نقاء فريدة

الفصل الرابع

*استيقظت صباحا للذهاب الي الامتحان وانا أكره كل شئ حولي كرهت نفسي اشعر أن ما أفعله خطأ ولكن هذا ما يفعله من حولي! لا اعلم اين الصح واين الخطأ ! .أرتديت ملابسي وذهبت الي المدرسه وقابلت سهر علي الباب سلمت عليها وعندما رأتني تغير وجهها وقالت لي :
_ايه ده يا فريده ايه اللبس الي انتي لبساه ده ؟
_ماله لبسي يا سهر !
_واسع جدا ومكبرك شكله مش حلو عليكي .
_مش احسن لما يكون ديق يا سهر .
_بس شكله مش حلو انا بقلك ع الحقيقه.
_سهر انا مش جايه عرض ازياء انا جايه امتحان وكمان مش مذاكره كويس ومش طايقه نفسي.
*كادت فريده ان تنفجر من الغيظ ولكنها حاولت أن تغير الموضوع قائله :

_يلا ندخل لبقيت الشله جوه .
فردت سهر بغضب:
_بصي يا فريده انا العيال إلي جوه دول مش بينزلولي من زور إن كان الحاجه مني الي عملالي فيها شيخه ولا آيه البارده الي ما بتحبش غير نفسها دي حتي ما بترضاش تديني حاجه في الامتحان ولما هي بتعوز حاجه انا بدهيلها. ولا هنا بقي دي هتجبلي شلل عملالك فيها البت البريئه الي طفله من جوة وهي عامله زي الحيه .
و كله كوم واسماء دي كوم تاني البت دي انا مش بقبلها بتقعد تستظرف كتير كده وانا ببقي عاوزه اروح اديها قلم علي وشها من رخامتها.
*وفي هذا الحين ملامح وجهي كادت أن تنفجر من حيل المفاجئه والكلام الغريب الذي أسمعه من سهر انهم اصدقائنا الذين لا يفارقونا كيف تقول عليهم هكذا !.
فتكلمت وانا لا استوعب :
_انتي بتقولي ايه يا سهر دول صحابنا وبعدين هما مش كده خالص ايه الي خلاكي تقولي عليهم كده .
__بصي يا فريده هو كده الشله دي اصلا مفيهاش اي نوع من الاثاره انا بزهق منهم ومن قعدتهم بحس اني قاعده مع اطفال .
_دي احلي حاجه فيهم يا سهر دول طيبين وانا بحبهم هما ما عملوليش حاجه وحشة ابدا عشان اكرههم .
__فريده ده الي عندي قولتيهولك عاوزه تبقي معايا ما عنديش مانع عاوزه تروحيلهم اتفضلي انا مش مانعاكي .
*لم استوعب ما قالته سهر فقلت لها :
_سهر انتي بتخيريني بينك وبين صحابنا ؟!
__دول مش صحابنا ولا عمرهم كانو كده وانتي عارفه كده كويس .عامة انا مش هغصب عليكي براحتك عاوزه تصاحبيهم صاحبيهم لكن ابعدي عني .
_ابعد عنك ازاي يا سهر ! طب قوليلي طيب هما عملولك ايه ؟!
__هقولك يا ستي الشيخه مني جايه تقولي إن فيه ناس بتتكلم عليا. ورايحه تقولها أن انا بكلم ولاد وقاعده تنصحني وعملالي فيها شيخه وعملاني انا الشيطانه وتقولي في الاخر ربنا يهديكي .
_اكيد عاوزه مصلحتك يا سهر هي بتقولك كده عشان بتحبك مش اكتر .
_ده مش حب يا فريده هي عاوزه تطلعني انا الوحشه وهي الحلوه عشان تبينلي انها احسن مني
_علي فكره يا سهر انتي ظالمه مني اوي اكيد مش قصدها كده
__فريده ده الي عندي قولتيهولك عاوزه تبقي معايا اتفضلي عاوزه تسيبيني وتروحيلهم وابقي لوحدي مع السلامه .
_ايه الي انتي بتقوليه ده يا سهر فكري كويس هتلاقي نفسك غلطانه والله .
*وفجأه ظهرت هنا وآيه بيقولولنا يلا الطابور بدأ واول ما مشيوا
سهر قالت :
_ثنائي التنحين دول انا مش بقبلهم.
*لم اعد اتحمل كلام سهر علي صديقاتي وهربت من الكلام معها وصعدت الي اللجن ولم اتكلم مع أي أحد .
وطوال الامتحان لم اعرف مع من اركز مع الامتحان الذي لا اعرف فيه شئ ام مع كلام سهر الذي صدمني : يا تري اعمل ايه ! هبقي مع مين علي مين! مني وهنا وايه واسماء ما عملوليش حاجه عشان اقاطعهم وكمان سهر انا ما اقدرش اعيش من غيرها دي هي الي مصبراني علي حياة البؤس الي انا عايشه فيها .وفي الاخر اخدت قرار اني هبقي مع سهر وفي نفس الوقت مش هسيب البنات بس هبين لسهر أني معاها هي وبس وبالفعل رحت قلت لسهر :انا هبقي معاها ومش هسبها لوحدها .
