GARA2 RM10

Part 11 (Final)

  PART 11 (FINAL)

"Oluuuuuuuu....... Huhu... Luuuuuu..... napa ko kasi tinggal sa... huhuhu..." sayu suara Andy panggil2 sa.
"Luuuuu.... Napa ko tidak mau kawan sa d cni Luuuuuuu.... Sa takut ba cni Lu... 1 orang ja sa cni.. aiso kouvang zou doitiiiiiiii (teda kawan sa cni). Sajuk tul badan sa Luuuuuuuuuu... Dulu ko saja yang tulung sa kalo sa ada masalah.. skrang mau tinguk sa pun ko tidak mau.. sa panggil2 ko d rumah ko pun ko buat buduh ja.. huhu... Luuuuuu..... sakit lidah sa Luuuu..... diorang putung lidah sa Luuuuuuu... Olluuuuu... Oooo...Luuuuu (start suda c Andy cakap macam orang bobou@bisu yang pindik lidah)" ternangis sa dingar Andy cakap gitu sma sa.
"Bukan sa tidak mau p tinguk ko... sa butul2 minta ampun sma ko.. sa bukan tidak mau p tinguk ko tapi sa tidak buli kuar dari rumah... huhuhu..... Andyyyy.... Huhuhu... Andyyyy" sa butul2 minta ampun sma Andy smpai koiad-iad (nangis2) mau cakap.
"SUDA!!!! Kasi lapas dia!! Kalo tidak, sa bakar kamu suma!! Pinahapas ziaha!!!!!! (Kasi lapas dia)" aunty M.I tba2 marah macam dia suruh tu gompi kasi lapas semangat c Andy.
"AU ZOU MA'ANG!!!!!! (Sa tidak mau) Tidak mauuuuuuuuuuuuuuuuuu!!!" punya kuat tu gompi teriak tidak mau.
"Aduuuuuhhhhhhhhhhhhh...... addduhhhhhhhhhh PANASSSSSS!!!! Suda la dia bakar anak sa, ko lagi p bakar sa balikkkkkk!!!! Ko jangan macam2 snaaaaaaaaaaaaaa.........................Addduuhhhhh... addduuuhhhhhhhhh haaasuuuuuu hasuuuuuuu (panas panas)" lemas kepanasan ba gaya tu gompi.
"Cuuuuuu... mari cni cuuu.. jangan takut cuuuu... ikut ja nenek cuuuuuuuuuu, mari sa tulung kasi bebas ko cu. Mari cuuu... jangan takut. Lepas ni ko tidak kesakitan suda.... Mari cni cuuuu.." tu watak nenek muncul balik.
Tba2 aunty M.I macam kana masuk gompi yang lagi kuat "Hohohohohooooooooo....... Kami ni basar!! Ko ada hati lagi mau kacau kampung kami!!! Ko tau ka sa sepa??? Hah!!! Ko tau ka sa ni sepa smpai ko pandai2 mau bakar kami!"
"Sa ada hak mau makan tu budak. Ko mau tau kanapa????? Sebab tu budak keturunan penjaga kamiii... Hahahahah..... sedangkan moing dia sendri kasi benar kami makan dia, kamu plak ada hati mau halang kami!!! Hahahahah......" butul2 tu gompi sangih2 kami.
Smpai hati diorang suruh makan ja keturunan diorang. Napa ba orang dulu2 ni, heartless!! (tkuar plak English sa). Suda mati pun masi lagi ada hati mau makan semangat orang. Gini la kalo belum lagi ada agama dlu.
Meradang butul sa dingar diorang cakap basar lagi sna trus sa balas la "Kanapa???? Kamu punya keturunan ba tu, kanapa kamu mau makan??????"
"KO DIAMMMMMMMMMMMMMMMMMMMMM!!!!!!!!! Ko teda hak mau cakap sna. Bosuonnnnnn katatanak!! (Budu punya budak) Kalo bukan ada ni nenek tulung ko skrang, ko ingat ko buli cakap lagi ka skrang. Siaalllllllllll!!! Punya sadap mau makan tu daging ko tuuu... kyiiiiiiiiiii.......... kyyiiiiiiiiiiiii... kyiiiiiii......................" adeiii... kena teriak plak sa tu gompi sabab mokibrani jawab tadi.
Trus sa diam ja smbil tunduk muka. Shittt!!
