The Billionaire's Son (Completed)

3

KABANATA 3

Jasmine Tea

KARANIWAN ay alas sais y media ng gabi lumabalabas si Sebastian sa kanyang opisina. Masyado siyang mainipin kaya't pinapalampas muna niya ang rush hour upang hindi abutin ng trapiko sa daan. Bagama't wala pang trenta minutos imaneho ang bahay nila mula sa opisina, nauubusan siya ng pasensya dahil sa trapiko.

Pero ngayong araw na ito ay nagpasya siyang umuwi ng maaga upang matakasan si Sofia. Isa pa'y may usapan sila ng nobya na kakain sa labas kaya't uuwi muna siya at mag-papalit ng damit.

Pinag-isipang mabuti ng binata kung paano siya aalis ng walang nakakaalam. Iniligpit ang mga naiwang trabaho at tumuloy ito sa isang krawto, isang private rest room ito. Kung hindi mataas ang katungkulan mo sa kompanya nila ay hindi ka makakapasok dito. Nakakapagtaka kung bakit tatlo ang switch ng ilaw pero kung titingalain mo iyon ay dalawa lamang ang bumbilyang bilog at ang isang switch naman ay para sa isang secret exit. Pinindot niya iyon at bumukas ang isang panel. Panel ito patungo sa isang elevator na tutuloy sa parking basement kung saan nakaparada ang mamahaling sasakyan ng mga taong may katungkulan tulad niya.

Nakarating siya sa kanyang sasakyan ng walang kapagod pagod at higit pa doon ay walang Sofia ang nakabuntot sa kanya.

"Matalino man ang unggoy ay naiisahan din! Good bye, De Guzman!" Sigaw pa nito bago makapasok ng kanyang sasakyan.

Binaybay niya ang kalsada at huminto upang hintayin ang green signal sa stop light. Nakangiti siya ng malaki ng mapansing kotse ni Sofia ang nasa likod nito. Pumikit-pikit pa siya upang masiguradong tama ang nakikita niya. Si Sofia nga iyon at nakuha pang kumaway sa kanya.

"De Guzman!" Inis nitong bulong.

Nang mag-go signal ay agad niyang pinaharurot ang sasakyan ngunit hindi siya nilubayan ni Sofia. Sa kagustuhan nitong makalayo kay Sofia ay hindi na niya napansin ang isang pulang Porche na paliko kung saan ay daraan ito. Halos huminto ang pagtibok ng puso ni Sofia dahil sa tingin niya ay direct hit ang gagawin ni Sebastian sa sports car na iyon.