وبعدها خرجت من المدرسه ولم اتكلم مع أي أحد حتي سهر تعمدت ألا اراها وانا سأموت من الخوف فانا لم أذاكر جيدا ودخلت الامتحانات وانا ارتعش من الخوف انها المرة الأولي التي انتهي فيها من امتحان ولم احل جيدا ،كنت حزينة جدا علي ما فعلت !!! ، وعدت الي المنزل وكنت متعبه جدا دخلت غرفتي وفتحت هاتفي لاري إن كان وصلني اي رسائل جديده حتي ازيح ما علي قلبي من هموم ، فوجدت رساله من حاتم لم افتحها فقد مللت وتعبت انا لست هكذا لا يجب ان اكون مثل سهر ابدا !
*فكل يوم عن ذي قبله تزيد تجاوزات حاتم معي في الكلام فهو اعتقد انني من الفتيات الذي يعرفهم ولكني كل ما كنت افعله هو التقليد وليس برغبتي...
ويشاء القدر أن يمنعني عن هذا الفعل الذي بعيد كل البعد عني ولكني مغيبه تماما !
فهذا الحساب خاصتي قد قمت بتسجيله برقم هاتف اخي أدهم وكانت كل رسالة يرسلها لي حاتم تذهب الي هاتف اخي يالا القدر .!
*وانا جالسه في غرفتي وجدت ادهم يفتح الباب بقوه افزعتني وقام باخذ هاتفي مني بقوة اكبر وقال لي وانا اري بركان سينفجر من عيناه :
_ حاتم ده يبقالك ايه عشان تكلميه انتي اكيد اتجننتي وعاوز تتربي من جديد
*أنه يعرفه فنحن في قرية واحده .
*خفت كثيرا ولم استطع الرد والدموع تنهمر من عيني انا حقا لا اعرف لماذا احادثه !
*فقام ادهم بمسح التطبيق نهائيا من علي هاتفي .
*كنت اتمني أن تنشق الأرض وتبلعني لم أتحدث بأي كلمه تركت دموعي تتحدث عني . كنت اريد ان أخبره أنني افعل ذلك لأن سهرتفعل ذلك .لماذا لا أفعله انا .أنه مثل اخي ونحن لا نتحدث في مواضيع خارجة .لقد احترت! بداخلي الف شخصية لا اعلم من انا فيهم؟! لا اعلم علي أي موقف اقف! . هل انا فريدة التقيه العفيفة المليئه بالاخلاق الحميده؟ ،ام فريدة نسخه سهر التي طبعت اخلاق وافعال سهر بداخلها .
نعم انها شخصيتي الضعيفة التي جعلت مني نسخة مماثلة لأي شخصية اراها،
لقد تعبت من حالي لما لا اكون شخصية واحده لماذا يوما أقرر اني لن اعد ارتدي ملابس ضيقه وعندما أري سهر ترتدي ملابس ضيقه ارجع في رأيي كم من مرة سألت نفسي انا لست انتمي الي هنا؟ لماذا انا هنا! لماذا انا مع سهر ولكني لم اجد أي إجابة بداخلي غير أن سهر هي الوحيده التي اصطحبتني معها وكونت صداقه معي عندما كنت أشعر أنني وحيده هي التي جعلت لي قيمة وجعلتني اشبع غروري . أكره سهر لأنها تفعل افعال بغيضه ولكن سرعان ما احبها عندما أراها تصاحبني في كل شئ ،ابتعدت عن مني كثيرا ،عندما أراها ادير وجهي حتي لاتحادثني فتغضب سهر ! كنت اخاف ان اغضب سهر ولا اخاف ان اغضب ربي ! انتهت امتحانات آخر العام وفجوة الجمود بيني وبين اصدقائي تزداد اكثر واكثر ، وقلبي من سهر يزداد اكثر واكثر أصبحت تزورني كثيرا في الإجازة وتأخذني معها أماكن انا لا احبها .ولكني كنت أظهر لها اني سعيدة جدا برفقتها حتي لا تتركني وحيدة ...

**********************************""""
مرت الايام والأسابيع والسنين وانا لا افتح هذا المسمي بالفيسبوك .وبدأت سنه جديده "الصف الثالث الاعدادي" .بالطبع بدأت اذاكر رغما عني من كثرة شكوي المدرسين لأبي مني.زاكرت واجتهدت بكل طاقه لدي حتي احصل ما ضاع مني وبالفعل انتهت الامتحانات وحصلت علي المركز الثاني علي مستوي المدرسه .وسهر حصلت علي المركز الخامس .لا اعلم كيف انها لا تذاكر ابدا ولكني عرفت بعد ذلك أنه بالغش فهذا معروف ببلدنا .

*********************************
ودخلت اكبس سنة في حياتي الصف الاول الثانوي . لو كنت اعلم ما سيحدث لي بها ما كنت دخلتها ... يتبع