"Tulung la... mokiampun zou diau... tulung la kasi lapas anak sa. Dia tidak tau pa2 ba... tulung la..... tulung kesian anak sa... dia tidak sengaja baaa.. huhuhu...." brani plak mama sa p cakap sma tu gompi.
"Huhuhuhuuuu... huhhuuuu.... Kami suda teriak2 jangan tapi kamu misasangih lagi. Suda kami suruh anjing kasi warning kamu, kami suruh askar ular sma katak kami kuar p suruh kamu berhenti tapi bukan kamu peduli... huhuuuu.... Kamu kasi mati lagi diorang suma. Anak sa cuba mau lari tapi kamu p lagi tangkap kasi putus tu leher dia. Ndak cukup kamu kasi putus kamu BAKAR LAGI DIA!! Sial noh diozu saviavi. Skrang sa mau kamu balassss!!!!" macam permaisuri gompi AKA mama tu cicak yang cakap ni kali.
Tba2 tu aunty yang suruh kami duduk d tangah2 awal2 tadi cakap "Mana la diorang suma tau. D mata diorang nampak anak ko jadi cicak ja,"
"KO DIAMMMMMMM!!!! Sa tidak mau cakap sma ko. Beratus tahun kami tinggal sna, tidak pernah kami kana kacau. Skrang???? Pasal kebuduhan anak kamu la hancur trus tempat kami. Yang sepatutnya jaga tu tempat kami pun biar saja. Nanti tu... aiso gunoooooo." marah tul tu gompi kena sampuk cakap.
"SUDA!! Kamu jangan lagi kacau sepa2 dari ni dunia. Skrang sa akan musnahkan kamu sebab kamu suda melampau." tba2 aunty M.I macam pigang panah trus dia panah dari suma arah. Sa rasa dia panah tu gompi2 suma.
"Hurmmmmmmmmmm....... Yang ada cni skrang suda sa bakar suma. Masi ada ckit lagi tinggal. Cuuuu... jangan risau suda cuuu..... Kamu selamat suda ni cuuuu.... Cuuu.... Kamu selamat suda ni. Kawan kamu pun suda sa kasi bebas. Dia tidak lagi sengsara ni cuuu...." blang aunty M.I.
Sa sma Ah Vui diam ja tinguk pa yang jadi tadi.
Trus aunty M.I berdiri jalan p sna dapur d blakang rumah dia. Ndak lama lapas tu dia datang balik bawa 2 botol air mineral basar.
"Ni air tuk kamu minum kasi abis. Satu urang 1 butul. Lepas abis, amik lagi cni. Mesti kasi abis 3 butul. Nanti sebelum kamu plang, sa mau kamu p mandi dlu. Mandi tu pun mesti 3 kali. Lepas abis mandi 3 kali tu, kamu tidak buli kuar rumah selama 44 hari. Lepas 44 hari baru kamu butul2 selamat. Tadi tu 'nenek' suda kasi mati gompi2 yang basar sma kuat. Yang butul2 berdendam sma kamu. Tapi masi ada lagi ckit pengikut diorang yang memang mau balas dendam sma kamu. Jadi dalam masa 44 hari ni diorang akan sengsara cari kamu jadi time tu la yang paling bagus kasi mati diorang. Kawan kamu yang suda meninggal tu suda 'nenek' tu tulung kasi lapas. Ndak payah lagi kamu susah hati pasal tu. Kalo dia pandai muncul d mimpi kamu atau kamu dingar dia panggil2 kamu, kamu pesan ja lepas abis tempoh pantang tu baru kamu p melawat dia. Kamu rajin2 la kasi sambahyang joliu tuk dia. Lagi satu, ada 1 urang lagi kawan kamu tu kan aritu, dia pun tidak tau pa2 tapi bapa dia suda kasi selamat dia awal2 lagi sebab tu urang tua mentua abang dia ada cakap sma bapa dia. Pasal tu jangan la kamu ungkit2 lagi. Kalo buli, jangan la kamu p sna tu rumah lagi. Walaupun kamu suda dalam jagaan 'nenek', kalo kamu jajal lagi memang kamu akan kana kacau juga sebab tu 'nenek' tidak mau balik2 kasi ingat urang jajal. Ko ah Lu... kalo lambat 1 minit lagi tu mimang ko kana makan suda macam tu kawan ko. Tu semangat kamu, diorang ikat sna pokok basar d Bogung. C Ah Vui ni, nasib2 tlepas pastu time kana tangkap balik pun 'nenek' ada suda sna. Ko punya blakang tu Ah Vui, diorang umban guna boluti supaya ko tidak dapat lari jauh. Nanti sa tulung urut tu blakang ko. Kamu ingat la ni kejadian sebagai satu pengajaran tuk kamu. Jangan sebarangan mau bunuh binatang. Kalo tu tempat memang suda buruk sma lama, jangan pandai2 mau kasi rubuh. Benda2 gitu mimang ada yang tinggal. Kamu tidak nampak camna ni dunia. Bukan manusia ja yang tinggal d dunia ni. Ada macam2 hidupan cuma diorang berlainan jenis ja dari manusia. Kalo kamu terjumpa yang jahat punya nah siap la kamu, nanti jadi macam tadi lagi." brabis kami dingar aunty M.I cakap.
