GARA2 RM10

Part 6

  PART 6

"Song, koiho ko ih tanak nu.Diorang p bunuh anak tu gompi ANAK RAJA yang tinggal d istana tu!!"
Terteriak ba mama sa "Onu??? Jangan men2 ba Li. Nokuo tu moboos ko do ingkaa?" (Napa ko tba2 cakap camtu?)
"Sa bertapuk d bilik ni skrang. Kotutun ko ih zi ama ih Japan kon. (Ko kenal juga mama c Japan kan)Kan dia tu slalu kana masuk roh2 yang ada pason sma orang kampong. Ni kali roh ninik moyang kita masuk dia." Palan suara aunty Olivia cakap sma mama.
(Mama Japan tu kakak mentua kusai aunty Olivia yang tinggal sma diorang)
"Apa kena-mengena sma c Bontolu plak?" mama sa jawab.
"Haishhh... ko tidak nampak ba tadi, maso poh minum kupi tigok ih om gumizak mogium zi Olu. Brabis dia teriak2 cari Olu. Sinadap pinotoh tinan ih kouvang dau. (Punya sadap daging tu kawan dia) Atukkkkkkk.. lama suda sa tidak makan gitu sadap. Paling sadappp tu nah lidah dia. Laja cakap kami suma bole makan 3 orang ni. Au zou kaandad tii. Ko tidak kanal ka sepa sa ni. Ninik moyang kamu ba ni. Sa ada hak mau panggil tu cicit sa. Mana suda dia!!!! Capatttt... kami lapar suda ni!!!" aunty Olivia kasi cerita balik sma mama.
Terdiam mama sa. Nokolomou suda mato dia sa nampak.
"Jap jap Song.. macam len suda yang masuk lagi tu," aunty Olivia cakap.
Aunty Olivia p cubuk2 lg mama Japan, nahhhhh... ni kali betul2 mama sa terdingar apa kana cakap.
"Huuuu... huuuuu... huuuuuu... apa ba salah anak sa. Napa ba kamu p bunuh dia. Ndak cukup tu kepala kamu kasi putus, kamu p bakar lagi dia. Huuuu.. huuuuu... huuuu... aiso hasa ih tanak ku kumaa diozu. (Teda salah anak sa sma kamu). Huuuuu........ Huh!!! Kulang ajarrrr ka tatanak. Dia ingat dia bole terlepas begitu saja ka lapas dia buat gitu. Hahahahahaha.... Ih kouvang dau... hahah... balik2 minta ampun sma sa. Sa cangak tu lihir dia, sa putung tu lidah dia. Puas hati sa!!!!! Skrang giliran tu kawan dia. Ada hati lagi mau kasi sogit sa beras sma karabau. Kamu ingat cukup ka tu. Hutang darah mesti kena bayar sama darah. Suda la kampung kami abis kamu bakar. 1 orang ndak cukup. Kami mau lagi!!! Mesti 3 orang baru kami puas hati. Nasib tu satu bapa dia awal2 lagi suda minta lapas tu anak dia. Kalo tidak mimang abis juga kami makan tu. Yang kurus2 tu suda kami ikat. Susah dia mau lari tu. Hahaha... Tapi ni satu!! Ko ingat ko bole terlapas!!! Ko jangan pkir bole tapuk dari kami. Hahahahahhahahahahahahhahaha!!!!!!"
Terlapas tu fon dari tangan mama sa.
Sa tinguk tu airmata dia jatuh2.
"Mak.. mak... napa ko ni. Apa aunty Olivia cakap?" sa tanya mama sa.
Trus dia tanya sa "Kaaaa kaaamu ada bakar apa2 binatang ka time kamu kasi bersih tu stor?"
Terdiam sa. Camna dia tau. Dup dap dup dap suda jantung sa.
"Ada mak. Anak ular, katak sma cicak. Tapi tapi sa cuma bakar tu cicak punya badan ba." Sa blang.
"Kooooo tau ka. Cicak yang ko bakar tu la anak raja gompi yang tinggal sna. Tu stor diorang punya tempat tinggal. Oluuuuuu... apa suda ko buat... tu raja gompi marah suda. Dia mau balas dendam tuk anak dia. Oluuuuuu........" nangis2 mama sa cakap.
Sa tinguk ja mama sa. Macam sa tidak percaya apa mama sa baru cakap tadi.
" Diorang la yang makan Andy. Patut la c Vid ada gtau lidah c Andy kana kasi gulung masuk dalam mulut. Kamu p putung kan lidah tu cicak. Skrang diorang mau balas balik apa yang kamu buat sma anak dia. Oluuuu... camna ni. Fr. JM pun tidak buli tulung ko kalo gini. Dia mau juga nyawa ko."
Sa rasa kepala sa berpusing-pusing lepas dingar mama sa cakap gitu.
Daaaaaapppppppppppppppppppp.... tba2 sa jatuh, sempat lagi sa dingar mama sa teriak nama sa sebelum sa pingsan"Olllllllllluuuuuuuuuuuuuuuuuuuuuuu...."