KABANATA 2
Hot Coffee
Habang natitiyak ni Sofia na walang appointment sa labas si Sebastian ay nag-reconnaissance si Sofia sa buong building. Bumili muna siya ng mainit na kape bago sinimulang maglakad-lakad. Sinigurado niyang tama ang mapang ibinigay sa kanya ng matandang Don William. Tiningnan niyang mabuti ang lahat na mga secret passages na maaring daanan ng mga kidnappers kung saka-sakali mang may mangyaring masama. Habang nandoon siya sa basement at tinitingnan ang sistema ng pagkuha ng basura ay isang security guard ang nakasagutan niya.
"Bawal ka dito, Miss." Anang security guard.
"May tinitingnan lang ako." Pinakita ni Sofia ang ID na bigay sa kanya. "Security inspection ito."
"Anong security? Security officer ka ba rito?" Tanong ng aroganteng guwardiya.
Nagulat pa si Sofia nang biglang humugot ng baril ang guwardiya at itinutok sa kanya. "Huwag kang kikilos ng masama!" Kinasa ng guwardiya ang baril. "Patay ka kapag kumilos ka." Ngumiti-ngiti pa ang guwardiya habang nakatutok parin ang baril kay Sofia.
Sa pamamagitan ng siko niya ay kinapa ni Sofia ang service revolver niya subali't hindi siya nagpahalata habang ang guwardiya naman ay abalang tumatawag sa radyo. "Alpha Delta One, come in. Alpha Delta One, come in."
"Oh bakit, Santos?" Sagot ng head security nila.
"Trespasser at basement. Repeat. Treapasser at basement." Naiiling si Sofia sa pag ka-OA ng kaharap niya.
"Roger. Trespasser at basement. All units alert." Sagot naman ng pinuno ng mga guwardiya. "All units alert!"
BINABASA MO ANG
The Billionaire's Son (Completed)
RomanceDahil sa mga death threat na natatanggap ni Don William Alonzo ay kumuha siya ng security escort para sa anak niyang si Sebastian Alonzo. Nagulat si Sebastian nang ipakilala sa kanya ng ama ang magiging bodyguard niya, Si Sofia De Guzman. Mataman ni...