Trus dia pusing cakap sma mama kami "Kalo buli sa tidak mau orang heboh pasal sa. Sa tulung ni pun pasal anak sa brabis mokinsian suruh tulung kamu. Sa suda cukup sengsara dingar orang cakap sa len2 dari dlu lagi. Sa dapat ni anugerah pasal Tuhan kesian tinguk sa. Tuhan suruh sa tulung orang yang betul2 perlu pertolongan. Sa harap kamu suma nanti rajin2 la sambahyang sma Tuhan sebab teda yang lebih besar dari Tuhan."
Mama kami angguk2 ja cakap sma aunty M.I. Lepas abis pantang ni sa mesti p jumpa c Inot mau TQ sma dia sebab minta mama dia tulung kami.
Lepas abis mandi suma tu sa sma Ah Vui p bagi aunty M.I garam pastu plang. 3 kali kami balik2 p sna tuk kasi complete tu mandian kami sma air kami. Lapas abis tu, trus kami pantang 44 hari d rumah ja. Teda juga sa dingar pa2 yang pelik suda pastu. Ada juga sa termimpi c Andy tapi ni kali dia tidak lagi sengsara. Dia senyum ja dalam mimpi sa tu. Sa ada gtau juga dia lepas abis pantang tu baru kami p lawat dia. Tiap2 malam sa sambahyang tuk Andy. Sa mau dia tenang d dunia sna.
44 hari kemudiannnnnn....
Kami p lagi sna rumah aunty M.I tuk pengabisan pantang kami. Adik sa c Nia teda ikut ni kali. Dia pun sa tinguk macam ikut juga sa pantang d rumah ja. Takut dia yang kana aim kunun.
Aunty M.I kasi confirm suda yang suma tu gompi suda mati. Teda suda yang buli kacau kami coz 'nenek' tu suda bagi kami pendinding.
Lepas dari rumah aunty M.I, sa sma Ah Vui pun p melawat Andy sna kuburan.
Sa bawa sigup sma 1 tin beer. C Ah Vui bawa lilin.
Smpai ja kami sna trus sa ternangis. Brabis sa minta ampun sma Andy sebab lambat p tinguk dia. Sa bakar dia sigup sma buka tu tin beer tuk Andy. Ah Vui kasi marak tu lilin. Kami crita2 skejap sebelum plang. Sa gtau la Andy bisuk baru sa p amik result SPM kami. Nanti sa cakap sma tu cikgu sna kunun. Trus sa pesan lagi Andy supaya jangan lagi sedih2. Sebelum kami plang sa pesan lagi sma Andy "Bagus2 ko sna ah, jangan risau pasal kami."
Trus macam ada angin perlahan lepas sa cakap tu.
Sa tau Andy dingar apa yang kami cakap sma dia.
<THE END>
* First of all, thank you so much for reading dis story of mine. Sa cuma tulung kasi crita balik sebab banyak pengajaran yang kita buli dapat dari ni cerita. Jangan tunggu smpai ada yang cedera dlu baru kita mau sedar. Siou noh tuk yang lama tunggu sa update every part. Banyak komitmen ba tambah2 lagi baru2 ni sa sakit.
Sa ada mau minta tulung sma kamu, buli ka?
Mari la kita sambahyang mengikut agama masing2 tuk arwah Andy. Sebab apa yang sa tulis tu mimang betul dia teda suda d dunia ni. Cara dia meninggal pun mimang tidak tenang. Sa mimang kenal arwah ni dari sa kecil lagi. Dia kena kubur d sebelah ja kuburan nenek sa. So bila p kasi bersih kuburan nenek sa, mesti sa p cakap2 sma dia. Sa minta sorry kalo bahasa yang sa guna ni ada yang tidak faham sma kasar. Tapi mimang gitu bogia dialog diorang