاطري كافي تره تعبان والله ماناقصجن اني
صعدت لگيت الحمام حاضر سبحت ارتاحيت
هنا اجت امي على بالي امي وين مشفتها معقوله كل هالصوت وماگعدت گلت بس لاامي زعلت عليه كرار عزيز امي بس والله مو اني الي اعتديت هوه عبالك متحلفلي
ام كرار ..
من سمعت صوت الولد تفاجأت ابد ولايوم يعله حسهم من همه زغار ميتعاركون شبيهم شجرالهم كل ضني مهند وكرار رامي الأعرفه بالدوام
من طلعت وسمعت صوت رامي گلبي انخمش وليدي شجابه بهاليل وهوه ميجي الا ويتصل بيه يگلي يمه بخاطرج شي محتاجه شي حضريلي هيج اكله اليوم جاي معقوله اجه من سمعت اصواتهم عله وشفت مهند مجتف اخوو وطببه الغرفته صحت صحت محد سمعني رجليه رجفت كامن ميعينني گعد ابوهم سمع الصوت وشفته گام وبعد مالگيت نفسي الا اني بفراشي ويمي ريم ومرت كرار يمرغلي بايديه
ارد اگوم ماادري الهبطه صارت برجليني احسن صارن خيوط مايعينني عمرنه بحياتنه مصايره عركه هيج ابيتنه لا ولدي ولاابوهم وعمامهم من اجيتهم طفله اني وهمه شباب تزوجت وعمري ١٣مايوم شفتهم تعاركوو شبيهم الولد
گتلها لج يمه ريم شكوو گالت يمه ارتاحي ماكو شي رامي فوك يسبح وكرار بغرفته گتلها صيحيلي ابوج ارد افتهم منه
شويه وأجاني ابو كرار
ام كرار صحتج بالدنيا عندي ماكو شي اخوان وتصير بين الخوان گتله فدوه هوه شصاير متگلي شوو ولامتعاركين يوم لاهمه ولا انت واخوانك گبلهم گلها الشيطان شاطر سهله يومين ويتصالحون
ابو كرار رامي ليش جاي وليش بجيته تعارك وي اخوو .والله ياام كرار رامي فاجأني شايط غضب ومثل الثور الهايج اجه جي سامع بعمار رايد ريتاج لمحمد يگول اني رايدها..صدگ والله
اي والله هسه گلي هاي الساعه المباركه جاايش تعارك وي اخوو گلها والله ياام كرار يگول هوه رفس ابطني وكل هذا واني گوه لزمت نفسي ماتجاوزت عليه ولو مو عاقل جان كسرته ..يااشنو الصار ..والله ام كرار ابنج هذا المدلل وانتي اعرف بيه شلون ارعن يارجال ليروح يسمعك هوه صح ارعن بس گلبه طيب والله ام كرار شنوو طيبة الگلب يمعوده ابنج مامسؤل ابنج مطكطك مال نوم واكل لج اني غير ماانطي بي لأن جبير اخوته ومااريد اكسر صورته يمهم بالقرءان مرارتي تريد تطگ من تصرفاته .
الله يهديهم وانتي نامي ارتاحي
ابو كرار اني زينه لتخاف عليه بس ارد اشوف رامي گلبي طاگ عليه .
رامي ..
طلعت من الحمام نشفت شعري شفت عيوني صايرات دم وراسي يريد يطگ ودلي انام بس مااگدر گلت خل انزل اشوف امي شلون راحت من بالي خره بغيرتك رامي شلون اصعد بدون مااشوفها بس لازعلانه عليه
وي نزلتي ع الدرج شفت امي متجها عليه تريد تصعدلي اني انقهرت حيل من نفسي
الأم مهما يكون ومهما يصير ماكوو شي يشغلها عن ضناها اني مشكله بسيطه مثل هذي خلتني انسه امي واصعد بدون ماادنگ وابوس راسها وأشمها
تلگتني رامي يمه بعد عيوني الغالي فدوه رحتلك شلونك .
گتلها رامي وعشيرة رامي يرحون فدوه الريحتج يالغاليه يمه عذريني بعد اليشوفن انتي والله اني قصرت وياج وعساهن بالكسر رجليني الصعدن ومامرنج
بوستني وگلتلي لتگول هيج فدوه الطولك يمه ليش وي اخوك شنو بينكم هاي انت العاقل گتلها التردينه يجرالج تردين هسه اروح احب على راسه بس يايمه والله هوه تلگاني بحجي يغث واني هم جنت مو بوعيي جنت منهار وعصبي وروح عمي وكل هذا واتمالكت اعصابي ولو مااكبر مني جاسگطته گلتلي فدوه يمه اخوات انتوو شنو هالحجي الشيطان شاطر واعتمد عليك لتخلي بينك وبين اخوك فجوه
صار يمه اني تعبان هسه بس نزلت اشم ريحتج ياريحت الجنه
ضحكت ولك ولاتجوز من سوالفك الا تبردني يمه اني ماعندي غيركم فدوه الخاطري وخاطر ابوك الي كسرت ضهره الدنيا وخذت حيله ماطلعنه بيها بس بيكم لاتكسرونه فدوه العمركم
يمه الي تردي يجرالج يابعد الحيل يمه اني تعبان شرايج اطلبج من الوالد اليله لوو متوقعته ميوافق وغمزتلها وضحكت .
ضحكت وگلتلي لاعيني وليدي انت تعال نام يمي اليوم ومالك علاقه بالي ميوافق ضحكت وگتلها لايمه الله ليفرگم حبيت اشاقيج يمه راسي صاير طبل اروح ارتاح
رحت وحطيت راسي ع المخده يايابه يومي شكد متعب ماجنه يوم مر عليه بسنه بس كل هذا وارتاحيت البگلبي طلعته واهلي عرفوو بيه رايدج ياطفلتي الحلوه
نمت واني ماادري شضاملي باجر وماادري ريم شعدها الي من خبر
وللحكايه بقيه
أنت تقرأ
أحببتك منذ الصغر
Romansالقصه تتكلم عن بنت يتيمة الأب بعمر العام ونصف تربت بين أخوالها واعمامها تنعم بالدلال من قبل الطرفين لها اخ يكبرها بعامين وامها شابه بعمر الورود ترملت وهي لم تدخل العشرين من عمرها . اسمها ريتاج طفله مشاكسه جميله تحب اخاها كثيرا تخاف عليه من كل شيء...
